ಆ ದಿನ ಮಾತ್ರ ನಾನು ಮತ್ತು ವಿರಾಟ್ ಕೊಹ್ಲಿ..! ಕೊನೆಗೂ ಲವ್‌ ಮ್ಯಾಟರ್‌ ಬಿಚ್ಚಿಟ್ಟ ತಮನ್ನಾ
ಸಿನಿ ಸೆಲೆಬ್ರಿಟಿಗಳು ಮತ್ತು ಕ್ರಿಕೆಟಿಗರ ನಡುವಿನ ಪ್ರೇಮಕಥೆಗಳು ಹೊಸದೇನಲ್ಲ.. ಅವರ ನಡುವಿನ ಲವ್‌ ಸಂಬಂಧ ಹಲವು ವರ್ಷಗಳಿಂದ ನಡೆದುಕೊಂಡು ಬಂದಿದೆ. ನಾಯಕಿಯರು ಕಾಲಕಾಲಕ್ಕೆ ಇನ್ ಫಾರ್ಮ್ ಕ್ರಿಕೆಟಿಗರೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ.. ಈ ನಡುವೆ ತಮನ್ನಾ ಮತ್ತು ಭಾರತೀಯ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ಸುದ್ದಿ ಹಬ್ಬಿದೆ.
ಹೌದು.. ತಮನ್ನಾ ಭಾಟಿಯಾ ಮತ್ತು ವಿರಾಟ್ ಕೊಹ್ಲಿ ಈ ಹಿಂದೆ ಡೇಟಿಂಗ್ ಮಾಡುತ್ತಿದ್ದರು ಎಂದು ಕೆಲವು ವದಂತಿಗಳು ಹಬ್ಬಿವೆ.. ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಪ್ರೀತಿಸಿ ಮದುವೆಯಾಗುವ ಮೊದಲು, ವಿರಾಟ್ ಮತ್ತು ತಮನ್ನಾ ಭಾಟಿಯಾ ಇಬ್ಬರೂ ಪ್ರೀತಿಸುತ್ತಿದ್ದರು ಎಂಬ ಸುದ್ದಿ ಹರಿದಾಡುತ್ತಿದೆ..
2012 ರ ಜಾಹೀರಾತಿನ ವೀಡಿಯೊದಲ್ಲಿ, ವಿರಾಟ್ ಕೊಹ್ಲಿ ತಮನ್ನಾ ಭಾಟಿಯಾ ಕಾಣಿಸಿಕೊಂಡಿದ್ದರು. ಈ ಇಬ್ಬರ ಅನ್ಯೋನ್ಯತೆ ನೋಡಿ ಇಬ್ಬರು ಡೇಟಿಂಗ್ ಮಾಡುತ್ತಿದ್ದಾರೆ ಅಂತ ನೆಟ್ಟಿಗರು ತಿಳಿದುಕೊಂಡಿದ್ದರು. ಸಧ್ಯ ಇನ್‌ಸ್ಟಾಗ್ರಾಂನಲ್ಲಿ ಈ ಜಾಹೀರಾತಿನ ವಿಡಿಯೋ ವೈರಲ್ ಆಗುತ್ತಿದೆ.
ಇನ್ನು ವಿಡಿಯೋಗೆ ನೆಟ್ಟಿಗರು, ಅನುಷ್ಕಾ ಶರ್ಮಾ ಅವರನ್ನು ಟ್ಯಾಗ್ ಮಾಡುತ್ತಿದ್ದಾರೆ... "ವಿರಾಟ್ ಭಾಯ್ ತಮನ್ನಾ ಮಾಯಕ್ಕೆ ಬೀಳುತ್ತಿದ್ದಾರೆ ಹುಷಾರಾಗಿ ಬಾಬಿ" ಅಂತ ಅನುಷ್ಕಾ ಶರ್ಮಾ ಅವರನ್ನು ಚುಡಾಯಿಸುತ್ತಿದ್ದಾರೆ. ಇನ್ನು ಕೆಲವು ನೆಟಿಜನ್‌ಗಳು ಅನುಷ್ಕಾ ಶರ್ಮಾ ಅವರನ್ನು ಟ್ಯಾಗ್ ಮಾಡಿ, "ಹಲೋ ಅನುಷ್ಕಾ, ಇಲ್ಲಿ ಏನಾಗುತ್ತಿದೆ ನೋಡಿ" ಎಂದು ಕಾಮೆಂಟ್ ಮಾಡಿದ್ದಾರೆ.
ಕೊಹ್ಲಿ - ತಮನ್ನಾ ಡೇಟಿಂಗ್ ಮತ್ತು ಬ್ರೇಕಪ್ ಬಗ್ಗೆ ಸಾಕಷ್ಟು ಚರ್ಚೆಗಳು ನಡೆಯುತ್ತಿದ್ದರೂ, ಅದರ ಬಗ್ಗೆ ಇಬ್ಬರೂ ಎಲ್ಲಿಯೂ ಮಾತನಾಡಿರಲಿಲ್ಲ. ಅಲ್ಲದೆ, ಇದು ಸುಳ್ಳು ಸುದ್ದಿ ಅಂತ ಎಲ್ಲಿಯೂ ಸ್ಪಷ್ಟತೆ ನೀಡುವ ಗೋಚಿಗೆ ಹೋಗಿಲ್ಲ.. ಆದರೆ ಅಂತಿಮವಾಗಿ ತಮನ್ನಾ ಭಾಟಿಯಾ ಇಷ್ಟು ವರ್ಷಗಳ ನಂತರ ಮೌನ ಮುರಿದು ಮಾತನಾಡಿದ್ದಾರೆ..
ಈ ಡೇಟಿಂಗ್ ವದಂತಿಗಳ ಬಗ್ಗೆ ಮಾತನಾಡಿದ ತಮನ್ನಾ, ನನ್ನ ಮತ್ತು ವಿರಾಟ್ ನಡುವೆ ಏನಾಯಿತು ಎಂಬುದು ಜನರಿಗೆ ತಿಳಿದಿಲ್ಲ ಎಂದು ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ. ಆ ದಿನ ಆ್ಯಡ್‌ ಶೂಟ್‌ನಲ್ಲಿ ನಾಲ್ಕು ಮಾತುಗಳನ್ನಾಡಿದ್ದು ಬಿಟ್ಟರೆ, ಆಮೇಲೆ ನಿಜವಾಗಿ ಎಂದಿಗೂ ಮಾತನಾಡಲಿಲ್ಲ.. ಇದು ಸುಳ್ಳು ಸುದ್ದಿ ಅಂತ ನಟಿ ಸ್ಪಷ್ಟ ಪಡಿಸಿದ್ದಾರೆ..