ಸಲಿಂಗಕಾಮಿ ಅಥವಾ ಇನ್ನೊಬ್ಬ ಮಹಿಳೆಯನ್ನು ಮದುವೆಯಾಗಲು ನನಗೆ ಸಮಸ್ಯೆ ಇಲ್ಲ..!

ಬಾಲಿವುಡ್‌ ನಟಿ ನರ್ಗಿಸ್ ಫಕ್ರಿ 'ತಟ್ಲುಬಾಜ್' ಮೂಲಕ OTT ಚೊಚ್ಚಲ ಪ್ರವೇಶಕ್ಕೆ ಸಿದ್ಧರಾಗಿದ್ದಾರೆ. ಇತ್ತೀಚಿಕೆ ಕಾರ್ಯಕ್ರಮ ಪ್ರಚಾರದ ಸಮಯದಲ್ಲಿ ನಗ್ನತೆ ಕುರಿತು ನಗೀರ್ಸ್‌ ನೀಡಿದ ಹೇಳಿಕೆ ಸೋಷಿಯಲ್‌ ಮೀಡಿಯಾದಲ್ಲಿ ಸಖತ್‌ ಹೈಪ್‌ ಕ್ರಿಯೇಟ್‌ ಮಾಡುತ್ತಿದೆ.

ನರ್ಗಿಸ್ ಫಕ್ರಿ ಒಟಿಟಿಗೆ ಲಗ್ಗೆ ಇಟ್ಟಿದ್ದಾರೆ. 'ರಾಕ್‌ಸ್ಟಾರ್' ಮತ್ತು 'ಮದ್ರಾಸ್ ಕೆಫೆ' ನಂತಹ ಬಾಲಿವುಡ್ ಚಿತ್ರಗಳಲ್ಲಿನ ಪಾತ್ರಗಳಿಗೆ ಹೆಸರುವಾಸಿಯಾಗಿದ್ದ ನಟಿ ಇದೀಗ 'ತಟ್ಲುಬಾಜ್' ಮೂಲಕ ತಮ್ಮ OTT ಚೊಚ್ಚಲ ಪ್ರವೇಶಕ್ಕೆ ಸಜ್ಜಾಗುತ್ತಿದ್ದಾರೆ.

ಇತ್ತೀಚೆಗೆ ಅವರು ನೀಡಿದ ಸಂದರ್ಶನದಲ್ಲಿ ಸಿನಿಮಾಗಾಗಿ ನಗ್ನತೆಯ ಪಾತ್ರವನ್ನು ಮಾಡುವುದರ ಕುರಿತು ತಮ್ಮ ಅಭಿಪ್ರಾಯವನ್ನು ತಿಳಿಸಿದ್ದರು. ಒಂದು ಪ್ರಾಜೆಕ್ಟ್‌ ಗಾಗಿ ನಾನು ಯಾವತ್ತೂ ಬೆತ್ತಲಾಗುವುದಿಲ್ಲ, ನನಗೆ ನಗ್ನತೆಯಿಂದ ಸಮಸ್ಯೆಯಿದೆ ಎಂದು ಹೇಳಿದ್ದರು.

ಇನ್ನು ಸಿನಿಮಾದಲ್ಲಿ ಸಲಿಂಗಕಾಮಿ ಅಥವಾ ಇನ್ನೊಬ್ಬ ಮಹಿಳೆಯನ್ನು ಮದುವೆಯಾಗುವ ಸನ್ನಿವೇಶಗಳಿದ್ದರೆ ನನ್ನಗೇನು ತೊಂದರೆಯಿಲ್ಲ. ಅಂಥ ಪಾತ್ರಗಳನ್ನು ಮಾಡುವುದು ನನ್ನ ಕೆಲಸದ ಒಂದು ಭಾಗವಷ್ಟೇ ಅಂತ ನಟಿ ನರ್ಗಿಸ್‌ ಹೇಳಿಕೆ ನೀಡಿದ್ದರು.

ಬೋಲ್ಡ್‌ ಕಂಟೆಂಟ್‌ ವಿಚಾರವಾಗಿ ಪ್ರತಿಕ್ರಿಯೆ ನೀಡಿದ ಅವರು, ಜನರು ಏನು ನೋಡಬೇಕು ಏನು ನೋಡಬಾರದೆನ್ನುವುದು ಅವರ ವೈಯಕ್ತಿಕ ವಿಚಾರಕ್ಕೆ ಬಿಟ್ಟದ್ದು ಎಂದು ನಟಿ ಹೇಳಿದ್ದಾರೆ.

ನರ್ಗಿಸ್ ಫಕ್ರಿ ಇಮ್ತಿಯಾಜ್ ಅಲಿ ಅವರ ‘ರಾಕ್‌ಸ್ಟಾರ್ʼಚಿತ್ರದ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು. ಮೇನ್ ತೇರಾ ಹೀರೋ, ಹೌಸ್‌ಫುಲ್ ಸೇರಿದಂತೆ ಮುಂತಾದ ಚಿತ್ರಗಳಲ್ಲಿ ನಟಿಸಿದ್ದಾರೆ.

ಸದ್ಯ ಫಕ್ರಿ ಧೀರಜ್ ಧೂಪರ್ ಮತ್ತು ದಿವ್ಯಾ ಅಗರ್ವಾಲ್ ಜೊತೆ 'ತಟ್ಲುಬಾಜ್' ಎಂಬ ಸಿನಿಮಾದ ಮೂಲಕ OTT ಪ್ರವೇಶಕ್ಕೆ ಮುಂದಾಗಿದ್ದಾರೆ.