ಸರ್ಕಾರಿ ನೌಕರರಿಗೆ ದೀಪಾವಳಿ ಬೋನಸ್ ಘೋಷಿಸಿದ ಸರ್ಕಾರ ! ಯಾರ ಖಾತೆಗೆ ಎಷ್ಟು ಹಣ ?

ಸುದ್ದಿ ಸಂಸ್ಥೆ ಪಿಟಿಐ ಪ್ರಕಾರ, ಕೇಂದ್ರ ಸರ್ಕಾರವು ಮಂಗಳವಾರ ನಾನ್-ಗೆಜೆಟೆಡ್ ಗ್ರೂಪ್ ಬಿ ಮತ್ತು ಗ್ರೂಪ್ ಸಿ ಉದ್ಯೋಗಿಗಳಿಗೆ ನಾನ್-ಪ್ರೊಡಕ್ಟಿವಿಟಿ ಲಿಂಕ್ಡ್ ಬೋನಸ್ (ದೀಪಾವಳಿ ಬೋನಸ್ 2023) ಪ್ರಕಟಿಸಿದೆ. 

ಈ ಘೋಷಣೆಯ ಪ್ರಕಾರ ಬಿ ಮತ್ತು ಸಿ ಗುಂಪಿನ ನಾನ್ ಗೆಜೆಟೆಡ್ ಉದ್ಯೋಗಿಗಳಿಗೆ ಒಂದು ತಿಂಗಳ ವೇತನಕ್ಕೆ ಸಮನಾದ ಮೊತ್ತವನ್ನು ಬೋನಸ್ ಆಗಿ ನೀಡಲಾಗುತ್ತದೆ. 

ವರದಿಯ ಪ್ರಕಾರ, ಈ ಬೋನಸ್ (ದೀಪಾವಳಿ ಬೋನಸ್ 2023) ಪ್ರಯೋಜನವನ್ನು 2022-23ರ ಅವಧಿಯಲ್ಲಿ ಕನಿಷ್ಠ 6 ತಿಂಗಳವರೆಗೆ ನಿರಂತರ ಕರ್ತವ್ಯವನ್ನು ನೀಡಿದ ಕೇಂದ್ರ ಸರ್ಕಾರಿ ನೌಕರರಿಗೆ ನೀಡಲಾಗುತ್ತದೆ. ಅಲ್ಲದೆ, ಅವರು 31 ಮಾರ್ಚ್ 2023 ರವರೆಗೆ ಸೇವೆಯಲ್ಲಿದ್ದವರಿಗೆ ನೀಡಲಾಗುತ್ತದೆ.  

ಅಡ್ಹಾಕ್ ಆಧಾರದ ಮೇಲೆ (ON AN AD HOC BASIS)ನೇಮಕಗೊಂಡ ಹಂಗಾಮಿ ನೌಕರರಿಗೂ ಈ ಬೋನಸ್ ಅನ್ನು ಸರ್ಕಾರ ನೀಡಲಿದೆ. ಆದರೆ, ಅವರ ಸೇವೆಯಲ್ಲಿ ಯಾವುದೇ ವಿರಾಮ ಇರಬಾರದು ಎನ್ನುವ ಷರತ್ತು ವಿಧಿಸಲಾಗಿದೆ. 

ಕೇಂದ್ರ ಸರ್ಕಾರ ಹೊರಡಿಸಿರುವ ಅಧಿಸೂಚನೆಯ ಪ್ರಕಾರ, ಕೇಂದ್ರ ಅರೆಸೇನಾ ಪಡೆಗಳ ನೌಕರರು ಈ ಬೋನಸ್‌ನ ಪ್ರಯೋಜನವನ್ನು ಪಡೆಯುತ್ತಾರೆ. ಅವರಿಗೆ ಗರಿಷ್ಠ 7 ಸಾವಿರ ರೂ.ವರೆಗೆ ದೀಪಾವಳಿ ಬೋನಸ್ ನೀಡಲಾಗುವುದು. 

ಉದ್ಯೋಗಿಗಳ  ನಾನ್-ಪ್ರೊಡಕ್ಟಿವಿಟಿ ಲಿಂಕ್ಡ್ ಬೋನಸ್ (ದೀಪಾವಳಿ ಬೋನಸ್ 2023) ನಿರ್ಧರಿಸಲು ವಿಶೇಷ ಸೂತ್ರವನ್ನು ಅಳವಡಿಸಿಕೊಳ್ಳಲಾಗಿದೆ. ಇದರಲ್ಲಿ ಉದ್ಯೋಗಿಗಳ ಸರಾಸರಿ ವೇತನದ ಆಧಾರದ ಮೇಲೆ ಬೋನಸ್ ಸೇರಿಸಲಾಗುತ್ತದೆ. ಉದಾಹರಣೆಗೆ ಸರ್ಕಾರಿ ನೌಕರಿಯಲ್ಲಿ ನೀವು ಸುಮಾರು 20 ಸಾವಿರ ರೂಪಾಯಿ ಸಂಬಳ ಪಡೆಯುತ್ತಿದ್ದರೆ, ಸುಮಾರು 19 ಸಾವಿರ ರೂಪಾಯಿ ಬೋನಸ್ ಪಡೆಯಬಹುದು.