ಕನ್ನಡದ ಮೊದಲ ಪ್ಯಾನ್‌ ಇಂಡಿಯನ್‌ ಸ್ಟಾರ್‌ ಯಾರು ಗೊತ್ತಾ..? ನಮ್ಮ ನಿಮ್ಮೆಲರ ಫೇವರೆಟ್‌ ನಟ ಈತ..!
Dr Vishnu Vardhan: ಪ್ಯಾನ್‌ ಇಂಡಿಯಾ ಸ್ಟಾರ್‌, ಪ್ಯಾನ್‌ ಇಂಡಿಯಾ ಸಿನಿಮಾ ಎನ್ನುವ ಟ್ರೆಂಡ್‌ ಇತ್ತೀಚೆಗೆ ಹೆಚ್ಚಾಗುತ್ತಿರಬಹುದು. ವಿವಿಧ ತಂತ್ರಜ್ಞಾನಗಳನ್ನು ಬಳಸಿ ಸಿನಿಮಾ ಮಾಡಿ, ಜನರನ್ನು ಆಕರ್ಶಿಸುತ್ತಿರಬಹುದು. ಆದರೆ ಕನ್ನಡದ ಮೊದಲ ಪ್ಯಾನ್‌ ಇಂಡಿಯಾ ಸ್ಟಾರ್‌ ಯಾರು ಎಂಬುದು ನಿಮಗೆ ಗೊತ್ತಾ..?
ಸ್ಯಾಂಡಲ್‌ವುಡ್‌ ಹಲವು ಸ್ಟಾರ್‌ ನಟರಿದ್ದಾರೆ, ಸಿನಿಮಾ ಇಂಡಸ್ಟ್ರಿಗೆ ಕಾಲಿಟ್ಟು ಮಿಂಚಿ ಮರೆಯಾದ ತಾರೆಗಳು ನಮ್ಮ ನಿಮ್ಮ ನೆನಪಿನಲ್ಲಿ ಸದಾ ಉಳಿದಿದ್ದಾರೆ. ಅಂತೆಯೇ, ವಿಷ್ಣು ದಾದಾ ಕರುನಾಡ ಮಂದಿಯ ಫೇವರೆಟ್‌ ಸ್ಟಾರ್‌ಗಳಲ್ಲಿ ಒಬ್ಬರು ಎಂದೆ ಹೇಳಬಹುದು.
ಪ್ಯಾನ್‌ ಇಂಡಿಯಾ ಟ್ರೆಂಡ್‌ ಎನ್ನುವುದು ಇತ್ತೀಚೆಗೆ ಸಿಕ್ಕಾಪಟ್ಟೆ ಟ್ರೆಂಡ್‌ ಆಗುತ್ತಿರಬಹುದು, ಆದರೆ ವಿಷ್ಣುವರ್ಧನ್‌ ಅವರು ಆಗಿನ ಕಾಲಕ್ಕೆ ಪ್ಯಾನ್‌ ಇಂಡಿಯಾ ಸ್ಟಾರ್‌ ಆಗಿದ್ದರು ಎಂದರೆ ತಪ್ಪಿಲ್ಲ, ಹಾಗಂತಾ ನಾವೇನು ಸುಮ್ಮನೆ ಹೇಳುತ್ತಿಲ್ಲ, ವಿಷ್ಣು ದಾದಾ ಆಗಿನ ಕಾಲಕ್ಕೆ ನೀಡಿದ್ದ ಕೊಡುಗೆ ಅಂತದ್ದು, ಮಾಡಿದ್ದ ಸಿನಿಮಾ ಅಂತದ್ದು.
ವಿಷ್ಣುವರ್ಧನ್‌ ಅವರು ತಮ್ಮ 37 ವರ್ಷಗಳ ಸಿನಿ ಜರ್ನಿಯಲ್ಲಿ ಬರೋಬ್ಬರಿ 220 ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದಾರೆ. ಇಂದಿಗೂ ಕೂಡ ಅವರ ಸಿನಿಮಾಗಳನ್ನು ಇಷ್ಟ ಪಟ್ಟು ನೋಡುವ ಅದೆಷ್ಟೋ ಮಂದಿ ಇದ್ದಾರೆ, ವಿಷ್ಣು ದಾದಾ ಅವರನ್ನು ಮನದಲ್ಲಿಟ್ಟು ಪೂಜಿಸುವ ಮಂದಿ ಸಾಕಷ್ಟಿದ್ದಾರೆ.
ವಿಷ್ಣುವರ್ಧನ್‌ ಅವರಿಗೆ ಕೇವಲ ಕರ್ನಾಟಕದಲ್ಲಿ ಮಾತ್ರ ಅಲ್ಲ, ಇಡೀ ದೇಶಾದ್ಯಂತ ಅಭಿಮಾನಿಗಳಿದ್ದಾರೆ. ಸ್ಯಾಂಡಲ್‌ವುಡ್‌ ಅಷ್ಟೆ ಅಲ್ಲ ಬಾಲಿವುಡ್‌, ಟಾಲಿವುಡ್‌ ಸಿನಿಮಾಗಳಲ್ಲಿ ನಟಿಸಿ ವಿಷ್ಣು ದಾದಾ ಸೈ ಎನಿಸಿಕೊಂಡಿದ್ದಾರೆ.
ಇತ್ತೀಚೆಗೆ ಒಂದು ದೊಡ್ಡ ಸಿನಿಮಾ ಹಲವು ಭಾಷೆಗಳಿಗೆ ಡಬ್‌ ಆಗಿ ರಿಲೀಸ್‌ ಆದರೆ, ಅದನ್ನು ಪ್ಯಾನ್‌ ಇಂಡಿಯಾ ಸಿನಿಮಾ ಎಂದು ಹೇಳಲಾಗುತ್ತೆ. ಒಂದು ಭಾಷೆಯಲ್ಲಿ ಅಷ್ಟೆ ಅಲ್ಲದೆ ಒಬ್ಬ ಸ್ಟಾರ್‌ ಎರಡು ಮೂರು ಭಾಷೆಯಲ್ಲಿ ಜನಪ್ರಿಯತೆ ಗಿಟ್ಟಿಸಿಕೊಂಡರೆ, ಅದನ್ನು ಪ್ಯಾನ್‌ ಇಂಡಿಯಾ ಸ್ಟಾರ್‌ ಎಂದು ಕರೆಯಲಾಗುತ್ತೆ.
ಹಾಗೆ ನೋಡೋಕೆ ಹೋದರೆ, ವಿಷ್ಣುವರ್ಧನ್‌ ಅವರು, ಕನ್ನಡ ಅಷ್ಟೆ ಅಲ್ಲದೆ, ತೆಲುಗು, ತಮಿಳು, ಮಲಯಾಳಂ, ಹಾಗೂ ಹಿಂದಿ ಸಿನಿಮಾಗಳಲ್ಲೂ ನಟಿಸಿದ್ದಾರೆ. ಈ ಮೂಲಕ ಅವರು ಆಗಿನ ಕಾಲಕ್ಕೆ ಬಹುಭಾಷಾ ಸಿನಿಮಾಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದಾರೆ.
ಕೇವಲ ವಿಷ್ಣು ದಾದಾ ಅಷ್ಟೆ ಅಲ್ಲ, ಹಲವು ನಟ ನಟಿಯರು ಸಿನಿಮಾ ರಂಗದಲ್ಲಿ ಪ್ಯಾನ್‌ ಇಂಡಿಯಾ ಸ್ಟಾರ್‌ಗಳಾಗಿ ಮಿಂಚಿ ಮರೆಯಾಗಿದ್ದಾರೆ. ಅವರಲ್ಲಿ ನಟಿ ಶ್ರೀದೇವಿ ಕೂಡ ಒಬ್ಬರು, ಅವರು ಕೂಡ ತೆಲುಗು, ತಮಿಳು, ಹೀಮದಿ ಸಿನಿಮಾಗಳಲ್ಲಿ ನಟಿಸಿ ದೇಶದಾದ್ಯಂತ ಅಭಿಮಾನಿಗಳನ್ನು ಸಂಪಾದಿಸಿದವರಲ್ಲಿ ಒಬ್ಬರು.