ಸೀತಾರಾಮ ಧಾರಾವಾಹಿಯ ವೈಷ್ಣವಿ ಗೌಡ-ಗಗನ್ ಚಿನ್ನಪ್ಪ ನಿಜ ಜೀವನದಲ್ಲಿಯೂ ನಿಶ್ಚಿತಾರ್ಥ ಮಾಡಿಕೊಂಡರಾ? ಏನು ಹೇಳುತ್ತಿದೆ ಈ ಫೋಟೋ?

ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಸೀತಾರಾಮ ಧಾರವಾಹಿ ಸದ್ಯಕ್ಕೆ ಎಲ್ಲರ ಫೆವರಿಟ್. ಹಾಗೆಯೇ ಅದರಲ್ಲಿರುವ ಬರುವ ಸೀತಾ ಮತ್ತು ರಾಮನನ್ನು ಕಂಡರೂ ಎಲ್ಲರಿಗೂ ಪ್ರೀತಿ.   

ಇನ್ನು ಈ ಜೋಡಿ ಧಾರವಾಹಿಯಲ್ಲಿ ಒಂದಾಗಿ ಎಂದು ಕೇಳಿಕೊಳ್ಳುತ್ತಿರುವಂತೆಯೇ ನಿಜ ಜೀವನದಲ್ಲಿಯೂ ಒಂದಾಗಲಿ ಎಂದು ಬಯಸುವವರು ಅದೆಷ್ಟೋ ಮಂದಿ. 

ಸದ್ಯಕ್ಕೆ ಗಗನ್ ಮತ್ತು ವೈಷ್ಣವಿ ಇಬ್ಬರೂ ಸಿಂಗಲ್ ಎಂದೇ ಹೇಳಲಾಗುತ್ತಿದೆ . ಹಾಗಾಗಿ ಇವರಿಬ್ಬರು ಜೋಡಿಯಾದರೆ ಚೆನ್ನಾಗಿರುತ್ತದೆ ಎನ್ನುವುದು ಅಭಿಮಾನಿಗಳ ಆಸೆ. 

ಇದೀಗ ವೈಷ್ಣವಿ ಮತ್ತು ಗಗನ್ ಚಿನ್ನಪ್ಪ ಅಭಿಮಾನಿಗಳ ಬಯಕೆ ನಿಜ ಆಗಿದೆಯಾ ಎನ್ನುವ ಪ್ರಶ್ನೆ ಎದ್ದಿದೆ. ಅದಕ್ಕೆ ಕಾರಣ ಈ ಒಂದು ಫೋಟೋ.    

iamvaishnavioffl ಎನ್ನುವ ಇನ್ಸ್ಟಾ ಖಾತೆಯಲ್ಲಿ ಫೋಟೋವೊಂದನ್ನು ಶೇರ್ ಮಾಡಲಾಗಿದೆ. ಇದರಲ್ಲಿ ವೈಷ್ಣವಿ ಬೆರಳಿಗೆ ಗಗನ್ ಉಂಗುರ ತೊಡಿಸುತ್ತಿದ್ದಾರೆ. ಈ ಫೋಟೋದಲ್ಲಿ ಇಬ್ಬರ ಮಧ್ಯೆ ಪುಟ್ಟ ಸಿಹಿ ಕೂಡಾ ಇರುವುದನ್ನು ಕಾಣಬಹುದು. 

ಈ ಫೋಟೋ ವೈರಲ್ ಆಗುತ್ತಿದ್ದಂತೆಯೇ ಇವರಿಬ್ಬರ ಅಭಿಮಾನಿಗಳು ನಿಜಕ್ಕೂ ಇವರಿಗೆ ನಿಶ್ಚಿತಾರ್ಥ ಎಂದು ಸಂಭ್ರಮಿಸುತ್ತಿದ್ದಾರೆ. ಸಾಮಾಜಿಕ ಮಾಧ್ಯಮದಲ್ಲಿ ಸೀತಾರಾಮಗೆ ಅಭಿನಂದನೆ ಎಂದು ವಿಷಸ್  ಕಳುಹಿಸುತ್ತಿದ್ದಾರೆ.