Shah Rukh Khan Birthday: ಮನ್ನತ್‌ನಲ್ಲಿ ಕಿಂಗ್ ಖಾನ್ ವಿಶೇಷ ಲುಕ್‌! ಫ್ಯಾನ್ಸ್‌ ಫುಲ್‌ ಫಿದಾ
ಬಾಲಿವುಡ್ ಸೂಪರ್‌ಸ್ಟಾರ್ ಶಾರುಖ್ ಖಾನ್ ಅವರಿಗೆ ಇಂದು (ನವೆಂಬರ್ 2, 2022) 58 ವರ್ಷ ತುಂಬುತ್ತದೆ.
ಪ್ರತಿ ವರ್ಷದಂತೆ, ಕಿಂಗ್ ಖಾನ್ ಅವರನ್ನು ನೋಡಲು ಅಭಿಮಾನಿಗಳು ಅವರ ಮುಂಬೈ ನಿವಾಸ ಮನ್ನತ್‌ ಎದುರು ಜಮಾಯಿಸಿದ್ದರು.
ಅವರು ತಮ್ಮೊಂದಿಗೆ ಸಿಹಿತಿಂಡಿಗಳು, ಟೀ ಶರ್ಟ್‌ಗಳು ಮತ್ತು ಹುಟ್ಟುಹಬ್ಬದ ದೊಡ್ಡ ಪೋಸ್ಟರ್‌ಗಳನ್ನು ಹೊತ್ತು ತಂದಿದ್ದರು.
ಕೆಲವರು ಪಟಾಕಿಗಳನ್ನೂ ಸಿಡಿಸಿ ಸಂಭ್ರಮಿಸಿದರು. ಮಧ್ಯರಾತ್ರಿ, ಬಾಲಿವುಡ್ ಸೂಪರ್‌ಸ್ಟಾರ್ ತನ್ನ ಬಾಲ್ಕನಿಯಲ್ಲಿ ಮನೆಯ ಹೊರಗೆ ನೆರೆದಿದ್ದ ಅಪಾರ ಜನಸಮೂಹದಿಂದ ಹುಟ್ಟುಹಬ್ಬದ ಶುಭಾಶಯಗಳನ್ನು ಸ್ವೀಕರಿಸಿದರು.
ಅವರ ಕಿರಿಯ ಮಗ ಅಬ್ರಾಮ್ ಜೊತೆಗಿದ್ದರು. ಕಿಂಗ್ ಖಾನ್ ಕಪ್ಪು ಟಿ-ಶರ್ಟ್, ನೀಲಿ ಜೀನ್ಸ್‌ ಧರಿಸಿ ಸುಂದರವಾಗಿ ಕಾಣುತ್ತಿದ್ದರೆ, ಅವರ ಪುತ್ರ ಬಿಳಿ ಟಿ-ಶರ್ಟ್ ಮತ್ತು ಶಾರ್ಟ್ಸ್‌ನಲ್ಲಿ ಮುದ್ದಾಗಿ ಕಾಣುತ್ತಿದ್ದ.