Ragi Dosa Recipe: ಆರೋಗ್ಯಕರ ರಾಗಿ ದೋಸೆ ಹೀಗೆ ಮಾಡಿ.. ಸಿಂಪಲ್‌ ಕ್ವಿಕ್‌ ರೆಸಿಪಿ ನಿಮಗಾಗಿ.!
ಸಾಮಾನ್ಯವಾಗಿ ನಾವು ಮನೆಯಲ್ಲಿ ರಾಗಿಯಿಂದ ವಿವಿಧ ರೀತಿಯ ಭಕ್ಷ್ಯಗಳನ್ನು ತಯಾರಿಸುತ್ತೇವೆ. ಬೆಳಿಗ್ಗೆ ಆರೋಗ್ಯಕರ ಆಹಾರವನ್ನು ಸೇವಿಸುವುದರಿಂದ ದೇಹವು ಸಕ್ರಿಯವಾಗಿರುತ್ತದೆ.
ರಾಗಿ ಹಿಟ್ಟಿನಿಂದ ದೋಸೆ ಮಾಡುವುದರಿಂದ ತುಂಬಾ ಒಳ್ಳೆಯದು. ರಾಗಿ ದೋಸೆಯನ್ನು ಹೇಗೆ ಮಾಡುವುದು ಎಂದು ತಿಳಿಯೋಣ..
ರಾಗಿ ದೋಸೆ ತಯಾರಿಸಲು ಮೊದಲು ರಾಗಿ ಹಿಟ್ಟು, ಕಾಲು ಕಪ್ ಅಕ್ಕಿ ಹಿಟ್ಟು, ಒಂದು ಚಮಚ ಮೈದಾ ಹಿಟ್ಟು, ಉಪ್ಪು ಮತ್ತು ಕಾಲು ಕಪ್ ಮೊಸರು ತೆಗೆದುಕೊಳ್ಳಿ.
ಮೊದಲು ಒಂದು ಬಟ್ಟಲಿನಲ್ಲಿ ರಾಗಿ ಹಿಟ್ಟನ್ನು ತೆಗೆದುಕೊಳ್ಳಿ. ಇದಕ್ಕೆ ಮೈದಾ, ಅಕ್ಕಿ ಹಿಟ್ಟು, ಮೊಸರು ಮತ್ತು ಉಪ್ಪು ಸೇರಿಸಿ ಮಿಶ್ರಣ ಮಾಡಿ. ನಂತರ ಸಾಕಷ್ಟು ನೀರು ಸೇರಿಸಿ ಮತ್ತು ಗಂಟಿಲ್ಲದಂತೆ ಕಲಿಸಿ ದೋಸೆ ಹಿಟ್ಟನ್ನು ತಯಾರಿಸಬೇಕು.
ಬಳಿಕ ರಾಗಿ ದೋಸೆ ಹಿಟ್ಟನ್ನು 15 ನಿಮಿಷಗಳ ಕಾಲ ನೆನೆಸಿಡಿ. ನಂತರ ಪ್ಯಾನ್ ಅನ್ನು ಒಲೆಯ ಮೇಲೆ ಇಟ್ಟು ಬಿಸಿ ಮಾಡಿ. ದೋಸೆ ಹಾಕಿ. ಎರಡೂ ಬದಿಯಲ್ಲಿ ಫ್ರೈ ಮಾಡಿ ಮತ್ತು ತಟ್ಟೆಯಲ್ಲಿ ತೆಗೆದುಕೊಳ್ಳಿ. ಈಗ ಗರಿಗರಿಯಾದ ರಾಗಿ ದೋಸೆ ರೆಡಿ.