Sovereign Gold Bond : ಚಿನ್ನದ ಮೇಲಿನ ಹೂಡಿಕೆಗೆ ಮತ್ತೊಂದು ಸುವರ್ಣಾವಕಾಶ, ರಿಯಾಯಿತಿ ಬೆಲೆಯಲ್ಲಿ ಸಿಗಲಿದೆ ಬಂಗಾರ

 ಸಾವರಿನ್ ಗೋಲ್ಡ್ ಬಾಂಡ್ ಯೋಜನೆಯ 3ನೇ ಸೀರೀಸ್ ಅಡಿಯಲ್ಲಿ  ಪ್ರತಿ ಗ್ರಾಂ ಚಿನ್ನದ ಬೆಲೆಯನ್ನು 4,889 ರೂ ಎಂದು ನಿಗದಿಪಡಿಸಲಾಗಿದೆ. ಎರಡನೇ ಸೀರೀಸ್ ನಲ್ಲಿ ಗ್ರಾಂ ಮೇಲೆ 4,842 ರೂ. ನಿಗದಿಯಾಗಿತ್ತು.  

ಬ್ಯಾಂಕ್, ಸ್ಟಾಕ್ ಹೋಲ್ಡಿಂಗ್ ಕಾರ್ಪೊರೇಷನ್ ಆಫ್ ಇಂಡಿಯಾ ಲಿಮಿಟೆಡ್, ಆಯ್ದ ಅಂಚೆ ಕಚೇರಿ, ನ್ಯಾಷನಲ್ ಸ್ಟಾಕ್ ಎಕ್ಸ್ಚೇಂಜ್ (NSE) ಅಥವಾ ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್ (BSE) ಯಿಂದ Sovereign Gold Bond ಖರೀದಿಸಬಹುದು.

ಈ ಯೋಜನೆಯಲ್ಲಿ ನೀವು ಆನ್‌ಲೈನ್‌ನಲ್ಲಿ ಚಿನ್ನವನ್ನು ಖರೀದಿ ಮಾಡುವುದಾದರೆ, ಪ್ರತಿ ಗ್ರಾಂ ಮೇಲೆ 50 ರೂಪಾಯಿ ರಿಯಾಯಿತಿ ಸಿಗಲಿದೆ. ವಾರ್ಷಿಕವಾಗಿ ಈ ಹೂಡಿಕೆಯ ಮೇಲೆ ಶೇಕಡಾ 2.5 ರಷ್ಟು ಬಡ್ಡಿ ಕೂಡಾ ದೊರೆಯುತ್ತದೆ.   

 ಸಾವರಿನ್ ಗೋಲ್ಡ್ ಬಾಂಡ್ ಅವಧಿ ಎಂಟು ವರ್ಷಗಳದ್ದಾಗಿದೆ. ಆದರೆ, ಲಾಕ್-ಇನ್ ಅವಧಿ ಐದು ವರ್ಷಗಳು.  ಈ ಯೋಜನೆ ಮೂಲಕ ಚಿನ್ನದ ಮೇಲೆ ಹೂಡಿಕೆ ಮಾಡಿದರೆ ತೆರಿಗೆ ಪಾವತಿಸಬೇಕಿಲ್ಲ. 

 ಬಾಂಡಿನ ಸಬ್ಸ್ಕ್ರಿಪ್ಶನ್ ಪ್ರಾರಂಭವಾಗುವ ಮೊದಲು, ವಾರದ ಕೊನೆಯ ಮೂರು ವಹಿವಾಟು ದಿನಗಳಲ್ಲಿ 999 ಶುದ್ಧತೆಯ ಚಿನ್ನದ ಕ್ಲೋಸಿಂಗ್ ಪ್ರೈಸ್ ನಿರ್ಧಾರವಾಗುತ್ತದೆ.  ಇಂಡಿಯನ್ ಬುಲಿಯನ್ ಮತ್ತು ಜ್ಯುವೆಲ್ಲರ್ಸ್ ಅಸೋಸಿಯೇಷನ್ ​​ಲಿಮಿಟೆಡ್ ಈ ಬೆಲೆಯನ್ನು ಪ್ರಕಟಿಸುತ್ತದೆ