Home Loan Rule: ಹೋಂ ಲೋನ್ ಪಡೆಯಲು ಅರ್ಜಿ ಸಲ್ಲಿಸುವ ಮೊದಲು ಈ ಕೆಲಸಗಳನ್ನು ಪೂರ್ಣಗೊಳಿಸಿ
ನೀವು ಮನೆ ಅಥವಾ ಫ್ಲಾಟ್ ಖರೀದಿಸಲು ಹೆಚ್ಚಿನ ಸಾಲದ ಮೊತ್ತಕ್ಕೆ ಅರ್ಜಿ ಸಲ್ಲಿಸಿದರೆ ಹಲವು ಸಂದರ್ಭಗಳಲ್ಲಿ ಬ್ಯಾಂಕ್ ಅದನ್ನು ಅನುಮೋದಿಸಲು ನಿರಾಕರಿಸಬಹುದು. ಹಾಗಾಗಿ ನೀವು ಎಷ್ಟು ಸಾಲಕ್ಕೆ ಅರ್ಹರು ಎಂಬುದನ್ನು ಮೊದಲು ತಿಳಿಯುವುದು ಬಹಳ ಮುಖ್ಯ. ಈ ಬಗ್ಗೆ ನಿಮಗೆ ಮೊದಲೇ ತಿಳಿದಿದ್ದರೆ ನೀವು ಉಳಿದ ಪಾವತಿ ಮೊತ್ತದ ಬಗ್ಗೆ ಮೊದಲೇ ಯೋಜನೆ ರೂಪಿಸಬಹುದು.
ನೀವು ಮನೆ ಅಥವಾ ಫ್ಲಾಟ್ ಖರೀಸುವ ಯೋಜನೆಯು ಎಲ್ಲಾ ನಿಯಂತ್ರಕ ಅನುಮತಿಗಳನ್ನು ಹೊಂದಿದೆ ಎಂದು ಖಚಿತಪಡಿಸಿಕೊಳ್ಳಿ. ಬ್ಯಾಂಕ್ ಪಟ್ಟಿಯಲ್ಲಿ ಪ್ರಾಜೆಕ್ಟ್ ಪಟ್ಟಿ ಮಾಡಲಾಗಿದೆಯೇ ಅಥವಾ ಇಲ್ಲವೇ ಎಂಬುದನ್ನು ಕೂಡ ಮೊದಲೇ ಪರಿಶೀಲಿಸುವುದು ಕೂಡ ಬಹಳ ಮುಖ್ಯ.
ನೀವು ಉಳಿತಾಯ (Savings Account) ಅಥವಾ ವೇತನ ಖಾತೆಯನ್ನು (Salary Account) ಹೊಂದಿರುವ ಬ್ಯಾಂಕಿನಲ್ಲೇ ಗೃಹ ಸಾಲಕ್ಕೆ ಅರ್ಜಿ ಸಲ್ಲಿಸುವುದು ಉತ್ತಮ. ಬ್ಯಾಂಕ್ ಈಗಾಗಲೇ ನಿಮ್ಮ ಕ್ರೆಡಿಟ್ ಇತಿಹಾಸ ಮತ್ತು ಕಂಪನಿ, ವೇತನ ಇತ್ಯಾದಿ ವೈಯಕ್ತಿಕ ವಿವರಗಳನ್ನು ತಿಳಿದಿದ್ದರೆ KYC ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲು ಕಡಿಮೆ ಸಮಯ ತೆಗೆದುಕೊಳ್ಳುತ್ತದೆ. ಹಾಗಾಗಿ ಲೋನ್ ಪಡೆಯಲು ನೀವು ಹೆಚ್ಚು ಕಾಯಬೇಕಾಗುವುದಿಲ್ಲ.
ಇದನ್ನೂ ಓದಿ- Post office Jan Dhan Account: ಅಂಚೆ ಕಚೇರಿಯಲ್ಲಿ ಜನ್ ಧನ್ ಖಾತೆ ತೆರೆಯಿರಿ, 2 ಲಕ್ಷ ಲಾಭ ಪಡೆಯಿರಿ
ಹೆಚ್ಚಿನ ಸಂದರ್ಭಗಳಲ್ಲಿ, ಬ್ಯಾಂಕುಗಳು ನಿಮ್ಮ ಉತ್ತಮ ಮರುಪಾವತಿ ದಾಖಲೆ ಮತ್ತು ಕ್ರೆಡಿಟ್ ಸ್ಕೋರ್ (CIBIL Score) ಅನ್ನು ಆಧಾರವಾಗಿ ಪರಿಗಣಿಸುತ್ತವೆ. ಇದು ನಿಮ್ಮ ಸಾಲವನ್ನು ತ್ವರಿತವಾಗಿ ಅನುಮೋದಿಸಲು ಅನುವು ಮಾಡಿಕೊಡುತ್ತದೆ. ಕೆಲವೊಮ್ಮೆ ಬ್ಯಾಂಕುಗಳು ಉತ್ತಮ ಸ್ಕೋರ್ ಹೊಂದಿರುವವರಿಗೆ ಅಗ್ಗದ ಗೃಹ ಸಾಲವನ್ನು (Home Loan) ಸಹ ನೀಡುತ್ತವೆ.
ಇದನ್ನೂ ಓದಿ- e-SHRAM ಪೋರ್ಟಲ್‌ನಲ್ಲಿ ನೋಂದಾಯಿಸಿ, 2 ಲಕ್ಷ ರೂ.ವರೆಗೆ ಲಾಭ ಪಡೆಯಿರಿ
ನಿಮಗೆ ಹೆಚ್ಚಿನ ಸಾಲದ ಅಗತ್ಯವಿದ್ದರೆ, ಆದರೆ ನಿಮ್ಮ ಸಂಬಳವು ಅದನ್ನು ಅನುಮತಿಸದಿದ್ದರೆ, ನಿಮ್ಮ ಸಂಗಾತಿ/ಪೋಷಕರು/ಒಡಹುಟ್ಟಿದವರೊಂದಿಗೆ ಜಂಟಿ ಸಾಲಕ್ಕಾಗಿ ನೀವು ಅರ್ಜಿ ಸಲ್ಲಿಸಬಹುದು. ನೀವು ಬಯಸಿದರೆ, ಸಾಲ ಮರುಪಾವತಿಗಾಗಿ ನೀವು ದೀರ್ಘಾವಧಿಯನ್ನು ಆಯ್ಕೆ ಮಾಡಬಹುದು. ಇದು ಪ್ರತಿ ತಿಂಗಳ EMI ಅನ್ನು ಕಡಿಮೆ ಮಾಡುತ್ತದೆ ಮತ್ತು ತಿಂಗಳ ಬಜೆಟ್ ಮೇಲೆ ಪರಿಣಾಮ ಬೀರುವುದಿಲ್ಲ.
ಯಾವುದೇ ಸಾಲವನ್ನು ತೆಗೆದುಕೊಳ್ಳುವ ಮೊದಲು ಮಾಸಿಕ ಕಂತಿನ (ಇಎಂಐ) ಮೂಲಕ ನೀವು ಎಷ್ಟು ಹಣ ಪಾವತಿಸಬೇಕಾಗಬಹುದು ಎಂಬುದನ್ನು ಖಚಿತಪಡಿಸಿಕೊಳ್ಳಿ, ಏಕೆಂದರೆ ಗೃಹ ಸಾಲಗಳು ದೀರ್ಘಕಾಲದವರೆಗೆ ಲಭ್ಯವಿರುತ್ತವೆ. ಹೋಮ್ ಲೋನ್ ಇಎಂಐ ಆಗಿ ನೀವು ಎಷ್ಟು ಖರ್ಚು ಮಾಡಬಹುದು ಎಂದು ತಿಳಿಯಲು ನಿಮ್ಮ ಟೇಕ್-ಹೋಮ್ ಸಂಬಳದಿಂದ ಇತರ ಸಾಲ ಮತ್ತು ಕ್ರೆಡಿಟ್ ಕಾರ್ಡ್ ಪಾವತಿಗಳನ್ನು ಒಳಗೊಂಡಂತೆ ನಿಮ್ಮ ಎಲ್ಲಾ ಖರ್ಚುಗಳನ್ನು ಕಳೆಯಿರಿ. ಇದು ನಿಮ್ಮ EMI ಕೈಗೆಟುಕುವಿಕೆಯ ಕಲ್ಪನೆಯನ್ನು ನೀಡುತ್ತದೆ. ಸಾಮಾನ್ಯವಾಗಿ, ಬ್ಯಾಂಕುಗಳು ನಿಮ್ಮ ಟೇಕ್-ಹೋಮ್ ಲೋನ್ ಸಂಬಳದ 40% ವರೆಗೆ EMI ಅನ್ನು ಅನುಮತಿಸುತ್ತವೆ.