ICC Test Rankings 2024: ಐಸಿಸಿ ಶ್ರೇಯಾಂಕದಲ್ಲಿ ಈ ಹೊಸ ದಾಖಲೆ ಮಾಡಿದ ರವೀಂದ್ರ ಜಡೇಜಾ!

ಐಸಿಸಿ ಬಿಡುಗಡೆ ಮಾಡಿರುವ ನೂತನ ಟೆಸ್ಟ್ ಶ್ರೇಯಾಂಕದಲ್ಲಿ ಆಲ್ ರೌಂಡರ್‌ಗಳ ಬಗ್ಗೆ ಹೇಳುವುದಾದರೆ, ರವೀಂದ್ರ ಜಡೇಜಾ ಮೊದಲ ಸ್ಥಾನದಲ್ಲಿದ್ದಾರೆ. ಜಡೇಜಾ ಈಗಾಗಲೇ ನಂ.1 ಸ್ಥಾನದಲ್ಲಿದ್ದರೂ, ಈ ಬಾರಿ ಅವರ ರೇಟಿಂಗ್ 475 ರ‍್ಯಾಂಕಿಂಗ್‌ಗೆ ಏರಿದೆ. ಇದು ಅವರ ಸಾರ್ವಕಾಲಿಕ ಉನ್ನತ ರೇಟಿಂಗ್ ಆಗಿದೆ. ಅವರು ಹಿಂದೆಂದೂ ಈ ಸಾಧನೆ ಮಾಡಿರಲಿಲ್ಲ. 

ವಿಶೇಷವೆಂದರೆ ಬಾಂಗ್ಲಾದೇಶದ ವಿರುದ್ಧದ 2ನೇ ಟೆಸ್ಟ್ ಪಂದ್ಯವು ಸೆ.27ರಿಂದ ಕಾನ್ಪುರದಲ್ಲಿ ನಡೆಯಲಿದೆ. ಇದರಲ್ಲಿ ಜಡೇಜಾ ಆಡುವುದು ಬಹುತೇಕ ಖಚಿತವಾಗಿದೆ. ಭಾರತದ ಪ್ಲೇಯಿಂಗ್ 11ನಲ್ಲಿ ಕೆಲ ಬದಲಾವಣೆಗಳಿದ್ದರೂ ಜಡೇಜಾಗೆ ತಂಡದಿಂದ ಹೊರಗುಳಿಯುವುದು ಅನುಮಾನ. ಇದರರ್ಥ ಜಡೇಜಾ ತಮ್ಮ ಸಂಖ್ಯೆಯನ್ನು ಇನ್ನಷ್ಟು ಸುಧಾರಿಸಲು ಅವಕಾಶವಿದೆ. ಅವರು ಕೇವಲ 1 ರೇಟಿಂಗ್ ಪಾಯಿಂಟ್ ಅನ್ನು ಹೆಚ್ಚಿಸಿದರೂ, ತಮ್ಮ ಸಾರ್ವಕಾಲಿಕ ಉನ್ನತ ರೇಟಿಂಗ್ ಅನ್ನು ತಲುಪುತ್ತಾರೆ. 

ಕುತೂಹಲಕಾರಿ ಸಂಗತಿಯೆಂದರೆ ಚೆನ್ನೈ ಟೆಸ್ಟ್‌ನಲ್ಲಿ ಜಡೇಜಾ ಅವರ ಜೊತೆಗಾರ ರವಿಚಂದ್ರನ್ ಅಶ್ವಿನ್ ಮೊದಲ ಇನ್ನಿಂಗ್ಸ್‌ನಲ್ಲಿ ಭರ್ಜರಿ ಶತಕ ಸಿಡಿಸಿದರು. 2ನೇ ಇನ್ನಿಂಗ್ಸ್‌ನಲ್ಲಿ ಅದ್ಭುತ ಬೌಲಿಂಗ್‌ ಪ್ರದರ್ಶನದ ಮೂಲಕ 6 ವಿಕೆಟ್‌ಗಳನ್ನು ಕಬಳಿಸಿದರು. ಇದರ ಹೊರತಾಗಿಯೂ ಜಡೇಜಾ ಮತ್ತು ಅಶ್ವಿನ್ ನಡುವೆ ರೇಟಿಂಗ್‌ನಲ್ಲಿ ಭಾರೀ ವ್ಯತ್ಯಾಸವಿದೆ. ಜಡೇಜಾ ರೇಟಿಂಗ್ 475 ಆಗಿದ್ದರೆ, ಅಶ್ವಿನ್ ರೇಟಿಂಗ್ 370 ಆಗಿದೆ. ಈ ಹಿಂದೆ ಅಶ್ವಿನ್ ಅವರ ರೇಟಿಂಗ್ ಇನ್ನೂ ಕಡಿಮೆಯಾಗಿತ್ತು, ಇದಾದ ನಂತರವೂ ಅವರು 2ನೇ ಸ್ಥಾನದಲ್ಲಿದ್ದರು. ಅದು ಈಗ ಸುಧಾರಿಸಿದೆ. ಕಾನ್ಪುರ ಟೆಸ್ಟ್‌ನಲ್ಲಿ ಅಶ್ವಿನ್ ಕೂಡ ಆಡಲಿದ್ದಾರೆ. 

ಬಾಂಗ್ಲಾದೇಶದ ವಿರುದ್ಧ ಇವರಿಬ್ಬರ ಪ್ರದರ್ಶನದ ಬಗ್ಗೆ ಹೇಳುವುದಾದರೆ, ಜಡೇಜಾ ಮೊದಲ ಇನ್ನಿಂಗ್ಸ್‌ನಲ್ಲಿ 86 ರನ್ ಗಳಿಸಿದ್ದರೆ, ಅಶ್ವಿನ್ 113 ರನ್‌ಗಳ ಅದ್ಭುತ ಇನ್ನಿಂಗ್ಸ್ ಆಡಿದ್ದರು. ಪಂದ್ಯದ ಮೊದಲ ಇನ್ನಿಂಗ್ಸ್‌ನಲ್ಲಿ ಅಶ್ವಿನ್ ಯಾವುದೇ ವಿಕೆಟ್ ಪಡೆಯಲಿಲ್ಲ, ಆದರೆ ಜಡೇಜಾ 2 ವಿಕೆಟ್ ಪಡೆದರು. ಪಂದ್ಯದ 2ನೇ ಇನ್ನಿಂಗ್ಸ್‌ನಲ್ಲಿ ರವೀಂದ್ರ ಜಡೇಜಾ 3 ವಿಕೆಟ್ ಮತ್ತು ರವಿಚಂದ್ರನ್ ಅಶ್ವಿನ್ 6 ವಿಕೆಟ್ ಪಡೆದರು. ಆದರೆ ಪಂದ್ಯದ 2ನೇ ಇನ್ನಿಂಗ್ಸ್‌ನಲ್ಲಿ ಅವರು ಬ್ಯಾಟಿಂಗ್ ಮಾಡಲಿಲ್ಲ.