Diwali Offer: ಜಿಯೋದಿಂದ ಒಂದು ವರ್ಷದವರೆಗೆ ಇಂಟರ್‌ನೆಟ್ ಉಚಿತ.. ಉಚಿತ..!

ಬೆಲೆ ಏರಿಕೆಯಿಂದ ಬಳಕೆದಾರರನ್ನು ಕಳೆದುಕೊಳ್ಳುತ್ತಿರುವ ಜಿಯೋ ಕಡಿಮೆ ಬೆಲೆಯಲ್ಲಿ ಗುಣಮಟ್ಟದ ಸೇವೆ ಒದಗಿಸುವ ಮೂಲಕ ಗ್ರಾಹಕರನ್ನು ಉಳಿಸಿಕೊಳ್ಳುವ ಪ್ರಯತ್ನದಲ್ಲಿದೆ. ಇಂಟರ್‌ನೆಟ್ ಬಳಕೆದಾರರಿಗೆ ದೀಪಾವಳಿ ಹಬ್ಬದ ವೇಳೆ ಹೊಸ ಆಫರ್ ಹೊರತಂದಿದೆ. ಈ ಆಫರ್ ಅಡಿಯಲ್ಲಿ ಗ್ರಾಹಕರು ಉಚಿತವಾಗಿ ಡೇಟಾವನ್ನು ಬಳಸಬಹುದಾಗಿದೆ. ಅನ್‌ಲಿಮಿಟೆಡ್ 5G ಡೇಟಾ ಜೊತೆಯಲ್ಲಿ ಗ್ರಾಹಕರಿಗೆ ಹೈಸ್ಪೀಡ್ ಇಂಟರ್‌ನೆಟ್ ಸೌಲಭ್ಯವೂ ಸಿಗಲಿದೆ.

ದೀಪಾವಳಿಯ ಆಫರ್‌ನಡಿ ಜಿಯೋ ಗ್ರಾಹಕರಿಗೆ 1 ವರ್ಷದವರೆಗೆ ಉಚಿತ ಅನ್‌ಲಿಮಿಟೆಡ್ ಇಂಟರ್‌ನೆಟ್ ಸಿಗಲಿದೆ. ಈ ಆಫರ್ ನಿಮ್ಮದಾಗಬೇಕಾದರೆ ಗ್ರಾಹಕರು 20 ಸಾವಿರ ರೂ.ವರೆಗೆ ಶಾಪಿಂಗ್ ಮಾಡಬಹುದು. ಜಿಯೋ ದೀಪಾವಳಿ ಆಫರ್ ಪಡೆಯಲು ಗ್ರಾಹಕರು My Storeನಿಂದ 20 ಸಾವಿರ ರೂ. ಮೌಲ್ಯದ ವಸ್ತುಗಳನ್ನು ಖರೀದಿ ಮಾಡಿದ್ರೆ 1 ವರ್ಷದವರೆಗೆ ಉಚಿತ ಇಂಟರ್‌ನೆಟ್ ಆಫರ್ ಆಕ್ಟಿವೇಟ್ ಅಗುತ್ತದೆ. 

ವರದಿಗಳ ಪ್ರಕಾರ, ಈ 1 ವರ್ಷದವರೆಗಿನ ಆಫರ್ ನವೆಂಬರ್ 3ರವರೆಗೆ ಮಾತ್ರ ಸಿಗಲಿದೆ. ನವೆಂಬರ್ 3ಕ್ಕೂ ಮೊದಲೇ My Storeನಿಂದ 20 ಸಾವಿರ ರೂ.ನ ವಸ್ತುಗಳನ್ನು ಖರೀದಿ ಮಾಡಬೇಕಾಗುತ್ತದೆ. ಇಲ್ಲಿ ಶಾಪಿಂಗ್ ಮಾಡಿ ಈ ವಿಶೇಷ ಆಫರ್‌ಅನ್ನು ನಿಮ್ಮದಾಗಿಸಿಕೊಳ್ಳಬಹುದು.

ಇಷ್ಟು ಮಾತ್ರವಲ್ಲದೇ ದೀಪಾವಳಿ ವಿಶೇಷ ಆಫರ್‌ನಡಿ ಗ್ರಾಹಕರಿಗೆ Air Fiber plan ನೀಡಲಾಗುತ್ತಿದೆ. ಗ್ರಾಹಕರು ಯಾವುದೇ ಶುಲ್ಕ ಪಾವತಿಸದೇ 3 ತಿಂಗಳದ ಪ್ಯಾಕೇಜ್ ನೀಡಲಾಗುತ್ತಿದೆ. ಹೊಸ ಗ್ರಾಹಕರಿಗೆ ಉಚಿತ ಇಂಟೆರ್‌ನೆಟ್ ಸೌಲಭ್ಯ ಲಭ್ಯವಾಗುತ್ತಿದೆ. ಜಿಯೋ ಸಾವನ್ ಮ್ಯೂಸಿಕ್‌ನಿಂದಲೂ 3 ತಿಂಗಳ ಉಚಿತ ಆಫರ್ ಬಿಡುಗಡೆ ಮಾಡಲಾಗಿದೆ.

ಜಿಯೋ ತನ್ನ ಭಾರತ್ 4G ಫೋನ್‌ಅನ್ನು ಅತ್ಯಂತ ಕಡಿಮೆ ಬೆಲೆಗೆ ನೀಡುತ್ತಿದೆ. ಕೇವಲ 699 ರೂ.ಗೆ ಇದೀಗ ನೀವು ಜಿಯೋ ಭಾರತ್ 4G ಫೋನ್ ಖರೀದಿಸಬಹುದು. ದೀಪಾವಳಿ ಹಬ್ಬದ ಸಂಭ್ರಮದಲ್ಲಿ ಜಿಯೋ ಭಾರತ್ 4G ಫೋನ್ ಬೆಲೆಗಳ ಮೇಲೆ ಶೇ.30ರಷ್ಟು ಕಡಿತಗೊಳಿಸಲಾಗಿದೆ. ಇದು ಲಿಮಿಟೆಡ್ ಪಿರೆಡ್ ಕೊಡುಗೆಯಾಗಿರುತ್ತದೆ.