FD Rates: FD ಮಾಡಿಸಬೇಕೆ? ದೇಶದ ಈ 3 ದೊಡ್ಡ ಬ್ಯಾಂಕ್ ಗಳಲ್ಲಿ ಉತ್ತಮ ಬಡ್ಡಿ ಸಿಗುತ್ತಿದೆ

FD: ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಡಿಸೆಂಬರ್ 2022 ರಲ್ಲಿ 5 ನೇ ಬಾರಿಗೆ ರೆಪೊ ದರವನ್ನು ಹೆಚ್ಚಿಸಿದೆ. RBI ಮೇ 2022 ರಲ್ಲಿ ಪ್ರಮುಖ ದರಗಳನ್ನು ಹೆಚ್ಚಿಸಲು ಪ್ರಾರಂಭಿಸಿದೆ ಮತ್ತು ಅಂದಿನಿಂದ ರೆಪೋ ದರವನ್ನು 5 ಬಾರಿ ಹೆಚ್ಚಿಸಲಾಗಿದೆ. 7ನೇ ಡಿಸೆಂಬರ್ 2022 ರಂದು, RBI ರೆಪೊ ದರವನ್ನು ಅಂತಿಮವಾಗಿ 0.35 bps ಹೆಚ್ಚಿಸಿತ್ತು, ಇದರಿಂದ ರೆಪೊ ದರ ಶೇ.6.35ಕ್ಕೆ ತಲುಪಿದೆ. ಹೆಚ್ಚುತ್ತಿರುವ ರೆಪೋ ದರದ ಮಧ್ಯೆ, ಬ್ಯಾಂಕುಗಳು ಮತ್ತು NBFC ಗಳು ಏರುತ್ತಿರುವ ಬಡ್ಡಿದರಗಳನ್ನು  ಹೊಂದಿಸಲು ತಮ್ಮ ಬಡ್ಡಿದರಗಳನ್ನು ಹೆಚ್ಚಿಸಿವೆ.  

ಎಫ್‌ಡಿಗಳ ಮೇಲಿನ ಹೆಚ್ಚಿನ ಬಡ್ಡಿದರಗಳು ಅಪಾಯವನ್ನು ಎದುರಿಸಲು ಬಯಸದ ಸಂಪ್ರದಾಯವಾದಿ ಹೂಡಿಕೆದಾರರಿಗೆ ಒಳ್ಳೆಯ ಸುದ್ದಿಯಾಗಿದೆ, ಅವರು ಹೆಚ್ಚಿನ ಆದಾಯದೊಂದಿಗೆ ಸುರಕ್ಷಿತ ಹೂಡಿಕೆಯನ್ನು ಹುಡುಕುತ್ತಿದ್ದಾರೆ. ಇದೇ ವೇಳೆ, ಅನೇಕ ಬ್ಯಾಂಕ್‌ಗಳು FD ಗಳ ಮೇಲಿನ ಬಡ್ಡಿದರಗಳನ್ನು ಹೆಚ್ಚಿಸಿವೆ. ಇಂದು ನಾವು ದೇಶದ ಮೂರು ದೊಡ್ಡ ಬ್ಯಾಂಕ್‌ಗಳ ಎಫ್‌ಡಿಗಳ ಮೇಲಿನ ಬಡ್ಡಿಯ ಬಗ್ಗೆ ಚರ್ಚಿಸಲಿದ್ದೇವೆ.  

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) - 13 ಡಿಸೆಂಬರ್ 2022 ರಿಂದ ಜಾರಿಗೆ ಬರುವಂತೆ SBI FD ಮೇಲಿನ ಬಡ್ಡಿ ದರವನ್ನು ಹೆಚ್ಚಿಸಿದೆ. ಈ ಹೆಚ್ಚಳದೊಂದಿಗೆ, ಬ್ಯಾಂಕ್ ಇದೀಗ  ಸಾಮಾನ್ಯ ಜನರಿಗೆ ಕನಿಷ್ಠ 3% ಮತ್ತು ಗರಿಷ್ಠ 6.25% ನೊಂದಿಗೆ 2 ಕೋಟಿಗಿಂತ ಕಡಿಮೆ ಹೂಡಿಕೆಯ ಮೇಲೆ  FD ದರಗಳನ್ನು ನೀಡುತ್ತದೆ. ಹಿರಿಯ ನಾಗರಿಕರು ಬಡ್ಡಿದರದಲ್ಲಿ ಪ್ರತ್ಯೇಕವಾಗಿ 50 ಬೇಸಿಸ್ ಪಾಯಿಂಟ್‌ಗಳ ಪ್ರಯೋಜನವನ್ನು ಪಡೆಯುವುದನ್ನು ಮುಂದುವರೆಸಲಿದ್ದಾರೆ. ಇದೀಗ ಬ್ಯಾಂಕ್ ಹಿರಿಯ ನಾಗರಿಕರಿಗೆ ಎಫ್‌ಡಿಯಲ್ಲಿ ಗರಿಷ್ಠ ಶೇಕಡಾ 7.25 ಮತ್ತು ಕನಿಷ್ಠ ಶೇಕಡಾ 3.50 ಬಡ್ಡಿದರವನ್ನು ನೀಡುತ್ತಿದೆ. ಈ ಬಡ್ಡಿ ದರಗಳು 7 ದಿನಗಳಿಂದ 10 ವರ್ಷಗಳವರೆಗಿನ ಮುಕ್ತಾಯ ಅವಧಿಗೆ ಅನ್ವಯಿಸುತ್ತವೆ. ಅಲ್ಲದೆ, SBI Wecare ಯೋಜನೆಯಡಿಯಲ್ಲಿ ಬ್ಯಾಂಕ್ ಹೆಚ್ಚುವರಿ ಬಡ್ಡಿಯನ್ನು ನೀಡುತ್ತದೆ.  

HDFC ಬ್ಯಾಂಕ್- ಬ್ಯಾಂಕ್‌ನ ಅಧಿಕೃತ ವೆಬ್‌ಸೈಟ್ ಪ್ರಕಾರ, HDFC ಬ್ಯಾಂಕ್ ಡಿಸೆಂಬರ್ 14, 2022 ರಿಂದ 2 ಕೋಟಿಗಿಂತ ಕಡಿಮೆ  ಹೂಡಿಕೆಯ FD ಗಳ ಮೇಲಿನ ಬಡ್ಡಿದರಗಳನ್ನು ಹೆಚ್ಚಿಸಿದೆ. ಹೊಸ ಬಡ್ಡಿ ದರಗಳು ದೇಶೀಯ, NRO ಮತ್ತು NRE ಖಾತೆಗಳಿಗೆ ಅನ್ವಯಿಸುತ್ತವೆ. ಬ್ಯಾಂಕ್ ಸಾಮಾನ್ಯ ಗ್ರಾಹಕರಿಗೆ 2 ಕೋಟಿಗಿಂತ ಕಡಿಮೆ ಠೇವಣಿಗಳ ಮೇಲೆ ಗರಿಷ್ಠ 7% ಮತ್ತು ಕನಿಷ್ಠ 3% ಬಡ್ಡಿಯನ್ನು ನೀಡುತ್ತದೆ. ಹಿರಿಯ ನಾಗರಿಕರಿಗೆ, ಬ್ಯಾಂಕ್ ಗರಿಷ್ಠ 7.75% ಮತ್ತು ಕನಿಷ್ಠ 3.50% ಬಡ್ಡಿಯನ್ನು ನೀಡುತ್ತದೆ. ಬ್ಯಾಂಕ್ ಮೂಲಕ ನೀಡಲಾದ FD ಯ ಮುಕ್ತಾಯದ ಅವಧಿಯು 7 ದಿನಗಳಿಂದ 10 ವರ್ಷಗಳವರೆಗೆ ಇರುತ್ತದೆ.  

ICICI ಬ್ಯಾಂಕ್- ಪ್ರಮುಖ ಖಾಸಗಿ ವಲಯದ ಸಾಲದಾತ ICICI ಬ್ಯಾಂಕ್ 2 ಕೋಟಿಗಿಂತ ಕಡಿಮೆ ಮೊತ್ತದ FD ಗಳ ಮೇಲಿನ ಬಡ್ಡಿದರವನ್ನು ಹೆಚ್ಚಿಸಿದೆ. ಬ್ಯಾಂಕ್‌ನ ಅಧಿಕೃತ ವೆಬ್‌ಸೈಟ್ ಪ್ರಕಾರ, ಹೊಸ ಬಡ್ಡಿದರಗಳು 16 ಡಿಸೆಂಬರ್ 2022 ರಿಂದ ಜಾರಿಗೆ ಬಂದಿವೆ. ಪರಿಷ್ಕರಣೆಯ ನಂತರ, ಬ್ಯಾಂಕ್ ಇದೀಗ ಸಾಮಾನ್ಯ ಜನರಿಗೆ 3% ರಿಂದ 7% ವರೆಗೆ ಮತ್ತು ಹಿರಿಯ ನಾಗರಿಕರಿಗೆ 3.50% ರಿಂದ 7.50% ವರೆಗೆ ಬಡ್ಡಿದರಗಳನ್ನು ನೀಡುತ್ತಿದೆ. ಈ ಬಡ್ಡಿ ದರವು 7 ದಿನಗಳಿಂದ 10 ವರ್ಷಗಳಲ್ಲಿ ಪಕ್ವವಾಗುವ FD ಗಳ ಮೇಲೆ ಅನ್ವಯಿಸುತ್ತವೆ.