Liquor Rule: ಇಲ್ಲಿ ಎಣ್ಣೆ ಬೇಕು ಅಂದ್ರೆ ಇರಲೇಬೇಕು ಈ ಪ್ರಮಾಣಪತ್ರ

ಲಸಿಕೆ ಹಾಕಿಸದಿದ್ದರೆ ಮದ್ಯವೂ ಇಲ್ಲ : ತಮಿಳುನಾಡಿನ ನೀಲಿಗಿರಿಯಲ್ಲಿ, ಕರೋನಾ ಲಸಿಕೆಯ ಎರಡೂ ಡೋಸ್ ತೆಗೆದುಕೊಂಡ ಜನರು ಮಾತ್ರ ಮದ್ಯ ಖರೀದಿಸಲು ಸಾಧ್ಯವಾಗುತ್ತದೆ. ನೀಲಗಿರಿ ಜಿಲ್ಲೆಯಲ್ಲಿ ಅಧಿಕಾರಿಗಳು ಈ ನಿಯಮವನ್ನು ಜಾರಿಗೆ ತಂದಿದ್ದಾರೆ. ನಿವಾಸಿಗಳಿಗೆ ಕರೋನಾ ಲಸಿಕೆ ಹಾಕಿಸುವಂತೆ ಪ್ರೇರೇಪಿಸಲು ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಜಿಲ್ಲಾಧಿಕಾರಿ ದಿವ್ಯಾ ಹೇಳಿದರು. 

ಮೊದಲು ಪ್ರಮಾಣಪತ್ರ ನಂತರ ಮದ್ಯ: ನೀಲಗಿರಿಯ ನಿವಾಸಿಗಳು ಮದ್ಯವನ್ನು ಖರೀದಿಸಲು ಬಯಸಿದರೆ, ಅವರು ಮೊದಲು ಕರೋನಾ ಲಸಿಕೆಯ ಎರಡೂ ಡೋಸ್‌ಗಳನ್ನು ಪಡೆದಿರುವ ಪ್ರಮಾಣಪತ್ರವನ್ನು ತೋರಿಸಬೇಕು. ಜಿಲ್ಲೆಯ ಸುಮಾರು 97 ಪ್ರತಿಶತದಷ್ಟು ಜನರಿಗೆ ಮೊದಲ ಅಥವಾ ಎರಡನೇ ಲಸಿಕೆಯ ಡೋಸ್ ನೀಡಲಾಗಿದೆ ಎಂದು ಜಿಲ್ಲಾಧಿಕಾರಿ ದಿವ್ಯಾ ಹೇಳಿದರು. ಅಂದರೆ, ಈ ಆದೇಶವು ಖಂಡಿತವಾಗಿಯೂ ಜನರ ಮೇಲೆ ಪರಿಣಾಮ ಬೀರುತ್ತದೆ ಎಂದವರು ವಿಶ್ವಾಸ ವ್ಯಕ್ತ ಪಡಿಸಿದ್ದಾರೆ.  

ಲಸಿಕೆಯ ಬಗ್ಗೆ ಜನರು ಆತಂಕಗೊಂಡಿದ್ದಾರೆ: ವಾಸ್ತವವಾಗಿ, ಈ ಪ್ರದೇಶದಲ್ಲಿ ವ್ಯಾಕ್ಸಿನೇಷನ್ (Vaccination) ಬಗ್ಗೆ ಹಲವು ರೀತಿಯ ವದಂತಿಗಳು ಮತ್ತು ತಪ್ಪು ಮಾಹಿತಿಗಳು ಹರಡಿವೆ. ಈ ವದಂತಿಗಳನ್ನೂ ಹೋಗಲಾಡಿಸಲು ಇಲ್ಲಿನ ಅಧಿಕಾರಿಗಳು ಲಸಿಕೆಯ ಬಗ್ಗೆ ಜಾಗೃತಿ ಅಭಿಯಾನವನ್ನೂ ಆರಂಭಿಸಿದರು. ಲಸಿಕೆ ಹಾಕಿಸಲು ಮತ್ತು ಈ ಮಿಷನ್‌ನ ಭಾಗವಾಗಿರಲು ಜನರಿಗೆ ಮನವಿ ಮಾಡಲಾಗಿದೆ. ಆದರೆ ಜನರು ಲಸಿಕೆ ತೆಗೆದುಕೊಳ್ಳುವುದರಿಂದ ಇನ್ನೂ ಅಂತರ ಕಾಯ್ದುಕೊಂಡಿದ್ದಾರೆ ಎಂಬುದು ವಿಪರ್ಯಾಸವಾಗಿದೆ.

ಇದನ್ನೂ ಓದಿ- Watermelon: ಆಲ್ಕೋಹಾಲ್ ಸೇವಿಸುವವರೇ ಕಲ್ಲಂಗಡಿ ತಿನ್ನುವ ಮೊದಲು ಇರಲಿ ಎಚ್ಚರ

ಈ ಕುರಿತಂತೆ ಮಾಹಿತಿ ನೀಡಿರುವ ಕಲೆಕ್ಟರ್: ನಾವು ಕೋವಿಡ್ ಪೋರ್ಟಲ್ ಅನ್ನು ನವೀಕರಿಸುತ್ತಿದ್ದೇವೆ ಎಂದು ಕಲೆಕ್ಟರ್ ದಿವ್ಯಾ ಹೇಳಿದರು. ಕೆಲವರು ಆಲ್ಕೊಹಾಲ್ ಸೇವಿಸುತ್ತಾರೆ, ಆದರೆ ಕರೋನಾ ಲಸಿಕೆ (Corona Vaccine) ತೆಗೆದುಕೊಳ್ಳಲು ಸಿದ್ಧರಿಲ್ಲ. ಅವರಿಗೆ ಲಸಿಕೆ ಹಾಕುವ ಸಲುವಾಗಿ, ಯಾರು ಮದ್ಯವನ್ನು ಖರೀದಿಸಲು ಬಯಸುತ್ತಾರೋ ಅವರು ಮೊದಲು ಲಸಿಕೆಯ ಪ್ರಮಾಣಪತ್ರವನ್ನು ತೋರಿಸಬೇಕು ಎಂಬ ನಿಯಮವನ್ನು ಜಾರಿಗೆ ತರಲು ನಿರ್ಧರಿಸಲಾಗಿದೆ ಎಂದು ಅವರು ತಿಳಿಸಿದರು. TASMAC ಮಳಿಗೆಗಳಲ್ಲಿ ಮದ್ಯವನ್ನು ಖರೀದಿಸಲು, ಲಸಿಕೆ ಪ್ರಮಾಣಪತ್ರದೊಂದಿಗೆ ಆಧಾರ್ ಕಾರ್ಡ್ ಅನ್ನು ಸಲ್ಲಿಸುವುದು ಅಗತ್ಯ ಎಂಬುದು ಗಮನಾರ್ಹವಾಗಿದೆ.

ಇದನ್ನೂ ಓದಿ- Covid Vaccine ಪಡೆಯುವವರು ಎಷ್ಟು ದಿನ ಆಲ್ಕೋಹಾಲ್ ಕುಡಿಯಬಾರದು? ತಜ್ಞರು ಏನ್ ಹೇಳ್ತಾರೆ

ನೀಲಗಿರಿ ಪ್ರಾಕೃತಿಕ ಸೌಂದರ್ಯಕ್ಕೆ ಬಹಳ ಪ್ರಸಿದ್ಧ:  ತಮಿಳುನಾಡಿನ ನೀಲಗಿರಿ (Nilgiris) ಪ್ರಾಕೃತಿಕ ಸೌಂದರ್ಯಕ್ಕೆ ಬಹಳ ಪ್ರಸಿದ್ಧವಾಗಿದೆ. ಹೆಚ್ಚಿನ ಸಂಖ್ಯೆಯಲ್ಲಿ ಪ್ರವಾಸಿಗರು ಇಲ್ಲಿಗೆ ಬರುತ್ತಾರೆ. ಲಾಕ್‌ಡೌನ್‌ನಿಂದಾಗಿ ಇಲ್ಲಿನ ಪ್ರವಾಸೋದ್ಯಮ ಕ್ಷೇತ್ರವು ಕೆಟ್ಟದಾಗಿ ಪರಿಣಾಮ ಬೀರಿದೆ. ಆದರೆ ಈಗ ನಿಧಾನವಾಗಿ ಆಡಳಿತವು ಪ್ರವಾಸೋದ್ಯಮವನ್ನು ತೆರೆಯಲು ಆರಂಭಿಸಿದೆ. ಈ ವಾರದಿಂದ ಪ್ರವಾಸಿಗರ ಸಂಖ್ಯೆ ಗಣನೀಯವಾಗಿ ಹೆಚ್ಚಾಗಿದೆ.