Liver Disease: ಮದ್ಯಪಾನ ಮಾತ್ರವಲ್ಲ, ನಿಮ್ಮ ಈ ಅಭ್ಯಾಸಗಳೂ ಲಿವರ್ ಡ್ಯಾಮೇಜ್ ಮಾಡಬಹುದು

ಆಲ್ಕೋಹಾಲ್ ಸೇವನೆಯು ಆರೋಗ್ಯಕ್ಕೆ ಒಳ್ಳೆಯದಲ್ಲ, ಏಕೆಂದರೆ ಇದು ಯಕೃತ್ತು ಕೊಳೆಯಲು ಕಾರಣವಾಗುತ್ತದೆ. ಅಲ್ಕೋಹಾಲ್ ಚಟದಿಂದ ದೂರವಿದ್ದರೆ ಆರೋಗ್ಯಕ್ಕೆ ಉತ್ತಮವಾಗಿರುತ್ತದೆ. ಆದರೆ ಆಲ್ಕೋಹಾಲ್ ಮಾತ್ರ ನಮ್ಮ ಯಕೃತ್ತನ್ನು ಹಾಳು ಮಾಡುತ್ತದೆ ಎಂದು ಭಾವಿಸಿದರೆ ಅದು ತಪ್ಪು ಕಲ್ಪನೆ, ಕೇವಲ ಮದ್ಯಪಾನ ಮಾತ್ರವಲ್ಲ ನಮ್ಮ ದಿನನಿತ್ಯದ ಜೀವನದಲ್ಲಿ ನಾವು ಸೇವಿಸುವ ಇತರ ಆಹಾರಗಳು ಕೂಡ ಯಕೃತ್ ಅನ್ನು ಹಾಳು ಮಾಡುತ್ತವೆ. 

ಡ್ರೈ ಫ್ರೂಟ್ಸ್ : ಡ್ರೈ ಫ್ರೂಟ್ಸ್  ಗಳು ಆರೋಗ್ಯಕ್ಕೆ ಬಹಳ ಒಳ್ಳೆಯದು. ಇದನ್ನು ಹಿತಮಿತವಾಗಿ ಸೇವಿಸುವುದರಿಂದ ಆರೋಗ್ಯಕ್ಕೆ ಹಲವು ಪ್ರಯೋಜನಗಳಿವೆ. ಆದರೆ, ಅತಿಯಾದರೆ ಅಮೃತವೂ ವಿಷ ಎಂಬಂತೆ ಅತಿಯಾದ ಡ್ರೈ ಫ್ರೂಟ್ಸ್ ಸೇವನೆಯಿಂದ ಫ್ಯಾಟಿ ಲಿವರ್ ಸಮಸ್ಯೆ ಉಂಟಾಗಬಹುದು. ಇದರಿಂದ ಲಿವರ್ ಹಾನಿಗೊಳಗಾಗುತ್ತದೆ.  

ಸಂಸ್ಕರಿಸಿದ/ಪ್ಯಾಕ್ ಮಾಡಿದ ಆಹಾರಗಳು: ತಂತ್ರಜ್ಞಾನದ ಅಭಿವೃದ್ಧಿ ಮತ್ತು ದೀರ್ಘಕಾಲದವರೆಗೆ ಆಹಾರವನ್ನು ಸಂರಕ್ಷಿಸುವ ಬಯಕೆಯಿಂದಾಗಿ, ಕಳೆದ ಕೆಲವು ದಶಕಗಳಲ್ಲಿ ಪ್ಯಾಕ್ ಮಾಡಿದ ಅಂದರೆ ಸಂಸ್ಕರಿಸಿದ ಆಹಾರಗಳ ಪ್ರವೃತ್ತಿಯು ವೇಗವಾಗಿ ಹೆಚ್ಚಾಗಿದೆ. ಈ ಪದಾರ್ಥಗಳಲ್ಲಿ ಉಪ್ಪು, ಕೊಬ್ಬು ಮತ್ತು ಸಕ್ಕರೆಯ ಪ್ರಮಾಣವನ್ನು ಹೆಚ್ಚು ಮಿಶ್ರಣ ಮಾಡಲಾಗಿರುತ್ತದೆ. ಇದರಿಂದ ಆಹಾರವು ಕೊಳೆಯುವುದಿಲ್ಲ. ಆದರೆ, ಇದು ಯಕೃತ್ತಿನ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ.

ರೆಡ್ ಮೀಟ್: ರೆಡ್ ಮೀಟ್ ಎಂದರೆ ಕೆಂಪು ಮಾಂಸವು ಪ್ರೋಟೀನ್‌ನ ಸಮೃದ್ಧ ಮೂಲವಾಗಿದೆ ಎಂಬುದರಲ್ಲಿ ಸಂದೇಹವಿಲ್ಲ, ಇದರ ಸೇವನೆಯು ಸ್ನಾಯುಗಳನ್ನು ಬಲಪಡಿಸುತ್ತದೆ, ಆದರೆ ಇದರ ಅತಿಯಾದ ಸೇವನೆಯು ಲಿವರ್‌ಗೆ ಒಳ್ಳೆಯದಲ್ಲ. ಪಿತ್ತಜನಕಾಂಗವು ಈ ಮಾಂಸದಿಂದ ಪಡೆದ ಪ್ರೋಟೀನ್ ಅನ್ನು ಸರಿಯಾಗಿ ಒಡೆಯಲು ಸಾಧ್ಯವಾಗುವುದಿಲ್ಲ, ಇದರಿಂದಾಗಿ ಅದು ವಿಷಕಾರಿಯಾಗಿ ಆರೋಗ್ಯದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ.

ಸಿಹಿ ಪದಾರ್ಥಗಳು: ಮಧುಮೇಹ ರೋಗಿಗಳಿಗೆ ಸಿಹಿ ಪದಾರ್ಥಗಳಿಂದ ದೂರವಿರಲು ಸಲಹೆ ನೀಡಲಾಗುತ್ತದೆ, ಆದರೆ ಹೆಚ್ಚು ಸಕ್ಕರೆ ತಿನ್ನುವುದರಿಂದ ಯಕೃತ್ತು ಕೂಡ ಹಾನಿಯಾಗುತ್ತದೆ ಎಂದು ನಿಮಗೆ ತಿಳಿದಿದೆಯೇ. ವಾಸ್ತವವಾಗಿ, ಯಕೃತ್ತಿನ ಸಹಾಯದಿಂದ, ಸಕ್ಕರೆ ಕೊಬ್ಬಾಗಿ ಬದಲಾಗುತ್ತದೆ ಮತ್ತು ನೀವು ಹೆಚ್ಚು ಸಿಹಿ ಭಕ್ಷ್ಯಗಳನ್ನು ಸೇವಿಸಿದರೆ ಇದು ಫ್ಯಾಟಿ ಲಿವರ್ ಸಮಸ್ಯೆಗೆ ಕಾರಣವಾಗಬಹುದು. 

ಸೂಚನೆ:  ಇಲ್ಲಿ ನೀಡಲಾದ ಮಾಹಿತಿಯು ಮನೆಮದ್ದುಗಳು ಮತ್ತು ಸಾಮಾನ್ಯ ಮಾಹಿತಿಯನ್ನು ಆಧರಿಸಿದೆ. ಅದನ್ನು ಅಳವಡಿಸಿಕೊಳ್ಳುವ ಮೊದಲು ವೈದ್ಯಕೀಯ ಸಲಹೆಯನ್ನು ತೆಗೆದುಕೊಳ್ಳಬೇಕು. ZEE ಮೀಡಿಯಾ ಇದನ್ನು ಖಚಿತಪಡಿಸುವುದಿಲ್ಲ.