ಭಾರೀ ಅಗ್ಗವಾಗಿ ಮಾರಾಟವಾಗ್ತಿದೆ Made in Indiaದ ಈ ಶೂಸ್ ಬ್ರಾಂಡ್: Puma-Nikeಗೆ ಭಾರೀ ಪೆಟ್ಟು!

ಮಾರುಕಟ್ಟೆಯಲ್ಲಿ ರಾಜಾಧಿಕಾರ ಸ್ಥಾಪಿಸುವ ಜತೆಗೆ ಈ ಕಂಪನಿಗಳು ಕೋಟ್ಯಂತರ ರೂ. ಗಳಿಸಿವೆ. ಇಂದು ನಾವು ಮೇಡ್ ಇನ್ ಇಂಡಿಯಾ ಬ್ರಾಂಡ್‌ಗಳು ಮತ್ತು ಅವುಗಳ ಮಾಲೀಕರ ಬಗ್ಗೆ ಹೇಳಲಿದ್ದೇವೆ. ಭಾರತೀಯ ಬ್ರಾಂಡ್‌ಗಳ ಈ ಮಾಲೀಕರು ದೇಶದಲ್ಲಷ್ಟೇ ಅಲ್ಲ ವಿದೇಶಗಳಲ್ಲೂ ತಮ್ಮ ಛಾಪನ್ನು ಮೂಡಿಸುತ್ತಿದ್ದಾರೆ.

1995 ರಲ್ಲಿ, ರೆಡ್ ಚೀಫ್ ಮಾಲೀಕ ಮನೋಜ್ ಜ್ಞಾನಚಂದಾನಿ ಯುರೋಪ್ ಗೆ ಚರ್ಮದ ಪಾದರಕ್ಷೆಗಳ ರಫ್ತುಗಾಗಿ ಲಿಯಾನ್ ಗ್ಲೋಬಲ್ ಪ್ರೈವೇಟ್ ಲಿಮಿಟೆಡ್ ಅನ್ನು ಸ್ಥಾಪಿಸಿದರು. 1997ರಲ್ಲಿ ರೆಡ್ ಚೀಫ್ ಬ್ರ್ಯಾಂಡ್ ಅನ್ನು ಪ್ರಾರಂಭಿಸಿದರು. 2011 ರಲ್ಲಿ, ಅವರು ಕಾನ್ಪುರದಲ್ಲಿ ಮೊದಲ ವಿಶೇಷವಾದ ರೆಡ್ ಚೀಫ್ ಔಟ್ಲೆಟ್ ಅನ್ನು ತೆರೆದರು. ಇಂದು ರೆಡ್ ಚೀಫ್ ಯುಪಿ ಸೇರಿದಂತೆ 16 ರಾಜ್ಯಗಳಲ್ಲಿ 175 ಮಳಿಗೆಗಳನ್ನು ಹೊಂದಿದೆ.

ವುಡ್‌ಲ್ಯಾಂಡ್ ಕೆನಡಾದ ಕ್ವಿಬೆಕ್‌ ನಲ್ಲಿ ಸ್ಥಾಪಿತವಾಗಿವೆ. ಆದರೆ ಅದರ ಅಡಿಪಾಯವು ಭಾರತದಿಂದ ಬಂದಿದೆ. ಭಾರತೀಯ ಮೂಲದ ಅವತಾರ್ ಸಿಂಗ್ 1980 ರಲ್ಲಿ ವುಡ್‌ಲ್ಯಾಂಡ್‌ನ ಮೂಲ ಕಂಪನಿ ಏರೋ ಗ್ರೂಪ್ ಅನ್ನು ಪ್ರಾರಂಭಿಸಿದರು. ವುಡ್ ಲ್ಯಾಂಡ್ ನ ಪ್ರಮುಖ ಉತ್ಪಾದನಾ ಕೇಂದ್ರವು ನೋಯ್ಡಾದಲ್ಲಿದೆ. ಹಿಮಾಚಲ ಮತ್ತು ಉತ್ತರಾಖಂಡದಲ್ಲಿ 8 ಕಾರ್ಖಾನೆಗಳಿದ್ದು, ಶೇ.70ರಷ್ಟು ಬೇಡಿಕೆಯನ್ನು ಪೂರೈಸುತ್ತಿವೆ.

ಲಖಾನಿ ಕಂಪನಿಯನ್ನು 1966 ರಲ್ಲಿ ಪರಮೇಶ್ವರ ದಯಾಳ್ ಲಖಾನಿ ಸ್ಥಾಪಿಸಿದರು. ಲಖಾನಿ ಕುಟುಂಬದ ಎರಡನೇ ತಲೆಮಾರಿನ ಉದ್ಯಮಿ ಮಯಾಂಕ್ ಲಖಾನಿ ಈ ಪ್ರಯಾಣವನ್ನು ಮುಂದಕ್ಕೆ ತೆಗೆದುಕೊಂಡು ವಿಶ್ವಾದ್ಯಂತ ಗುರುತಿಸುವಂತೆ ಮಾಡಿದರು.