ಈ ಖ್ಯಾತ ಕ್ರಿಕೆಟರ್‌ ಪ್ರೀತಿಯಲ್ಲಿ ಬಿದ್ದು ಸಿನಿ ಕರಿಯರ್‌ ಪಣಕ್ಕಿಟ್ಟಿದ್ರು ಮಾಧುರಿ ದೀಕ್ಷಿತ್.. ಆದರೂ ಸಿಗಲಿಲ್ಲ ಆತ !
ಕ್ರಿಕೆಟ್ ಮತ್ತು ಬಾಲಿವುಡ್ ನಡುವಿನ ಸಂಬಂಧ ಬಹಳ ಹಳೆಯದು. ಅನೇಕ ಕ್ರಿಕೆಟಿಗರು ಬಾಲಿವುಡ್ ಬೆಡಗಿಯರೊಂದಿಗೆ ಸಂಬಂಧ ಹೊಂದಿದ್ದರು. ಈ ಪಟ್ಟಿಯಲ್ಲಿ ಭಾರತ ಕ್ರಿಕೆಟ್ ತಂಡದ ಮಾಜಿ ಆಟಗಾರ ಅಜಯ್ ಜಡೇಜಾ ಹೆಸರೂ ಸೇರಿದೆ.
ಮ್ಯಾಗಜೀನ್ ಫೋಟೋಶೂಟ್ ವೇಳೆ ಮಾಧುರಿ ದೀಕ್ಷಿತ್ ಮತ್ತು ಅಜಯ್ ಜಡೇಜಾ ಭೇಟಿಯಾದರು. ಮೊದಮೊದಲು ಇಬ್ಬರ ನಡುವೆ ಗೆಳೆತನವಿತ್ತು, ನಂತರ ಇವರಿಬ್ಬರ ನಡುವೆ ಪ್ರೀತಿ ಅರಳಿತು. ಅವರ ಸ್ನೇಹ ಪ್ರೀತಿಗೆ ತಿರುಗಿತು
ಅಜಯ್ ಗೆ ಬಾಲಿವುಡ್ ಪ್ರವೇಶಿಸಲು ಮಾಧುರಿ ಸಹಾಯ ಮಾಡಿದ್ದರು ಎನ್ನಲಾಗಿದೆ. ಅದೇ ಸಮಯದಲ್ಲಿ, ಮಾಧುರಿಯೊಂದಿಗೆ ಹೆಚ್ಚುತ್ತಿರುವ ನಿಕಟತೆಯು ಅಜಯ್ ಜಡೇಜಾ ಅವರ ಆಟದ ಮೇಲೆ ಪರಿಣಾಮ ಬೀರಿತು ಎನ್ನಲಾಗುತ್ತದೆ.
1999ರಲ್ಲಿ ಮ್ಯಾಚ್ ಫಿಕ್ಸಿಂಗ್ ನಲ್ಲಿ ಅಜಯ್ ಜಡೇಜಾ ಹೆಸರು ಕೇಳಿ ಬಂದಿತ್ತು. ಈ ಪ್ರಕರಣದಲ್ಲಿ ಬಿಸಿಸಿಐ ಐದು ವರ್ಷಗಳ ನಿಷೇಧ ಹೇರಿತ್ತು. ಈ ಸಂದರ್ಭದಲ್ಲಿ ಅಜಯ್ ಜಡೇಜಾ ಅವರ ಪ್ರತಿಕೃತಿಯನ್ನು ದೇಶಾದ್ಯಂತ ದಹಿಸಲಾಯಿತು.
ಮಾಧುರಿ ದೀಕ್ಷಿತ್ ಕುಟುಂಬ ಕೂಡ ಈ ಸಂಬಂಧವನ್ನು ಒಪ್ಪಿಕೊಂಡಿರಲಿಲ್ಲ. ಇತ್ತ ಮಾಧುರಿ ದೀಕ್ಷಿತ್ ಜೊತೆ ಅಜಯ್ ಸಂಬಂಧವನ್ನು ಕ್ರಿಕೆಟಿಗನ ಕುಟುಂಬ ಇಷ್ಟಪಡಲಿಲ್ಲ. ಇದರಿಂದಾಗಿ ಮಾಧುರಿ ದೀಕ್ಷಿತ್ ಅವರು ಅಜಯ್ ಜಡೇಜಾ ಜೊತೆ ಬ್ರೇಕಪ್‌ ಮಾಡಿಕೊಳ್ಳಬೇಕಾಯಿತು.
ಅಜಯ್ ಜಡೇಜಾ ರಾಜಮನೆತನದಿಂದ ಬಂದವರಾಗಿದ್ದರು, ಮಾಧುರಿ ದೀಕ್ಷಿತ್ ಸಾಮಾನ್ಯ ಕುಟುಂಬಕ್ಕೆ ಸೇರಿದವರು. ಇಬ್ಬರ ಕುಟುಂಬಗಳಲ್ಲಿ ಸಾಕಷ್ಟು ವ್ಯತ್ಯಾಸಗಳಿದ್ದು ಮನೆಯವರು ಒಪ್ಪಲಿಲ್ಲ.
ಅಜಯ್‌ನಿಂದ ಬೇರ್ಪಟ್ಟ ನಂತರ, ಮಾಧುರಿ ದೀಕ್ಷಿತ್ ಅಮೆರಿಕದ ವೈದ್ಯ ಶ್ರೀರಾಮ್ ನೆನೆ ಅವರನ್ನು ವಿವಾಹವಾದರು. ಅಜಯ್ ಜಡೇಜಾ ಅವರು ರಾಜಕಾರಣಿ ಜಯಾ ಜೇಟ್ಲಿ ಅವರ ಪುತ್ರಿ ಅದಿತಿ ಜೇಟ್ಲಿ ಅವರನ್ನು ವಿವಾಹವಾದರು.