ನ್ಯಾಚುರಲ್ ಬ್ಯೂಟಿ ಸಾಯಿ ಪಲ್ಲವಿ ಸಂಭಾವನೆ ಹೆಚ್ಚಳ, ಒಂದು ಸಿನಿಮಾಗೆ ಸಿಗೋ ಪೇಮೆಂಟ್ ಎಷ್ಟು ಗೊತ್ತಾ?

ತಮ್ಮ ನ್ಯಾಚುರಲ್ ಬ್ಯೂಟಿಗೆ, ನ್ಯಾಚುರಲ್ ನಟನೆಗೆ, ಮೆಚ್ಯೂರ್ ಬಿಹೇವಿಯರ್ ಗೆ, ನವೀನ ರೀತಿಯ ನೃತ್ಯಕ್ಕೆ ಹೆಸರುವಾಸಿಯಾಗಿರುವ ಸಾಯಿ ಪಲ್ಲವಿ ಅವರ ಸಂಭಾವನೆ ಈಗ ಹೆಚ್ಚಾಗಿದೆ. 

ಉಡುಪಿನ ವಿಷಯದಲ್ಲಾಗಲಿ, ನಟನೆಯಲ್ಲಾಗಲಿ, ಆಫ್ ಸ್ಕೀನ್ ಈವೆಂಟ್ ಗಳ ವಿಷಯದಲ್ಲಾಗಲಿ, ಪ್ರೊಮೋಷನ್ ವಿಷಯದಲ್ಲಾಗಲಿ ಎಂದೂ ರಾಜಿ ಮಾಡಿಕೊಳ್ಳದ ಸಾಯಿ ಪಲ್ಲವಿ ಸಂಭಾವನೆ ವಿಷಯದಲ್ಲೂ ರಾಜಿ ಮಾಡಿಕೊಳ್ಳಲ್ಲವಂತೆ.

ಸಾಯಿ ಪಲ್ಲವಿ ಈಗ 5 ಕೋಟಿ ರೂಪಾಯಿಗೂ ಹೆಚ್ಚು ಸಂಭಾವನೆ ಪಡೆಯುವ 'ಬೆಸ್ಟ್ 5' ಸೌತ್ ಬ್ಯೂಟಿಯರ ಸಾಲು ಸೇರಿದ್ದಾರೆ. ನಯನತಾರಾ, ರಶ್ಮಿಕಾ ಮಂದಣ್ಣ, ಅನುಷ್ಕಾ ಶೆಟ್ಟಿ, ಸಮಂತಾ ರುತು ಪ್ರಭು ಪಟ್ಟಿಗೆ ಸೇರಿದ್ದಾರೆ. 

ಸಾಯಿ ಪಲ್ಲವಿ ಇತ್ತೀಚಿಗೆ ಬಿಡುಗಡೆಯಾದ 'ಅಮರನ್' ಚಿತ್ರಕ್ಕೆ 6 ಕೋಟಿ ರೂಪಾಯಿ ಸಂಭಾವನೆ ಪಡೆದಿದ್ದಾರೆ ಎಂದು ತಿಳಿದುಬಂದಿದೆ.

'ಅಮರನ್' ಚಿತ್ರದಲ್ಲಿ ನಾಯಕ ಶಿವಕಾರ್ತಿಕೇಯನ್ ಗೆ 3 ಕೋಟಿ ಸಂಭಾವನೆ ಸಿಕ್ಕಿದ್ದರೆ, ನಾಯಕಿ ಸಾಯಿ ಪಲ್ಲವಿ ಅವರಿಗೆ 6 ಕೋಟಿ ಕೊಡಲಾಗಿದೆಯಂತೆ.

"ಪ್ರೇಮಂ' ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ಕೂಲ್ ಗರ್ಲ್ ಸಾಯಿ ಪಲ್ಲವಿ 'ಫಿದಾ', 'ಶ್ಯಾಮ್ ಸಿಂಘರಾಯ್', 'ವಿರಾಟಪರ್ವಂ' ಎಂಬ ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ.

ತೆಲುಗು ಮತ್ತು ತಮಿಳು ಸಿನಿಮಾಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿರುವ ಸಾಯಿ ಪಲ್ಲವಿ ಈಗ ಬಾಲಿವುಡ್ ಗೂ ಎಂಟ್ರಿ ಕೊಡುತ್ತಿದ್ದಾರೆ.