Tax Free Countries : ಈ ದೇಶಗಳಲ್ಲಿ ಒಂದು ರೂಪಾಯಿಯೂ ತೆರಿಗೆ ಪಾವತಿಸುವಂತಿಲ್ಲ ! ದುಡಿದ ಹಣವೆಲ್ಲಾ ನಿಮ್ಮದೇ

ಯುನೈಟೆಡ್ ಅರಬ್ ಎಮಿರೇಟ್ಸ್ ತೆರಿಗೆ ಮುಕ್ತ ರಾಷ್ಟ್ರವಾಗಿದೆ. ಇಲ್ಲಿ ಕಚ್ಚಾ ತೈಲದ ವ್ಯಾಪಾರ ನಡೆಯುತ್ತದೆ ಮತ್ತು ಇಡೀ ಆರ್ಥಿಕತೆಯು ಅದರ ಮೇಲೆ ಅವಲಂಬಿತವಾಗಿದೆ. ಇಲ್ಲಿಯೂ ಜನರು ತೆರಿಗೆ ಕಟ್ಟಬೇಕಾಗಿಲ್ಲ. ಗಲ್ಫ್ ದೇಶ ಬಹ್ರೇನ್ ಸರ್ಕಾರವು ತನ್ನ ನಾಗರಿಕರಿಂದ ಯಾವುದೇ ರೀತಿಯ ತೆರಿಗೆಯನ್ನು ಸಂಗ್ರಹಿಸುವುದಿಲ್ಲ.

ತೆರಿಗೆ ಮುಕ್ತ ದೇಶದ ವಿಷಯಕ್ಕೆ ಬಂದಾಗ, ಮನಸ್ಸಿಗೆ ಬರುವ ಮೊದಲ ಹೆಸರು ಬಹಾಮಾಸ್. ಪ್ರವಾಸಿಗರಿಗೆ ಸ್ವರ್ಗವೆನ್ನುವ ಈ ದೇಶ ಪಶ್ಚಿಮಘಟ್ಟದಲ್ಲಿದೆ. ಈ ದೇಶದ ಜನರು ತಮ್ಮ ಆದಾಯದ ಮೇಲೆ ಯಾವುದೇ ತೆರಿಗೆಯನ್ನು ಸರ್ಕಾರಕ್ಕೆ ಪಾವತಿಸಬೇಕಾಗಿಲ್ಲ.

ಬ್ರೂನೈ ಕೂಡಾ ತೈಲ ನಿಕ್ಷೇಪಗಳನ್ನು ಹೊಂದಿದೆ.ಇಲ್ಲಿ ವಾಸಿಸುವ ಜನರು ಯಾವುದೇ ರೀತಿಯ ತೆರಿಗೆಯನ್ನು ಪಾವತಿಸಬೇಕಾಗಿಲ್ಲ. ಇದಲ್ಲದೇ, ಉತ್ತರ ಅಮೆರಿಕ ಖಂಡದ ಕೆರಿಬಿಯನ್ ಪ್ರದೇಶದಲ್ಲಿ ಬರುವ ಕೇಮನ್ ದ್ವೀಪಗಳಲ್ಲಿ ವಾಸಿಸುವ ಜನರು ತಮ್ಮ ಆದಾಯದ ಮೇಲೆ ಆದಾಯ ತೆರಿಗೆಯನ್ನು ಪಾವತಿಸಬೇಕಾಗಿಲ್ಲ.  

ಯುಎಇಯಂತೆ, ಕುವೈತ್ ತೈಲ ಮತ್ತು ಅನಿಲದ ನೈಸರ್ಗಿಕ ನಿಕ್ಷೇಪಗಳನ್ನು ಹೊಂದಿದೆ. ಈ ದೇಶವು ಎರಡರಿಂದಲೂ ಚೆನ್ನಾಗಿ ಆದಾಯ ಗಳಿಸುತ್ತದೆ. ಇಲ್ಲಿನ ಜನರು ಅದರ ಲಾಭವನ್ನು ಪಡೆಯುತ್ತಾರೆ. ಈ ದೇಶದ ಜನ ಆದಾಯ ತೆರಿಗೆ ಕಟ್ಟದೇ ಇರುವುದಕ್ಕೆ ಇದೇ ಕಾರಣ.

ಭಾರತದ ಕಡಲ ಗಡಿಯ ಪಕ್ಕದಲ್ಲಿರುವ ಮಾಲ್ಡೀವ್ಸ್‌ನ ಜನರು ಸಹ ಆದಾಯ ತೆರಿಗೆ ಪಾವತಿಸಬೇಕಾಗಿಲ್ಲ. ಪ್ರಪಂಚದಾದ್ಯಂತದ ಜನರು ಇಲ್ಲಿಗೆ ಭೇಟಿ ನೀಡಲು ಬರುತ್ತಾರೆ. ಇತ್ತೀಚೆಗೆ ಪ್ರಧಾನಿ ಮೋದಿ ವಿರುದ್ಧ ಕಾಮೆಂಟ್ ಮಾಡಿದ್ದಕ್ಕಾಗಿ ಭಾರತೀಯ ಪ್ರವಾಸಿಗರು ಮಾಲ್ಡೀವ್ಸ್‌ಗೆ ಬಹಿಷ್ಕಾರ ಹಾಕಿದ್ದಾರೆ.