Professional Girlfriend: ದಿನಕ್ಕೆ 1 ಲಕ್ಷ ಸಂಪಾದಿಸುತ್ತಾಳೆ ಈ ಸುಂದರಿ, ಏನ್ ಕೆಲಸ ಗೊತ್ತಾ?

ಇಂದಿನ ವಿದ್ಯಾವಂತ ಸ್ಮಾರ್ಟ್ ಮಹಿಳೆಯರು ವೃತ್ತಿಯಲ್ಲಿ ಇಂಜಿನಿಯರ್, ಡಾಕ್ಟರ್, ಟೀಚರ್, ಪೋಲೀಸ್, ಲಾಯರ್, ಸಿಎ, ಕಮ್ಯುನಿಟಿ ಹೆಲ್ಪರ್ ಮತ್ತು ಬಿಸ್ನೆಸ್ ಮ್ಯಾನ್ ಹೀಗೆ ಹಲವಾರು ವೃತ್ತಿಯಲ್ಲಿರಬಹುದು. ಆದರೆ ಅಮೆರಿಕದ ಈ ಸುಂದರಿ ‘ವೃತ್ತಿಪರ ಗೆಳತಿ’ ಅಂದರೆ Professional Girlfriend ಆಗಿ ಕೆಲಸ ಮಾಡುತ್ತಿದ್ದಾಳೆ.

ಈ ಸೂಪರ್ ಮಾಡೆಲ್ ಮತ್ತು ಮಾಜಿ ಸ್ಟ್ರಿಪ್ಪರ್ ಪ್ರಸ್ತುತ ಚರ್ಚೆಯಲ್ಲಿದ್ದಾರೆ. ಏಕೆಂದರೆ ಈಕೆ ವಿಚಿತ್ರ ರೀತಿಯಲ್ಲಿ ಹಣವನ್ನು ಗಳಿಸುತ್ತಿದ್ದಾಳೆ. ಬಹುಕಾಲದಿಂದ ಅಡಲ್ಟ್ ಇಂಡಸ್ಟ್ರಿಯಲ್ಲಿ ದುಡಿಯುತ್ತಿರುವ ಈ ಮಹಿಳೆಯ ಗಳಿಕೆಯ ರಹಸ್ಯ ಬೀದಿ ಬೀದಿಗಳಲ್ಲಿ ಪ್ರತಿಧ್ವನಿಸುತ್ತಿವೆ.

ಸಣ್ಣ ವಯಸ್ಸಿನಲ್ಲಿಯೇ ಶ್ರೀಮಂತೆಯಾಗಿರುವ ಈ ಮಾಡೆಲ್ ಹೆಸರು ಜೆನ್ನಾ ಮ್ಯಾಡಿಸನ್. 30 ವರ್ಷದ ಚಿಕಾಗೋ ಮೂಲದ ಈ ಮಾಡೆಲ್ ದಿನವೊಂದಕ್ಕೆ 1 ಲಕ್ಷ ರೂ.ಗಳನ್ನು ಅತ್ಯಂತ ಆರಾಮದಾಯಕವಾಗಿ ಗಳಿಸುತ್ತಾರೆ. ಹಣ ಪಡೆದು ಬಡವ-ಬಲ್ಲಿದ ಎಂಬ ಭೇದವಿಲ್ಲದೆ ಎಲ್ಲರಿಗೂ ವೃತ್ತಿಪರ ಗೆಳತಿಯಾಗಿದ್ದಾಳೆ.

ವರದಿಗಳ ಪ್ರಕಾರ ಒಂಟಿ ಪುರುಷರ ಗೆಳತಿಯಾಗಿರುವುದು ಮತ್ತು ಅವರಿಂದ ಭಾರೀ ಶುಲ್ಕವನ್ನು ಪಡೆಯುವುದು ಈ ಸುಂದರಿಯ ಮುಖ್ಯ ಆದಾಯದ ಮೂಲವಾಗಿದೆ. ಏಕಾಂಗಿ ಪುರುಷರು ಅಂದರೆ ಒಂಟಿತನ ಅನುಭವಿಸುವವರು ಹಣ ಕೊಟ್ಟು ಆಕೆಯನ್ನು ಗೆಳತಿಯನ್ನಾಗಿ ಮಾಡಿಕೊಳ್ಳುತ್ತಾರೆ. ಅವಳು ಅವರೊಂದಿಗೆ ಮಾತನಾಡುತ್ತಾಳೆ, ಅವರ ಸಮಸ್ಯೆಗಳು, ದುಃಖ ಮತ್ತು ನೋವುಗಳನ್ನು ಕೇಳುತ್ತಾಳೆ. ಜೊತೆಗೆ ನಗು, ಹಾಸ್ಯ ಮತ್ತು ಪ್ರಣಯ ಹೀಗೆ ಅವರೊಂದಿಗೆ ಎಲ್ಲ ರೀತಿಯಲ್ಲಿಯೂ ಸಹಕರಿಸುತ್ತಾಳೆ. ಆದರೆ ಈಕೆಯ ಎಲ್ಲಾ ಸೇವೆಗಳು ಆನ್‌ಲೈನ್‌ನಲ್ಲಿ ಮಾತ್ರ ಸಿಗುತ್ತವೆ.

ಆನ್‌ಲೈನ್ ಸೇವೆ ಎಂದರೆ ಈಕೆ ತನ್ನ ಸೇವೆಗಳನ್ನು ಜನರನ್ನು ಮುಖಾಮುಖಿ ಭೇಟಿ ಮಾಡುವುದಿಲ್ಲ. ತನ್ನ ಫೋನ್ ಮತ್ತು ಸಂದೇಶಗಳ ಮೂಲಕ ಪ್ರೇಮಿಗಳೊಂದಿಗೆ ಸಂಪರ್ಕದಲ್ಲಿರುತ್ತಾಳೆ. ವರದಿಯ ಪ್ರಕಾರ ಈ ಸುಂದರಿ ಸುಮಾರು 3 ಸಾವಿರ ಜನರಿಗೆ ಬಾಡಿಗೆ ಗೆಳತಿಯಾಗಿದ್ದಾಳೆ.