ದರ್ಶನ್‌ ವಿಚಾರದಲ್ಲಿ ಸದ್ದು ಮಾಡಿದ್ದ ʻರಜತ್‌ ಬುಜ್ಜಿʼ ಬಿಗ್‌ ಬಾಸ್‌ ಗೆ ಗ್ರ್ಯಾಂಡ್‌ ಎಂಟ್ರಿ! ಇವರ ಪತ್ನಿ ಯಾರು, ಆಸ್ತಿ ಎಷ್ಟು ಕೋಟಿ.. ಹಿನ್ನೆಲೆ ಏನು ಗೊತ್ತಾ?
ಬಿಗ್‌ ಬಾಸ್‌ ಕನ್ನಡ ಸೀಸನ್‌ 11 ರ ವೈಲ್ಡ್‌ ಕಾರ್ಡ್‌ ಎಂಟ್ರಿಯಾಗಿ ಇಬ್ಬರು ರಜತ್‌ ಬುಜ್ಜಿ ಮತ್ತು ಶೋಭಾ ಶೆಟ್ಟಿ ಮನೆಯೊಳಗೆ ತೆರಳಿದ್ದಾರೆ.
ಬಿಗ್‌ ಬಾಸ್‌ ಆಟಕ್ಕೆ ಹೊಸ ತಿರುವು ನೀಡುವ ಸ್ಟ್ರಾಂಗ್‌ ಕಂಟೆಸ್ಟಂಟ್‌ ಗಳಂತೆಯೇ ಇಬ್ಬರೂ ಕಾಣುತ್ತಿದ್ದಾರೆ. ಬಿಗ್‌ ಬಾಸ್‌ ಕನ್ನಡ ಸೀಸನ್‌ 11 ರ ಮೂರನೇ ವೈಲ್ಡ್‌ ಕಾರ್ಡ್‌ ಎಂಟ್ರಿ ರಜತ್‌ ಬುಜ್ಜಿ ಯಾರು ಎಂಬುದು ಅನೇಕರಿಗೆ ತಿಳಿಯದ ಸಂಗತಿಯಾಗಿದೆ.
ರಜತ್‌ ಬುಜ್ಜಿ 2013ರಲ್ಲಿ ಕನ್ನಡ ಕಿರುತೆರೆಯ ರಿಯಾಲಿಟಿ ಶೋ ಟಿವಿ ವೀಕ್ಷಕರಿಗೆ ಪರಿಚಯವಾದರು. ಆ ಬಳಿಕ ಅನೇಕ ರಿಯಾಲಿಟಿ ಶೋಗಳಲ್ಲಿ ಭಾಗಿಯಾಗಿ ಜನರ ಮನಗೆದ್ದರು.
ರಜತ್‌ ಬುಜ್ಜಿ ಈಗಾಗಲೇ ಹಲವು ರಿಯಾಲಿಟಿ ಶೋಗಳಲ್ಲಿ ಮಿಂಚಿದ್ದಾರೆ. ಸುಮಾರು 4 ರಿಯಾಲಿಟಿ ಶೋಗಳ ರನ್ನರ್‌ ಅಪ್‌ ಆಗಿದ್ದಾರೆ. ರಜತ್‌ ಕಬಡ್ಡಿ ಆಟಗಾರನಾಗಿದ್ದಾರೆ. ಸೂಪರ್ ಕಬಡ್ಡಿ ಕ್ರೀಡೆಯಲ್ಲಿ ಆಟಗಾರನಾಗಿ ಸ್ಪರ್ಧಿಸಿದ್ದರು.
ಸೋಷಿಯಲ್ ಮೀಡಿಯಾದಲ್ಲಿ ದರ್ಶನ್‌ ವಿಚಾರದಲ್ಲಿ ತಮ್ಮದೇ ಅಭಿಪ್ರಾಯ ಹೇಳುವ ಮೂಲಕ ಸೆನ್ಸೇಷನ್ ಕ್ರಿಯೇಟ್ ಮಾಡಿದ್ದರು. ಬಳಿಕ ವರುಣ್ - ವರ್ಷ ಕಾವೇರಿ ವಿಚಾರದಲ್ಲೂ ರಿಯಾಕ್ಟ್ ಮಾಡಿದ್ದ ರಜತ್‌ ಬುಜ್ಜಿ ನೆಟ್ಟಿಗರಿಗೆ ಚಿರಪರಿಚಿತ ಮುಖವಾಗಿದೆ.
ಪಕ್ಕಾ ಫ್ಯಾಮಿಲಿ ಮ್ಯಾನ್ ಆಗಿರುವ ರಜತ್‌ ಬ್ಯುಸಿನೆಸ್ ನಡೆಸುತ್ತಿದ್ದಾರೆ. ರಜತ್‌ ಬುಜ್ಜಿ ಅವರ ಪತ್ನಿ ಅಕ್ಷಿತಾ. ಇವರೂ ಕೂಡ ರಿಯಾಲಿಟಿ ಶೋಗಳಲ್ಲಿ ಮಿಂಚಿದ್ದಾರೆ. ಈ ಮುದ್ದಾದ ಜೋಡಿಗೆ ತಪಸ್ಯಾ ಬುಜ್ಜಿ ಎಂಬ ಮಗಳಿದ್ದಾಳೆ. ಒಬ್ಬ ಮಗನೂ ಇದ್ದಾನೆ.
ಇದೀಗ ಬಿಗ್‌ ಬಾಸ್‌ ಮನೆಯ ಆಟದ ದಿಕ್ಕನ್ನೇ ಬದಲಿಸಲು ರಜತ್‌ ಬುಜ್ಜಿ ಎಂಟ್ರಿ ಕೊಟ್ಟಿದ್ದಾರೆ. ಫಿಸಿಕಲಿ ಸಾಕಷ್ಟು ಫಿಟ್‌ ಆಗಿರುವ ರಜತ್‌ ಬುಜ್ಜಿ ಟಾಸ್ಕ್‌ಗಳಲ್ಲಿ ಮಿಂಚಬಹುದೆಂಬ ನಿರೀಕ್ಷೆ ಮೂಡಿದೆ.
ಈಗಾಗಲೆ ರಿಯಾಲಿಟಿ ಶೋಗಳ ಅನುಭವ ಇರುವ ಕಾರಣ ಜನರನ್ನು ಸೆಳೆಯುವ ತಂತ್ರ ಗೊತ್ತಿರಬಹುದು. ಎಲ್ಲಿ ಯಾವಾಗ ಹೇಗೆ ಗುರುತಿಸಿಕೊಳ್ಳಬೇಕೆಂಬ ಚಾಣಾಕ್ಷತೆ ಸಹ ಇರುವಂತೆ ತೋರುತ್ತಿದೆ.