Kantara: ರಿಷಬ್ ಶೆಟ್ಟಿಗೆ ಹೊಸ ಬಿರುದು: ಹಿಂದೆಂದೂ ಕೇಳಿರದ-ಮುಂದೆಂದೂ ನೀಡಲಾಗದ ‘ಪಟ್ಟ’ವಿದು

ಕಾಂತಾರ ಸಿನಿಮಾ ಹಿಟ್ ಮಾತ್ರವಲ್ಲ, ಸಂಸ್ಕೃತಿಯ ಅನಾವರಣವನ್ನೂ ಮಾಡಿ ಜನಮನ ಗೆದ್ದಿದೆ. ಇದೀಗ ಈ ಸಿನಿಮಾದ ರೂವಾರಿಯಾದ ರಿಷಬ್ ಶೆಟ್ಟಿ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಚರ್ಚೆಯಾಗುತ್ತಿದೆ. ಕಾಂತಾರಾ ಮೂಲಕ ಮನೆ ಮಾತಾಗಿರುವ ರಿಷಬ್ ಶೆಟ್ಟಿಯವರಿಗೆ ಡಿವೈನ್ ಸ್ಟಾರ್ ಎಂದು ಕರೆಯೋಣ ಎಂದು ಸೋಶಿಯಲ್ ಮೀಡಿಯಾದಲ್ಲಿ ಹೇಳಿದ್ದಾರೆ.

ಕಾಂತಾರ ಸಿನಿಮಾದ ಕೊನೆಯ 20 ನಿಮಿಷಗಳನ್ನು ಕಂಡ ಜನರು ರಿಷಬ್ ಅದ್ಭುತ ನಟನೆಗೆ ಫಿದಾ ಆಗಿದ್ದಾರೆ. ಅಷ್ಟೇ ಅಲ್ಲದೆ ಈ ಸಿನಿಮಾದ ಮೂಲಕ ರಿಷಬ್ ಶೆಟ್ಟಿ ರಾತ್ರೋರಾತ್ರಿ ಪ್ಯಾನ್ ಇಂಡಿಯಾ ಸ್ಟಾರ್ ಕೂಡ ಆಗಿದ್ದಾರೆ.

ಇನ್ನು ಸ್ಟಾರ್‌ ನಟರಿಗೆ ಅಭಿಮಾನಿಗಳು ಬಿರುದುಗಳನ್ನು ಕೊಡುವುದು ಸಾಮಾನ್ಯ. ಅದೇ ರೀತಿ ರಿಷಬ್ ಅಭಿಮಾನಿಗಳು ಸಹ ಅವರಿಗೆ ವಿಧ ವಿಧವಾಗಿ ಬಿರುದನ್ನು ನೀಡಿದ್ದಾರೆ.

ಒಬ್ಬರು ಡಿವೈನ್ ಸ್ಟಾರ್ ಎಂದು ಕರೆದರೆ ಇನ್ನೊಬ್ಬರು ಕರಾವಳಿ ಚಕ್ರವರ್ತಿ ಎಂದು ಕರೆದಿದ್ದಾರೆ. ಈ ಬಗ್ಗೆ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ಚರ್ಚೆಯಾಗುತ್ತಿದೆ.

ಸದ್ಯ ಕಾಂತಾರ ಸಿನಿಮಾ ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆಯುತ್ತಿದ್ದು, ಈಗಾಗಲೇ 100 ಕೋಟಿ ರೂ.ಗೂ ಅಧಿಕ ಕಲೆಕ್ಷನ್ ಮಾಡಿ ದಾಖಲೆ ಬರೆದಿದೆ.