ಯುವರಾಜ್ ಸಿಂಗ್ ಜೊತೆ ಸಾನಿಯಾ ಮಿರ್ಜಾ ಡೇಟಿಂಗ್! ಶಮಿ ಜೊತೆ ಮದುವೆ ವದಂತಿ ಮಧ್ಯೆ ಟೆನ್ನಿಸ್ ತಾರೆಯ ಪ್ರೀತಿ ರಹಸ್ಯ ಬಯಲು?

ಭಾರತದ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಇತ್ತೀಚಿನ ದಿನಗಳಲ್ಲಿ 2ನೇ ಮದುವೆ ವಿಚಾರಕ್ಕೆ ಸಂಬಂಧಿಸಿದಂತೆ ಭಾರೀ ಸುದ್ದಿಯಲ್ಲಿದ್ದಾರೆ. ಈ ಮಧ್ಯೆ ಕ್ರಿಕೆಟಿಗ ಮೊಹಮ್ಮದ್ ಶಮಿ ಜೊತೆ ಸಾನಿಯಾ ವಿವಾಹವಾಗುತ್ತಾರೆ ಎಂದೂ ಸಹ ಹೇಳಲಾಗಿತ್ತು.

ಸಾನಿಯಾ 2010 ರಲ್ಲಿ ಪಾಕಿಸ್ತಾನಿ ಕ್ರಿಕೆಟಿಗ ಶೋಯೆಬ್ ಮಲಿಕ್’ರನ್ನು ವಿವಾಹವಾದರು. ಆದರೆ, ಈ ವರ್ಷದ ಆರಂಭದಲ್ಲಿ ಇಬ್ಬರೂ ಬೇರ್ಪಟ್ಟರು. ಅಂದಿನಿಂದ ಸಾನಿಯಾ ಸುದ್ದಿಯ ವಿಷಯವಾಗಿದ್ದು, ಅವರ ಡೇಟಿಂಗ್ ಲೈಫ್ ಕೂಡ ಸುದ್ದಿಯಲ್ಲಿದೆ.

ಇತ್ತೀಚೆಗಷ್ಟೇ ಭಾರತೀಯ ಕ್ರಿಕೆಟಿಗ ಮೊಹಮ್ಮದ್ ಶಮಿ ಜೊತೆ ಸಾನಿಯಾ ಹೆಸರು ತಳುಕು ಹಾಕಿದ್ದು, ಬಳಿಕ ಟೆನಿಸ್ ತಾರೆ ತಂದೆ ಇದನ್ನು ವದಂತಿ ಎಂದು ತಳ್ಳಿಹಾಕಿದ್ದರು. ಆದರೆ ಇವೆಲ್ಲದರ ಜೊತೆ, ಶೋಯೆಬ್ ಮಲಿಕ್ ಮದುವೆಗೂ ಮುಂಚೆಯೇ ಸಾನಿಯಾ ಹೆಸರು ಅನೇಕ ಸೆಲೆಬ್ರಿಟಿಗಳ ಜೊತೆ ತಳುಕು ಹಾಕಿತ್ತು. ಅಷ್ಟೇ ನಿಶ್ಚಿತಾರ್ಥ ಕೂಡ ಮಾಡಿಕೊಂಡಿದ್ದರು. ಆದರೆ ಅದು ಮುರಿದುಬಿದ್ದಿತ್ತು.

ಸಾನಿಯಾ ಮಿರ್ಜಾ ಸೊಹ್ರಾಬ್ ಮಿರ್ಜಾ ಅವರೊಂದಿಗೆ ಶೋಯೆಬ್ ಮಲಿಕ್ ಮೊದಲು ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಆ ಸಮಯದಲ್ಲಿ ಸಾನಿಯಾ ತನ್ನ ವೃತ್ತಿಜೀವನದ ಆರಂಭದಲ್ಲಿಯೇ ಇದ್ದರು. ಇಬ್ಬರೂ ದೀರ್ಘಕಾಲ ಒಟ್ಟಿಗೆ ಇದ್ದರು. ಅವರಿಬ್ಬರ ಕುಟುಂಬಗಳು ಮೂರು ತಲೆಮಾರುಗಳಿಂದ ಪರಸ್ಪರ ತಿಳಿದಿದ್ದವು. ಆದರೆ, ಈ ಸಂಬಂಧವು ಹೆಚ್ಚು ಕಾಲ ಉಳಿಯಲಿಲ್ಲ. ನಿಶ್ಚಿತಾರ್ಥ ಮುರಿದುಬಿತ್ತು. ಇಬ್ಬರ ನಡುವೆ ಸಮನ್ವಯತೆ ಇಲ್ಲ ಎಂದು ಸೊಹ್ರಾಬ್ ಸಂದರ್ಶನದಲ್ಲಿ ಹೇಳಿದ್ದರು.

ಸಾನಿಯಾ ಮಿರ್ಜಾ ಅವರ ಹೆಸರು ಬಾಲಿವುಡ್ ನಟ ಶಾಹಿದ್ ಕಪೂರ್ ಜೊತೆ ಸೇರಿಕೊಂಡಿತ್ತು. ಈ ಗಾಸಿಪ್ ಶುರುವಾಗಿದ್ದು, ಕಾಫಿ ವಿತ್ ಕರಣ್ ಶೋನಲ್ಲಿ ಇವರಿಬ್ಬರು ಒಟ್ಟಿಗೆ ಕಾಣಿಸಿಕೊಂಡಾಗ.. ಇವರಿಬ್ಬರ ಸಂಬಂಧದ ಸುದ್ದಿ ಬಹಳ ದಿನಗಳ ಕಾಲ ಮುಂದುವರೆದಿತ್ತು. ಆದರೆ, ಇಬ್ಬರೂ ಈ ಬಗ್ಗೆ ದೃಢಪಡಿಸಿರಲಿಲ್ಲ.

ಮಾಧ್ಯಮಗಳ ವರದಿಗಳ ಪ್ರಕಾರ, ಸಾನಿಯಾ, ದಕ್ಷಿಣ ಸಿನಿಮಾ ನಟ ನವದೀಪ್ ಪಲಾಪೋಲು ಜೊತೆ ಡೇಟಿಂಗ್ ಮಾಡಿದ್ದಾರೆ. ಈ ಸಂಬಂಧದ ಬಗ್ಗೆ ಇವರಿಬ್ಬರು ಎಂದಿಗೂ ಹೇಳಿಕೆಗಳನ್ನು ನೀಡಿರಲಿಲ್ಲ. ಆದರೆ ಇಬ್ಬರೂ ಅನೇಕ ಬಾರಿ ಒಟ್ಟಿಗೆ ಕಾಣಿಸಿಕೊಂಡಿದ್ದರು.

ಇನ್ನೋರ್ವ ಸೆಲೆಬ್ರಿಟಿ ಯುವರಾಜ್ ಸಿಂಗ್. ಸಾನಿಯಾ ಮಿರ್ಜಾ ಅವರ ಹೆಸರು ಭಾರತದ ಆಲ್‌ರೌಂಡರ್ ಯುವರಾಜ್ ಸಿಂಗ್‌ಜೊತೆ ಭಾರೀ ಸದ್ದು ಮಾಡಿತ್ತು. ವೃತ್ತಿಜೀವನದಲ್ಲಿ ದೃಢವಾಗಿ ನೆಲೆಯೂರುವ ಸಮಯದಲ್ಲಿ ಈ ಸುದ್ದಿ ಭಾರೀ ವೈರಲ್ ಆಗಿತ್ತು. ಅಷ್ಟೇ ಅಲ್ಲದೆ, ಪಾರ್ಟಿ ಮತ್ತು ಸಮಾರಂಭಗಳಲ್ಲಿ ಇಬ್ಬರೂ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿದ್ದರು. ಅವರ ಫೋಟೋಗಳು ಸಹ ವೈರಲ್ ಆಗುತ್ತಿದ್ದವು.

ಸೂಚನೆ: ಈ ವಿಷಯವು ಕೆಲವು ಮಾಧ್ಯಮ ವರದಿ ಮತ್ತು ಊಹಾಪೋಹಾಗಳನ್ನು ಒಳಗೊಂಡಿದೆ. ಈ ಮಾಹಿತಿಯ ಹೊಣೆಯನ್ನು Zee Kannada News ಖಚಿತಪಡಿಸಿಕೊಳ್ಳುವುದಿಲ್ಲ.