Shobitha Dhupipala: ಹಾಲಿವುಡ್‌ಗೆ ಪಾದಾರ್ಪಣೆ ಮಾಡಿದ ಪೊನ್ನಿಯನ್ ಸೆಲ್ವಾನ್‌ನ ವಾನತಿ!
ಬಹುಭಾಷಾ ನಟಿ ಶೋಭಿತಾ ಧುಲಿಪಾಲ ಆಕ್ಷನ್ ಥ್ರಿಲ್ಲರ್‌ ಸಿನಿಮಾ 'ಮಂಕಿ ಮ್ಯಾನ್' ಮೂಲಕ ಹಾಲಿವುಡ್‌ಗೆ ಕಾಲಿಡುತ್ತಿದ್ದಾರೆ.
ನಟಿ ಶೋಭಿತಾ ಆಸ್ಕರ್‌ಗೆ ನಾಮನಿರ್ದೇಶನಗೊಂಡಿದ್ದ ನಟ, ನಿರ್ದೇಶಕ ದೇವ್ ಪಟೇಲ್ ಅವರೊಂದಿಗೆ 'ಮಂಕಿ ಮ್ಯಾನ್' ಸಿನಿಮಾದಲ್ಲಿ ಹಂಚಿಕೊಂಡಿದ್ದಾರೆ.
ಶೋಭಿತಾ ಧುಲಿಪಾಲ ಶುಕ್ರವಾರ ರಾತ್ರಿ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ನಟಿ ಶೋಭಿತಾ ಧುಲಿಪಾಲ ಅವರು ತಮ್ಮ ಚೊಚ್ಚಲ ಹಾಲಿವುಡ್ ಚಿತ್ರವನ್ನು ಘೋಷಿಸಿದ್ದಾರೆ.
ಶೋಭಿತಾ ಇನ್‌ಸ್ಟಾಗ್ರಾಮ್‌ನಲ್ಲಿ "ನನ್ನ ಚೊಚ್ಚಲ ಹಾಲಿವುಡ್ ಚಿತ್ರ ಮಂಕಿಮ್ಯಾನ್‌ನ ಟ್ರೈಲರ್ ಅನ್ನು ಹಂಚಿಕೊಳ್ಳಲು ಸಕತ್ ಸಂತೋಷವಾಗಿದೆ. ಏಪ್ರಿಲ್ 5 ರಂದು ಜಾಗತಿಕವಾಗಿ ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗುತ್ತಿದೆ" ಎಂದು ಪೋಸ್ಟ್‌ನಲ್ಲಿ ಬರೆದಿದ್ದಾರೆ.
ನಟಿ ಶೋಭಿತಾ ಪಾತ್ರ ಮಂಕಿ ಮ್ಯಾನ್ ಚಿತ್ರದಲ್ಲಿ ಆಸಕ್ತಿದಾಯಕವಾಗಿದೆ. ಈ ನಟಿ ಅಭಿನಯಿಸಿರುವ ಸಿನಿಮಾದ ಝಲಕ್ ಕೂಡ ಗಮನ ಸೆಳೆಯುವಂತೆ ಮಾಡಿದೆ.
ಸೌತ್‌ ನಟಿ ಶೋಭಿತಾ ಕೊನೆಯದಾಗಿ 'ಪೊನ್ನಿಯನ್ ಸೆಲ್ವನ್ ಭಾಗ 2' ಮತ್ತು 'ಮೇಡ್ ಇನ್ ಹೆವೆನ್ ಸೀಸನ್ 2' ನಲ್ಲಿ ಕಾಣಿಸಿಕೊಂಡಿದ್ದರು.
ನಟಿ ಶೋಭಿತಾ ಮೂಲತಃ ಆಂಧ್ರದ ತೆನಾಲಿಯರಾಗಿದ್ದು, ಆದರೆ ಈಕೆ ಮೊದಲು ರಾಮನ್‌ ರಾಘವ್‌ 2.0 ಹಿಂದಿ ಚಿತ್ರದ ಮೂಲಕ ಸಿನಿಮಾರಂಗಕ್ಕೆ ಹೆಜ್ಜೆಹಾಕಿದ್ದಾರೆ.