`ಕೋಟಿಗಟ್ಟಲೆ ಹಣ ಕೊಡ್ತೀನಿ ಅಂದ್ರು ಬಿಗ್ ಬಾಸ್ʼಗೆ ಹೋಗಲ್ಲ`- ಬರಲ್ಲ ಬರಲ್ಲ ಅಂತಾ ಭಾರೀ ಡಿಮ್ಯಾಂಡ್‌ ಮಾಡ್ತಿರೋ ಆ ಸೆಲೆಬ್ರಿಟಿ ಯಾರು?
ಬಿಗ್ ಬಾಸ್... ಸದಾ ಒಂದಿಲ್ಲೊಂದು ವಿವಾದ, ಜಗಳ, ಮನಸ್ತಾಪ, ನಗು-ಅಳುವಿನ ಭಾವಗಳಿಂದಲೇ ತುಂಬಿರುವ ಶೋ ಎಂದರೆ ತಪ್ಪಾಗಲ್ಲ. ಇದು ಭಾರತದ ಅತ್ಯಂತ ನಿರೀಕ್ಷಿತ ರಿಯಾಲಿಟಿ ಟಿವಿ ಶೋಗಳಲ್ಲಿ ಒಂದಾಗಿದೆ.
ಅಭಿಮಾನಿಗಳು ಪ್ರತಿ ವರ್ಷವೂ ಈ ಶೋ ಶುರುವಾಗಲೆಂದು ಕಾತರದಿಂದ ಕಾಯುತ್ತಿರುತ್ತಾರೆ. ಅಂತೆಯೇ ಈ ವರ್ಷ ಕೂಡ ಹಲವಾರು ಸೆಲೆಬ್ರಿಟಿಗಳು ಬಿಗ್ ಬಾಸ್ ಮನೆಗೆ ಬರಲಿದ್ದಾರೆ. ಇನ್ನು ಕೆಲ ಸೆಲೆಬ್ರಿಟಿಗಳು ಈ ಮನೆಯೊಳಗೆ ಎಂಟ್ರಿ ಕೊಡಬೇಕೆಂದು ಪ್ರಯತ್ನ ಪಟ್ಟರೆ, ಇನ್ನೂ ಕೆಲವರು ಎಷ್ಟೇ ದುಡ್ಡು ಕೊಟ್ಟರು ನಮಗೆ ಆ ಆಫರ್ ಬೇಡ ಎಂದು ತಿರಸ್ಕರಿಸುತ್ತಿದ್ದಾರೆ.
ಅದರಲ್ಲಿ ಒಬ್ಬರು ಆಧ್ಯಾತ್ಮಿಕ ಗುರು ಅನಿರುದ್ಧ್ ಆಚಾರ್ಯ ಎನ್ನಲಾಗಿದೆ. ಹಿಂದಿ ಬಿಗ್ ಬಾಸ್ 18 ರ ಪ್ರೀಮಿಯರ್ ದಿನಾಂಕ ಸಮೀಪಿಸುತ್ತಿದ್ದಂತೆ, ಕಾರ್ಯಕ್ರಮದ ಸಂಭಾವ್ಯ ಸ್ಪರ್ಧಿಗಳ ಕುರಿತು ಹೆಚ್ಚು ಹೆಚ್ಚು ಅಪ್ಡೇಟ್‌ʼಗಳು ಹೊರಬೀಳುತ್ತಿವೆ.
ಅಂದಹಾಗೆ ಕೆಲ ವರದಿಗಳ ಪ್ರಕಾರ, ಆಧ್ಯಾತ್ಮಿಕ ಗುರು ಅನಿರುದ್ಧ್ ಆಚಾರ್ಯ ಅವರಿಗೆ ಬಿಗ್ ಬಾಸ್ ಸ್ಪರ್ಧಿಯಾಗಿ ಬರುವಂತೆ ಆಫರ್ ನೀಡಲಾಗಿದೆ. ಆದರೆ ಈ ಆಫರ್ ತಿರಸ್ಕರಿಸಿ ಮಹತ್ವದ ನಿರ್ಧಾರವನ್ನು ತೆಗೆದುಕೊಂಡಿದ್ದಾರೆ ಎನ್ನಲಾಗಿದೆ.
ಅಷ್ಟೇ ಅಲ್ಲದೆ ಗುರೂಜಿಗೆ ಕೋಟಿಗಟ್ಟಲೆ ಆಫರ್ ನೀಡಲಾಗಿತ್ತು ಎಂದು ಹೇಳಲಾಗುತ್ತದೆ. ಆದರೆ ಅಂತಹ ವಿವಾದಾತ್ಮಕ ರಿಯಾಲಿಟಿ ಶೋನ ಭಾಗವಾಗದಿರಲು ಇಚ್ಛಿಸದ ಅವರು, ಕೋಟಿಗಟ್ಟಲೆ ನೀಡಿದ್ರೂ ಬರಲ್ಲ ಎಂದಿದ್ದಾರೆ ಎಂದು ಹೇಳಲಾಗಿದೆ.