Thalaivi Photos: ತಮಿಳುನಾಡಿನ ಮಾಜಿ ಸಿಎಂ ಜಯಲಲಿತಾ ಪಾತ್ರದಲ್ಲಿ ಮಿಂಚಿದ KANGANA RANAUT

ನಿರ್ದೇಶಕ ವಿಜಯ್ ಅವರ ತಲೈವಿ ಚಿತ್ರದಲ್ಲಿ ನಟಿ ಕಂಗನಾ ರನೌತ್  ಮತ್ತು ನಟ ಅರವಿಂದ ಸ್ವಾಮಿ ಮುಖ್ಯಭೂಮಿಕೆಯಲ್ಲಿದ್ದಾರೆ. ಬಹು ನಿರೀಕ್ಷಿತ ತಲೈವಿ ಚಿತ್ರವು ಸೆಪ್ಟೆಂಬರ್ 10 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಈ ಚಿತ್ರವು ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ ಜೆ. ಜಯಲಲಿತಾ (J Jayalalithaa) ಅವರ ಜೀವನಚರಿತ್ರೆಯಾಗಿದೆ. 

ಬಹುಭಾಷಾ ಚಲನಚಿತ್ರವನ್ನು ಈ ಮೊದಲು ಏಪ್ರಿಲ್ ತಿಂಗಳಲ್ಲಿ ಬಿಡುಗಡೆ ಮಾಡಲು ನಿರ್ಧರಿಸಲಾಗಿತ್ತು, ಆದರೆ ಕೋವಿಡ್ -19 ಸಾಂಕ್ರಾಮಿಕ ರೋಗದಿಂದಾಗಿ ಅದನ್ನು ಮುಂದೂಡಲಾಯಿತು. ಈ ಸಿನಿಮಾ ತಮಿಳು, ತೆಲುಗು ಮತ್ತು ಹಿಂದಿ ಮೂರು ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ.

ಚಿತ್ರದಲ್ಲಿ, ಕಂಗನಾ ರಣಾವತ್ (KANGANA RANAUT) ಜಯಲಲಿತಾ ಪಾತ್ರವನ್ನು ನಿರ್ವಹಿಸುತ್ತಿದ್ದರೆ, ಅರವಿಂದ ಸ್ವಾಮಿ (Arvind Swami) ದಿವಂಗತ ಮುಖ್ಯಮಂತ್ರಿ ಎಂಜಿ ರಾಮಚಂದ್ರನ್ ಪಾತ್ರವನ್ನು ನಿರ್ವಹಿಸಲಿದ್ದಾರೆ.

ಇದನ್ನೂ ಓದಿ- Sruthi Hariharan: ಡಾಲಿ ಧನಂಜಯ್ ‘ಹೆಡ್ ಬುಷ್’ ಸಿನಿಮಾಗೆ ಶ್ರುತಿ ಹರಿಹರನ್ ಎಂಟ್ರಿ..!

ಕಂಗನಾ ರಣಾವತ್ (KANGANA RANAUT) ಅವರ 34 ನೇ ಹುಟ್ಟುಹಬ್ಬದ ಅಂಗವಾಗಿ ಈ ವರ್ಷದ ಮಾರ್ಚ್ 23 ರಂದು ಚಿತ್ರದ ಟ್ರೇಲರ್ ಬಿಡುಗಡೆಯಾಗಿದೆ. ಚಲನಚಿತ್ರದ 2 ನಿಮಿಷ ಮತ್ತು 59 ಸೆಕೆಂಡ್ ಉದ್ದದ ಟ್ರೇಲರ್ ದಿವಂಗತ ನಟಿ ಮತ್ತು ರಾಜಕಾರಣಿ ಜಯಲಲಿತಾ ಅವರ ಜೀವನದಿಂದ ಪ್ರಸಿದ್ಧವಾದ ಸನ್ನಿವೇಶಗಳನ್ನು ಒಳಗೊಂಡಿತ್ತು.

ಇದನ್ನೂ ಓದಿ- Deepika Padukone: ಬೆಂಗಳೂರಿನಲ್ಲಿ 7 ಕೋಟಿ ರೂ. ಮೌಲ್ಯದ ಫ್ಲ್ಯಾಟ್‌ ಖರೀದಿಸಿದ ದೀಪಿಕಾ ಪಡುಕೋಣೆ

ತಲೈವಿಯನ್ನು ಬಾಹುಬಲಿ ಖ್ಯಾತಿಯ ಕೆವಿ ವಿಜಯೀಂದ್ರ ಪ್ರಸಾದ್ ಬರೆದಿದ್ದಾರೆ . ಈ ಚಿತ್ರದಲ್ಲಿ ನಟರಾದ ಮಧು, ಪ್ರಕಾಶ್ ರಾಜ್, ಜಿಸ್ಶು ಸೇನ್‌ಗುಪ್ತಾ, ಭಾಗ್ಯಶ್ರೀ ಮತ್ತು ಪೂರ್ಣಾ ನಟಿಸಿದ್ದಾರೆ. ಚಿತ್ರವನ್ನು ವಿಷ್ಣು ವರ್ಧನ್ ಇಂದೂರಿ ಮತ್ತು ಶೈಲೇಶ್ ಸಿಂಗ್ ನಿರ್ಮಿಸಿದ್ದಾರೆ.

(ಈ ಎಲ್ಲಾ ಫೋಟೋಗಳನ್ನೂ Zee Hindustan Tamil ಡಿಜಿಟಲ್ ನಿಂದ ತೆಗೆದುಕೊಳ್ಳಲಾಗಿದೆ.)