ಡಿವೋರ್ಸ್‌ ವದಂತಿಯ ಮಧ್ಯೆ ತನ್ನ ಕುಟುಂಬವನ್ನೇ ಬಿಟ್ಟುಹೊರಟ ಅಭಿಷೇಕ್ ಬಚ್ಚನ್! ಐಶ್ವರ್ಯಾರಂತೆ ʼಜಲ್ಸಾʼ ತೊರೆಯುವ ನಿರ್ಧಾರ ತೆಗೆದುಕೊಂಡಿದ್ದೇಕೆ ಬಚ್ಚನ್ ಕುಡಿ?
ಐಶ್ವರ್ಯಾ ರೈ ಮತ್ತು ಅಭಿಷೇಕ್ ಬಚ್ಚನ್ ವಿಚ್ಛೇದನದ ಸುದ್ದಿ ನಿರಂತರವಾಗಿ ಹರಿದಾಡುತ್ತಲೇ ಇದೆ. ಈ ಬಗ್ಗೆ ಸಾಕಷ್ಟು ಅಂತೆಕಂತೆಗಳು ಕೇಳಿಬರುತ್ತಲೇ ಇವೆ. ಆದರೆ ಕಳೆದ ದಿನವಷ್ಟೇ ನಟಿ ಐಶ್ವರ್ಯಾ ರೈ, ತಮ್ಮ ಮಾವ ಅಮಿತಾಬ್ ಬಚ್ಚನ್ ಅವರಿಗೆ ವಿಶೇಷವಾಗಿ ಶುಭಾಷಯ ತಿಳಿಸುವ ಮೂಲಕ ಈ ವದಂತಿಗಳಿಗೆ ಸಾಕಷ್ಟು ಫುಲ್‌ ಸ್ಟಾಪ್‌ ಇಡುವ ಕೆಲಸ ಮಾಡಿದ್ದರು.
ಆದರೆ ಐಶ್ವರ್ಯಾ ರೈ ಬಚ್ಚನ್ ಕುಟುಂಬದ ಮನೆಯನ್ನು ತೊರೆದಿದ್ದೇಕೆ? ಕುಟುಂಬವನ್ನು ತೊರೆದು ಬೇರೆಯಾಗಿ ಬದುಕುತ್ತಿರೋದೇಕೆ? ಎಂಬ ಪ್ರಶ್ನೆ ಸದ್ಯ ಎಲ್ಲರಲ್ಲಿ ಮನೆ ಮಾಡಿದೆ.
ಈ ಎಲ್ಲರ ಮಧ್ಯೆ ಅಭಿಷೇಕ್ ಬಚ್ಚನ್ ಮತ್ತು ವಿಕ್ಕಿ ಕೌಶಲ್ ಕಾಣಿಸಿಕೊಂಡಿರುವ ವಿಡಿಯೋವೊಂದು ಹೊರಬಿದ್ದಿದೆ. 'ಮನ್ಮರ್ಜಿಯಾನ್' ಚಿತ್ರದ ಪ್ರಚಾರದ ವೇಳೆ ಇಬ್ಬರೂ ಸಂದರ್ಶನ ನೀಡುತ್ತಿದ್ದರು. ರೆಡ್ಡಿಟ್ ಬಳಕೆದಾರರು ಈ ಕ್ಲಿಪ್ ಅನ್ನು ಹಂಚಿಕೊಂಡಿದ್ದು, ಇದರಲ್ಲಿ ಪ್ರತಿಯೊಬ್ಬರೂ ಕೆಲವು ಪ್ರಶ್ನೆಗಳಿಗೆ ಉತ್ತರಿಸಬೇಕಾಗಿದೆ.
ಹೀಗಿರುವಾಗ, ಅಭಿಷೇಕ್ ಮನೆಯ ಹೆಸರೇನು ಎಂದು ವಿಕ್ಕಿ ಕೌಶಲ್ ಬಳಿ ಕೇಳಿದಾಗ, ʼಜಲ್ಸಾ' ಎಂದು ಕೌಶಲ್ ಉತ್ತರಿಸಿದ್ದಾರೆ. ತಕ್ಷಣ ಅಭಿಷೇಕ್, 'ಇದು ತಪ್ಪು. ನನ್ನ ತಂದೆ-ತಾಯಿ ವಾಸಿಸುವ ಸ್ಥಳ ಜಲ್ಸಾ. ನಾನು ನಿಜವಾಗಿ ಪಕ್ಕದಲ್ಲೇ ಇರುವ ವತ್ಸದಲ್ಲಿ ವಾಸಿಸುತ್ತಿದ್ದೇನೆ" ಎಂದು ಹೇಳಿದ್ದಾರೆ
ಇದಾದ ನಂತರ ವಿಕ್ಕಿ ಕೌಶಲ್ ಶಾಕ್‌ ಆಗಿದ್ದಾರೆ. ಈ ಕ್ಲಿಪ್ ವೀಕ್ಷಿಸಿದ ಜನರು ಸಹ ಅಚ್ಚರಿಗೊಂಡಿದ್ದಾರೆ. ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯಾ ರೈ ಅಮಿತಾಬ್ ಮತ್ತು ಜಯಾ ಜೊತೆ ವಾಸಿಸುತ್ತಿಲ್ಲ ಎಂಬುದನ್ನು ಸ್ವತಃ ಅವರೇ ಸ್ಪಷ್ಟಪಡಿಸಿದ್ದರು.
ಜಲ್ಸಾ ತೊರೆದು ವತ್ಸಾದಲ್ಲಿ ಅಭಿಷೇಕ್ ನೆಲೆಸಿರಲು ಕಾರಣವೇನೆಂಬುದು ಸದ್ಯ ತಿಳಿದುಬಂದಿಲ್ಲ.