BBK 10: ಈ ಸ್ಪರ್ಧಿಗೆ ಬಿತ್ತು ಬರೋಬ್ಬರಿ 72 ಲಕ್ಷ ವೋಟ್! ಈ ಜನಮೆಚ್ಚಿದ ‘ಮಣ್ಣಿನ ಮಗನ’ ಪಾಲಾಗುತ್ತಾ ‘ಬಿಗ್ ಬಾಸ್ ಕಿರೀಟ’!
ಬಿಗ್ ಬಾಸ್ ಕನ್ನಡ ಸೀಸನ್ 10 ಮುಕ್ತಾಯದ ಹಂತದಲ್ಲಿದೆ. ಈ ಮಧ್ಯೆ, ಓರ್ವ ಸ್ಪರ್ಧಿ ಪರವಾಗಿ ಬರೋಬ್ಬರು 95 ಸಾವಿರ ಕಮೆಂಟ್’ಗಳು ಬಂದಿರೋದಾಗಿ ಶಾಕಿಂಗ್ ಸತ್ಯ ಬಹಿರಂಗವಾಗಿದೆ.
ಅಂದಹಾಗೆ ಇತ್ತೀಚೆಗೆಯಷ್ಟೇ ಈ ಹಿಂದೆ ಎಲಿಮಿನೇಟ್ ಆಗಿದ್ದ ಕೆಲ ಸ್ಪರ್ಧಿಗಳು ಬಿಗ್ ಬಾಸ್ ಮನೆಗೆ ಆಗಮಿಸಿದ್ದರು. ಆ ಸಂದರ್ಭದಲ್ಲಿ ಇಶಾನಿ, ಡ್ರೋಣ್ ಪ್ರತಾಪ್ ಬಗ್ಗೆ ಕೆಟ್ಟದಾಗಿ ಕಾಮೆಂಟ್ ಮಾಡಿದ್ದರು.
ಇಶಾನಿ ಮಾಡಿದ ಕಾಮೆಂಟ್’ಗೆ ತೀವ್ರ ಆಕ್ರೋಶ ವ್ಯಕ್ತವಾಗಿದ್ದು ಮಾತ್ರವಲ್ಲದೆ, ಆಕೆಯ ಸೋಶಿಯಲ್ ಮೀಡಿಯಾದಲ್ಲಿ ಡ್ರೋಣ್ ಪ್ರತಾಪ್ ಪರ ಮತ್ತು ಇಶಾನಿಗೆ ವಿರೋಧವಾಗಿ ಕಾಮೆಂಟ್’ಗಳನ್ನು ಮಾಡಲಾಗುತ್ತಿದೆ.
ಇದುವರೆಗೆ ಬರೋಬ್ಬರಿ 95K ಕಾಮೆಂಟ್ಸ್’ಗಳು ಇಶಾನಿ ಪೋಸ್ಟ್’ಗಳಿಗೆ ಬಂದಿದ್ದು, ಅದರಲ್ಲಿ ಬಹುತೇಕ ಪ್ರತಾಪ್ ಪರವಾಗೇ ಬಂದಿವೆ.
ಅಂದಹಾಗೆ ಈ ಹಿಂದೆ ವೀಕೆಂಡ್ ಪಂಚಾಯ್ತಿಯಲ್ಲಿ ಕಿಚ್ಚ ಸುದೀಪ್ ಒಂದು ವಿಷಯದ ಬಗ್ಗೆ ಸುಳಿವು ನೀಡಿದ್ದರು. ಅದೇನೆಂದರೆ, ಬಿಗ್ ಬಾಸ್ ಮನೆಯ ಓರ್ವ ಸ್ಪರ್ಧಿಗೆ ಬರೋಬ್ಬರಿ 72,83,090 ಮತಗಳು ಬಂದಿವೆ ಎಂದು. ಪ್ರಸ್ತುತ ಬೆಳವಣಿಗೆ ನೋಡಿದರೆ, ಅಂದರೆ ಇಶಾನಿಗೆ ಅಷ್ಟೊಂದು ಮಟ್ಟದಲ್ಲಿ ಕಾಮೆಂಟ್’ಗಳು ಬಂದಿರೋದನ್ನು ನೋಡಿದ್ರೆ 72 ಲಕ್ಷ ಮತ ಪಡೆದಿರುವವರು ಪ್ರತಾಪ್ ಎಂಬ ಅನುಮಾನ ಎಲ್ಲೆಡೆ ಮೂಡುತ್ತಿದೆ.
ಇನ್ನು ಬಿಗ್ ಬಾಸ್ ಮನೆಯಲ್ಲಿ ಪ್ರತಾಪ್ ಕೂಡ ಪ್ರಬಲ ಸ್ಪರ್ಧಿಯೇ. ತಾಳ್ಮೆಯಿಂದ ಇದ್ದರೂ ಸಹ ತನ್ನ ತನವನ್ನು ಬಿಟ್ಟುಕೊಡದೆ, ಎಲ್ಲಿ ಬೇಕೋ ಅಲ್ಲಿ ಧ್ವನಿ ಎತ್ತುತ್ತಾ ಉತ್ತಮವಾಗಿ ಆಡುತ್ತಾ ಬಂದಿದ್ದಾರೆ. ಸದ್ಯ ಎಲ್ಲರ ತಲೆಯಲ್ಲೂ 72 ಲಕ್ಷ ಓಟುಗಳ ಲೆಕ್ಕಾಚಾರವೇ ಓಡುತ್ತಿದ್ದು, ಒಂದು ವೇಳೆ ಅದು ಖಚಿತವಾಗಿಯೂ ಪ್ರತಾಪ್’ಗೆ ಬಂದಿದ್ದರೆ, ಈತ ಈ ಬಾರಿಯ ವಿನ್ನರ್ ಆಗೋದ್ರಲ್ಲಿ ಅನುಮಾನವೇ ಇಲ್ಲ!
ಇಶಾನಿಗೆ ಇನ್’ಸ್ಟಾಗ್ರಾಂನಲ್ಲಿ ಇರೋದು ಕೇವಲ 57.4 ಸಾವಿರ ಫಾಲೋವರ್ಸ್. ಆದ್ರೆ ಆಕೆಯ ಲೇಟೆಸ್ಟ್ ಪೋಸ್ಟ್’ಗಳಿಗೆ ಸುಮಾರು 95 ಸಾವಿರಕ್ಕಿಂತಲೂ ಹೆಚ್ಚು ಕಾಮೆಂಟ್’ಗಳು ಬಂದಿವೆ.