LICಯ ಈ ಸ್ಕೀಮ್ ನಲ್ಲಿ ವಿಮಾ ಕವರೇಜ್ ಜೊತೆಗೆ ೧೨ನೆ ತರಗತಿವರೆಗೆ ಮಕ್ಕಳಿಗೆ ಸಿಗಲಿದೆ ಸ್ಕಾಲರ್ ಶಿಪ್

ಈ ಯೋಜನೆಯಡಿಯಲ್ಲಿ ಹೂಡಿಕೆ ಮಾಡುವ ವ್ಯಕ್ತಿಯು ನೈಸರ್ಗಿಕ ಕಾರಣಗಳಿಂದ, ಅಪಘಾತದಿಂದ ಸಾವನ್ನಪ್ಪಿದರೆ, ಕುಟುಂಬವು ವಿಮಾ ರಕ್ಷಣೆಯನ್ನು ಪಡೆಯುತ್ತದೆ. ಅಲ್ಲದೆ, ಸತ್ತವರ ಕನಿಷ್ಠ ಇಬ್ಬರು ಮಕ್ಕಳಿಗೆ ತಿಂಗಳಿಗೆ 100 ರೂಪಾಯಿ ವಿದ್ಯಾರ್ಥಿವೇತನ ಸಿಗಲಿದೆ.   

ಈ ಯೋಜನೆಯಡಿ, ಇಟ್ಟಿಗೆ ಗೂಡು ಕೆಲಸಗಾರರು, ಚಮ್ಮಾರರು, ಮೀನುಗಾರರು, ಕ್ಷೌರಿಕರು, ಬೀಡಿ ಕಾರ್ಮಿಕರು, ಕೈಮಗ್ಗ ನೇಕಾರರು, ಕರಕುಶಲ ಕುಶಲಕರ್ಮಿಗಳು, ಖಾದಿ ನೇಕಾರರು, ಚರ್ಮದ ಕಾರ್ಮಿಕರು, ಮಹಿಳಾ ಟೈಲರ್‌ಗಳು, ಪಾಪಡ್ ಕೆಲಸಗಾರರು, ಹಾಲು ಉತ್ಪಾದಕರು, ಆಟೋ ಚಾಲಕರು, ಸ್ವೀಪರ್‌ಗಳು, ಅರಣ್ಯ ಕೆಲಸಗಾರರು, ಕಾಗದ ಉತ್ಪಾದಕರು, ರೈತರು, ಅಂಗನವಾಡಿ ಶಿಕ್ಷಕರು, ಕಟ್ಟಡ ಕಾರ್ಮಿಕರು, ತೋಟ ಕಾರ್ಮಿಕರು ಹೂಡಿಕೆ ಮಾಡಬಹುದು.  

ಈ ಯೋಜನೆಯಲ್ಲಿ ಹೂಡಿಕೆ ಮಾಡಲು ನಿಮ್ಮ ವಯಸ್ಸು 18 ರಿಂದ 59 ವರ್ಷಗಳ ನಡುವೆ ಇರಬೇಕು. ಯೋಜನೆಗೆ ಅರ್ಜಿ ಸಲ್ಲಿಸುವಾಗ ನಾಮಿನಿಯ ಮಾಹಿತಿಯನ್ನು ನೀಡುವುದು ಬಹಳ ಮುಖ್ಯ. ಈ ಯೋಜನೆಯಡಿ, ವಾರ್ಷಿಕ 200 ರೂಗಳನ್ನು ಪ್ರೀಮಿಯಂ ಆಗಿ ಪಾವತಿಸಬೇಕು.   

ಈ ಯೋಜನೆಯಲ್ಲಿ ಹೂಡಿಕೆ ಮಾಡುವ ಜನರು ಜೀವ ವಿಮಾ ರಕ್ಷಣೆಯನ್ನು ಪಡೆಯುತ್ತಾರೆ.  ಕುಟುಂಬದ ಮುಖ್ಯಸ್ಥರು ನೈಸರ್ಗಿಕ ಕಾರಣಗಳಿಂದ ಸಾವನ್ನಪ್ಪಿದರೆ ಅಥವಾ ಅಪಘಾತದಿಂದ ಶಾಶ್ವತ ಅಥವಾ ಭಾಗಶಃ ಅಂಗವೈಕಲ್ಯ ಉಂಟಾದರೆ,  ಇಂತಹ ಪರಿಸ್ಥಿತಿಯಲ್ಲಿ, ಕುಟುಂಬವು ವಿಮಾ ರಕ್ಷಣೆಯನ್ನು ಪಡೆಯುತ್ತದೆ.   

ನೈಸರ್ಗಿಕ ಕಾರಣಗಳಿಂದ ಕುಟುಂಬದ ಮುಖ್ಯಸ್ಥ ಮೃತಪಟ್ಟರೆ, ಕುಟುಂಬವು 30,000 ರೂಪಾಯಿಗಳ ವಿಮಾ ಮೊತ್ತವನ್ನು ಪಡೆಯುತ್ತದೆ. ಇದಲ್ಲದೇ, ಆಕಸ್ಮಿಕವಾಗಿ ಸಾವನ್ನಪ್ಪಿದರೆ, 75000 ರೂ., ದೈಹಿಕ ವಿಕಲಚೇತನರಾದರೆ 75000 ರೂ., ಮಾನಸಿಕ ವಿಕಲಚೇತನರಿಗೆ 37500 ರೂ. ಸಿಗಲಿದೆ.