Weird Marriage Rituals: ಈ ದೇಶದಲ್ಲಿ ಮದುವೆಯಾಗಲು ಇನ್ನೊಬ್ಬರ ಹೆಂಡತಿಯನ್ನು ಕದಿಯಲಾಗುತ್ತದೆ!

ನಿಮಗೆ ಇದು ವಿಚಿತ್ರ ಅನಿಸಬಹುದು, ಆದರೂ ಇದು ಸತ್ಯ. ಆಫ್ರಿಕಾದಲ್ಲಿ ಒಂದು ಬುಡಕಟ್ಟು ಇದೆ, ಅಲ್ಲಿ ಜನರು ಮದುವೆಯಾಗಲು ಇತರರ ಹೆಂಡತಿಯರನ್ನು ಕದಿಯಬೇಕಾಗುತ್ತದೆ.

ನಾವು ಮಾತನಾಡುತ್ತಿರುವುದು ಆಫ್ರಿಕಾದ ವೊಡಾಬ್ಬೊ ಬುಡಕಟ್ಟಿನ ಬಗ್ಗೆ. ಈ ರೀತಿಯ ವಿವಾಹವು ಈ ಬುಡಕಟ್ಟಿನ ಸಂಪ್ರದಾಯದ ಭಾಗವಾಗಿದೆ. ಇಲ್ಲಿನ ಜನರು ಇತರರ ಹೆಂಡತಿಯರನ್ನು ಕದ್ದು ಅವರನ್ನು ಜೀವನ ಸಂಗಾತಿಯನ್ನಾಗಿ ಮಾಡಿಕೊಳ್ಳಬೇಕು.

ವರದಿಗಳ ಪ್ರಕಾರ ಈ ಬುಡಕಟ್ಟಿನಲ್ಲಿ ಮೊದಲ ಮದುವೆಯನ್ನು ಕುಟುಂಬ ಸದಸ್ಯರ ಒಪ್ಪಿಗೆಯೊಂದಿಗೆ ಮಾಡಲಾಗುತ್ತದೆ. ಆದರೆ 2ನೇ ಮದುವೆಗೆ ಸಂಬಂಧಿಸಿದಂತೆ ಸಂಪ್ರದಾಯದಲ್ಲಿ ಸ್ವಲ್ಪ ಟ್ವಿಸ್ಟ್ ಇದೆ. ಯಾರಾದರೂ ಇನ್ನೊಬ್ಬರನ್ನು ಮದುವೆಯಾಗಬಯಸಿದ್ರೆ, ಆತ ಇನ್ನೊಬ್ಬನ ಹೆಂಡತಿಯನ್ನು ಕದಿಯಬೇಕು. ಇದು ಆತನ ಕೈಲಿ ಸಾಧ್ಯವಾಗದಿದ್ದರೆ, ಆತ ಮತ್ತೆ ಮದುವೆಯಾಗುವ ಹಕ್ಕು ಪಡೆಯುವುದಿಲ್ಲ.

ಪ್ರತಿವರ್ಷ ಈ ಬುಡಕಟ್ಟುಗಳಲ್ಲಿ ಗೆರೆವೋಲ್ ಹಬ್ಬವನ್ನು ಆಯೋಜಿಸಲಾಗುತ್ತದೆ. ಈ ಹಬ್ಬದಲ್ಲಿ ಹುಡುಗರು ಮುಖಕ್ಕೆ ಬಣ್ಣ ಹಚ್ಚಿಕೊಂಡು ಅಲಂಕಾರ ಮಾಡಿಕೊಳ್ಳುತ್ತಾರೆ. ನಂತರ ಅವರು ಸಾಮೂಹಿಕ ಕಾರ್ಯಕ್ರಮದಲ್ಲಿ ಭಾಗವಹಿಸುತ್ತಾರೆ. ಅಲ್ಲಿ ಅವರು ಇನ್ನೊಬ್ಬ ವ್ಯಕ್ತಿಯ ಹೆಂಡತಿಯ ಮುಂದೆ ನೃತ್ಯ ಮಾಡುತ್ತಾ ಅವರನ್ನು ಓಲೈಸಲು ಪ್ರಯತ್ನಿಸುತ್ತಾರೆ.

ಆದರೆ ಇದಕ್ಕಾಗಿ ಆ ಮಹಿಳೆಯ ಪತಿಗೆ ತಿಳಿಯದಂತೆ ನೋಡಿಕೊಳ್ಳಬೇಕು. ವಿವಾಹಿತ ಮಹಿಳೆ ಪುರುಷನತ್ತ ಆಕರ್ಷಿತಳಾಗಿ ಮನೆ ಬಿಟ್ಟು ಓಡಿ ಹೋದರೆ ಸಮುದಾಯದ ಜನರು ಆಕೆಯನ್ನು ಕರೆತಂದು ಮದುವೆ ಮಾಡಿಸುತ್ತಾರೆ. ಇದಾದ ಬಳಿಕ ಇಬ್ಬರ ಮದುವೆಯನ್ನು ಪ್ರೇಮವಿವಾಹವೆಂದು ಒಪ್ಪಿಕೊಳ್ಳಲಾಗುತ್ತದೆ.