ಈ ಬಾರಿ ಧನತ್ರಯೋದಶಿಗೆ ಹೀಗೆ ಮಾಡಿ 13 ಪಟ್ಟು ಹೆಚ್ಚಾಗುವುದು ಧನ ಸಂಪತ್ತು !

ಬೆಂಗಳೂರು : ದೀಪಾವಳಿಯು ಹಿಂದೂ ಧರ್ಮದ ಪ್ರಮುಖ ಹಬ್ಬವಾಗಿದೆ.ದೀಪಾವಳಿ ಹಬ್ಬ ಧನತ್ರಯೋದಶಿಯಿಂದ ಪ್ರಾರಂಭವಾಗುತ್ತದೆ. ಮೂರನೇ ದಿನ ಲಕ್ಷ್ಮೀದೇವಿಯನ್ನು ಪೂಜಿಸುವ ಮೂಲಕ ದೀಪಾವಳಿಯನ್ನು ಆಚರಿಸಲಾಗುತ್ತದೆ.ಧನ ತ್ರಯೋದಶಿಯಂದು ಸಂಪತ್ತಿನ ಲಕ್ಷ್ಮೀಯನ್ನು ಪೂಜಿಸಲಾಗುತ್ತದೆ.ಲಕ್ಷ್ಮೀ ಪೂಜೆಗೂ ಮುನ್ನ ಕುಬೇರನನ್ನು ಆರಾಧಿಸಲಾಗುತ್ತದೆ.  ಇದಲ್ಲದೆ,ಈ ದಿನ ಆರೋಗ್ಯದ ಅಧಿಪತಿಯಾದ ಧನ್ವಂತರಿ ದೇವನನ್ನು ಪೂಜಿಸಲಾಗುತ್ತದೆ.ಧನ್ವಂತರಿ ದೇವರನ್ನು ಪೂಜಿಸುವುದರಿಂದ ಆರೋಗ್ಯ ಭಾಗ್ಯ ಲಭಿಸುತ್ತದೆ ಎನ್ನುವುದು ಧಾರ್ಮಿಕ ನಂಬಿಕೆ.ಕಾರ್ತಿಕ ಮಾಸದ ಕೃಷ್ಣ ಪಕ್ಷದ ತ್ರಯೋದಶಿ ದಿನಾಂಕವನ್ನು ಧನತ್ರಯೋದಶಿ ಎಂದು ಆಚರಿಸಲಾಗುತ್ತದೆ. ಈ ವರ್ಷ ಧನತ್ರಯೋದಶಿಯನ್ನು ಅಕ್ಟೋಬರ್ 29 ರಂದು ಆಚರಿಸಲಾಗುತ್ತದೆ.  

ಧನತ್ರಯೋದಶಿ ಪೂಜಾ ಮುಹೂರ್ತ :
ಪಂಚಾಂಗದ ಪ್ರಕಾರ, ಕಾರ್ತಿಕ ಮಾಸದ ಕೃಷ್ಣ ಪಕ್ಷದ ತ್ರಯೋದಶಿ ತಿಥಿಯು ಅಕ್ಟೋಬರ್ 29, 2024 ರಂದು ಬೆಳಿಗ್ಗೆ 10:31 ಕ್ಕೆ ಪ್ರಾರಂಭವಾಗುತ್ತದೆ ಮತ್ತು ಅಕ್ಟೋಬರ್ 30, 2024 ರಂದು ಮಧ್ಯಾಹ್ನ 01:15 ಕ್ಕೆ ಕೊನೆಗೊಳ್ಳುತ್ತದೆ. ಧಾ  ತ್ರಯೋದಶಿ ಪೂಜೆ ರಾತ್ರಿಯೇ ಮಾಡುವ ಕಾರಣ ಅಕ್ಟೋಬರ್ 29 ರಂದು  ಧನತ್ರಯೋದಶಿ ಆಚರಿಸಲಾಗುತ್ತದೆ.ಈ ವರ್ಷ,ಅಕ್ಟೋಬರ್ 29 ಸಂಜೆ 06:30 ರಿಂದ ರಾತ್ರಿ 08:12 ರವರೆಗೆ  ಧನ ತ್ರಯೋದಶಿ ಪೂಜೆಗೆ ಶುಭ ಸಮಯವಾಗಿದೆ.

ಇದನ್ನೂ ಓದಿ : ರಾಮ - ಕೃಷ್ಣ ತುಳಸಿಯ ಎರಡು ವಿಧ! ಮನೆಯ ಅದೃಷ್ಟ ಬೆಳಗಬೇಕಾದರೆ ಈ ತುಳಸಿಗೆಯೇ ಪೂಜೆ ಸಲ್ಲಿಸಿ !ತುಳಸಿ ಕಟ್ಟೆಗೆ ಈ ಇದೇ ಶ್ರೇಷ್ಠ

ಧಾರ್ಮಿಕ ಗ್ರಂಥಗಳ ಪ್ರಕಾರ, ದೇವತೆಗಳು ಮತ್ತು ರಾಕ್ಷಸರು ಸಾಗರವನ್ನು ಮಥಿಸುವಾಗ, ಕಾರ್ತಿಕ ಮಾಸದ ಕೃಷ್ಣ ಪಕ್ಷದ ತ್ರಯೋದಶಿ ದಿನಾಂಕದಂದು ಭಗವಾನ್ ಧನ್ವಂತರಿಯು ಅಮೃತದ ಮಡಕೆಯೊಂದಿಗೆ ಕಾಣಿಸಿಕೊಂಡರು ಎನ್ನುವುದು ನಂಬಿಕೆ. ಆದ್ದರಿಂದ, ಈ ದಿನ ಧನ್ವಂತರಿಯನ್ನು ಪೂಜಿಸಲಾಗುತ್ತದೆ. ಅಲ್ಲದೆ, ಈ ದಿನ ಚಿನ್ನ-ಬೆಳ್ಳಿ, ವಾಹನ ಮುಂತಾದ ಸಮೃದ್ಧ ವಸ್ತುಗಳನ್ನು ಖರೀದಿಸುವುದು ತುಂಬಾ ಮಂಗಳಕರವೆಂದು ಪರಿಗಣಿಸಲಾಗಿದೆ. ಈ ದಿನ  ಖರೀದಿಸಿದ ವಸ್ತುಗಳು ಸಮೃದ್ಧಿಯನ್ನು ಬಹುಪಟ್ಟು ಅಥವಾ 13 ಪಟ್ಟು ಹೆಚ್ಚಿಸುತ್ತವೆ ಎಂದು ನಂಬಲಾಗಿದೆ. ಧನತ್ರಯೋದಶಿ ದಿನದಂದು ಚಿನ್ನ, ಬೆಳ್ಳಿ, ತಾಮ್ರ ಮತ್ತು ಹಿತ್ತಾಳೆಯ ಪಾತ್ರೆಗಳನ್ನು ಖರೀದಿಸುವುದರಿಂದ ಮನೆಯಲ್ಲಿ ಸಂಪತ್ತು ಹೆಚ್ಚಾಗುತ್ತದೆ. 

ಇದಲ್ಲದೆ, ಈ ದಿನ ದೀಪಗಳನ್ನು ದಾನ ಮಾಡಲಾಗುತ್ತದೆ. ಇದು ಅಕಾಲಿಕ ಮರಣದ ಭಯವನ್ನು ನಿವಾರಿಸುತ್ತದೆ.

ಇದನ್ನೂ ಓದಿ : ಹಲ್ಲಿ ಬೀಳುವುದರ ಅರ್ಥವೇನು? ದೇಹದ ಈ ಭಾಗಗಳ ಮೇಲೆ ಹಲ್ಲಿ ಬಿದ್ದರೆ ಕೈ ಸೇರುತ್ತೆ ಅಪಾರ ಸಂಪತ್ತು... !