ಈ ರಾಶಿಯವರು ಚಿನ್ನ ಧರಿಸಿದರೆ ಅಂಟಿಕೊಳ್ಳುವುದು ದರಿದ್ರ . ! ಈ ರಾಶಿಯ ವರಿಗೆ ಮಾತ್ರ ಬಂಗಾರ ಬಲು ಅದೃಷ್ಟ

ಬೆಂಗಳೂರು : ಇವತ್ತಿನ ಒಂದು ದಿನ ಕಳೆದರೆ ಹೊಸ ವರ್ಷಕ್ಕೆ ಕಾಲಿಡುತ್ತೇವೆ.  2022 ರಲ್ಲಿ ಅನುಭವಿಸಿದ ಯಾವುದೇ ಕಷ್ಟ ಕೋಟಲೆಗಳು ಹೊಸ ವರ್ಷದಲ್ಲಿ ಬಾರದಿರಲಿ ಎನ್ನುವುದೇ ಪ್ರತಿಯೊಬ್ಬರ ಆಶಯವಾಗಿರುತ್ತದೆ. ಧಾರ್ಮಿಕ ನಂಬಿಕೆಯ ಪ್ರಕಾರ, ನಾವು ಜೀವನದಲ್ಲಿ ಅನುಭವಿಸುವ ಸುಖ ದುಃಖ ಏನೇ ಇರಲಿ ಅದಕ್ಕೂ ಗ್ರಹ ನಕ್ಷತ್ರ, ರಾಶಿಗಳಿಗೂ ಸಂಬಂಧವಿರುತ್ತದೆ. ಜಾತಕದಲ್ಲಿ  ಕಂಡು ಬರುವ ದೋಷ ನಿವಾರಣೆಗಾಗಿ ಪರಿಹಾರಗಳನ್ನು ಕೂಡಾ ಮಾಡಲಾಗುತ್ತದೆ. ರಾಶಿಗನುಗುಣವಾಗಿ ಕೆಲವು ವಸ್ತುಗಳನ್ನು ಧರಿಸಿದರೆ ಅದೃಷ್ಟ, ಕೆಲವನ್ನು ಧರಿಸಿದರೆ ಅಶುಭ ಎಂದು ಕೂಡಾ ಹೇಳಲಾಗುತ್ತದೆ. ಈ ಪ್ರಕಾರ ಕೆಲವು ರಾಶಿಯವರು ಚಿನ್ನ ಧರಿಸಿದರೆ ದರಿದ್ರ ಅಂಟಿಕೊಳ್ಳುತ್ತದೆಯಂತೆ.  ಇನ್ನು ಕೆಲವು ರಾಶಿಯವರು ಇದನ್ನೂ ಧರಿಸಿದರೆ ಅದೃಷ್ಟ ಕೈ ಹಿಡಿಯುತ್ತದೆ ಎಂದು ಹೇಳಲಾಗುತ್ತದೆ. 

ಚಿನ್ನವನ್ನು ಧರಿಸುವುದರಿಂದ ಗುರು ಗ್ರಹವು ಬಲಶಾಲಿಯಾಗಿ, ಜೀವನದಲ್ಲಿ ಸುಖ-ಸಮೃದ್ಧಿ ಮತ್ತು ಸಂಪತ್ತು-ವೈಭವ ಹೆಚ್ಚುತ್ತದೆ ಎಂದು ಹೇಳಲಾಗುತ್ತದೆ.  ಆದರೆ ಚಿನ್ನ ಎಲ್ಲಾ ರಾಶಿಯವರಿಗೂ ಹೊಂದುವುದಿಲ್ಲ ಎನ್ನುವುದನ್ನು ಕೂಡಾ ನೆನಪಿನಲ್ಲಿಟ್ಟುಕೊಳ್ಳಬೇಕು. 

ಇದನ್ನೂ ಓದಿ : 2023 Astro Updates : ಈ ಐದು ರಾಶಿಯವರಿಗೆ 2023 ಅದೃಷ್ಟ ತರುವ ವರ್ಷ

ಯಾರು ಚಿನ್ನವನ್ನು ಧರಿಸಬೇಕು ? :
ಧನು ರಾಶಿ, ಕರ್ಕ, ಸಿಂಹ ಮತ್ತು ಮೇಷ ರಾಶಿಯ ಜನರು ಚಿನ್ನವನ್ನು ಧರಿಸುವುದು ಅದೃಷ್ಟವೆಂದು ಪರಿಗಣಿಸಲಾಗುತ್ತದೆ. ಚಿನ್ನವನ್ನು ಧರಿಸುವುದರಿಂದ ದೇಹದ ವಿವಿಧ ಭಾಗಗಳ ಮೇಲೆ ವಿಭಿನ್ನ ಪರಿಣಾಮ ಬೀರುತ್ತದೆ. ಉದಾಹರಣೆಗೆ, ಕುತ್ತಿಗೆಗೆ ಚಿನ್ನವನ್ನು ಧರಿಸಿದರೆ, ಜಾತಕದ ಲಗ್ನದಲ್ಲಿ ಗುರುವು ತನ್ನ ಪ್ರಭಾವವನ್ನು ತೋರಿಸುತ್ತಾನೆ. ಕೈಯಲ್ಲಿ ಚಿನ್ನವನ್ನು ಧರಿಸಿದರೆ ಗುರು ಮೂರನೇ ಮನೆಯಲ್ಲಿ ಶಕ್ತಿಯ ಸೂಚಕವಾಗಿ ಫಲ ನೀಡುತ್ತಾನೆ.  

ಯಾರು ಚಿನ್ನವನ್ನು ಧರಿಸಬಾರದು? :
ವೃಶ್ಚಿಕ, ಮಿಥುನ, ವೃಷಭ, ಕುಂಭ ರಾಶಿಯವರು ಅಪ್ಪಿತಪ್ಪಿಯೂ ಚಿನ್ನವನ್ನು ಧರಿಸಬಾರದು ಎಂದು ರತ್ನ ಶಾಸ್ತ್ರ ಹೇಳುತ್ತದೆ. ತುಲಾ ಮತ್ತು ಮಕರ ರಾಶಿಯ ಜನರು ಕಡಿಮೆ ಪ್ರಮಾಣದಲ್ಲಿ ಚಿನ್ನವನ್ನು ಧರಿಸಬೇಕು. ಇನ್ನು ಕಲ್ಲಿದ್ದಲು ಮತ್ತು ಕಬ್ಬಿಣದ ವ್ಯಾಪಾರಿಯಾಗಿದ್ದರೆ, ಚಿನ್ನವನ್ನು ಧರಿಸಲೇ ಬಾರದು. ಯಾಕೆಂದರೆ ಈ  ವ್ಯಾಪಾರವು ಶನಿಯೊಂದಿಗೆ ನೇರ ಸಂಪರ್ಕ ಹೊಂದಿದೆ. ಗುರುಗ್ರಹದೊಂದಿಗೆ ಶನಿಯ ಸಂಬಂಧವು ಉತ್ತಮವಾಗಿಲ್ಲ. ಈ ಕಾರಣದಿಂದಾಗಿ ವ್ಯವಹಾರದಲ್ಲಿ ನಷ್ಟವನ್ನು ಅನುಭವಿಸಬೇಕಾಗಬಹುದು. ಮಾತ್ರವಲ್ಲ ಯಾರ ಜಾತಕದಲ್ಲಿ ಗುರುವಿನ ಸ್ಥಾನವು ಕೆಟ್ಟದಾಗಿರುತ್ತದೆಯೋ ಅವರು ಚಿನ್ನವನ್ನು ಧರಿಸಬಾರದು.

ಇದನ್ನೂ ಓದಿ : Palmistry: ನಿಮ್ಮ ಕೈಯಲ್ಲಿಯೂ ಈ ಚಿಹ್ನೆ ಇದೆಯಾ, ಇದ್ರೆ ನಿಮ್ಮದು ರಾಜಯೋಗ, ಧನ-ಸಂಪತ್ತಿನ ಕೊರತೆ ಎಂದಿಗೂ ಎದುರಾಗಲ್ಲ