Astro Tips: ವೈಭವ ಲಕ್ಷ್ಮಿ ವ್ರತವನ್ನು ಏಕೆ ಆಚರಿಸಲಾಗುತ್ತದೆ..?

ನವದೆಹಲಿ: ಸುಖ, ಸೌಭಾಗ್ಯ, ಪುತ್ರ ಸೌಭಾಗ್ಯ ಇತ್ಯಾದಿ ಇಷ್ಟಾರ್ಥಗಳನ್ನು ಪೂರೈಸಲು ಮಹಿಳೆಯರು ತಾಯಿ ವೈಭವ ಲಕ್ಷ್ಮಿದೇವಿಯ ವ್ರತವನ್ನು ಆಚರಿಸಬೇಕು. ಶುಕ್ರವಾರ ವೈಭವ ಲಕ್ಷ್ಮಿದೇವಿಯ ಉಪವಾಸವನ್ನು ಆಚರಿಸಲಾಗುತ್ತದೆ. ಇದನ್ನು ಪ್ರಾರಂಭಿಸುವಾಗ 11 ಅಥವಾ 21 ಶುಕ್ರವಾರದಂದು ವ್ರತವನ್ನು ಆಚರಿಸಲಾಗುತ್ತದೆ. ವ್ರತವನ್ನು ಪೂರ್ಣಗೊಳಿಸಿದ ನಂತರ ಕನಿಷ್ಠ 7 ಅಥವಾ 11, 21, 51, ಅಥವಾ 101 ಮಹಿಳೆಯರನ್ನು ಆಹ್ವಾನಿಸಿ ವೈಭವ ಲಕ್ಷ್ಮೀ ವ್ರತದ ಕಥೆಯನ್ನು ಪಠಿಸಬೇಕು. ಅವರಿಗೆ ಸಿಹಿ ತಿನ್ನಿಸಿದ ನಂತರ, ಕುಂಕುಮದ ತಿಲಕವನ್ನು ಹಚ್ಚಿ ತೆಂಗಿನಕಾಯಿ ಪ್ರಸಾದವನ್ನು ನೀಡಬೇಕು. ಈ ಉಪವಾಸವು ಅದೃಷ್ಟದ ಸಂಕೇತವಾಗಿದ್ದು, ಇದನ್ನು ಆಚರಿಸುವ ಮಹಿಳೆಯ ಮನೆಯಲ್ಲಿ ಧನ-ಧಾನ್ಯಗಳಿಗೆ ಯಾವುದೇ ಕೊರತೆಯಿರಲ್ಲ. ವೈಭವ ಲಕ್ಷ್ಮಿದೇವಿ ಉಪವಾಸದ ಕಥೆಯನ್ನು ತಿಳಿಯಿರಿ.

ಕಥೆಯ ಹಿನ್ನೆಲೆ ಬಗ್ಗೆ ತಿಳಿಯಿರಿ

ಹಿಂದೆ ಶೀಲಾ ಎಂಬ ಧಾರ್ಮಿಕ ಮಹಿಳೆ ವಾಸಿಸುತ್ತಿದ್ದಳು. ಆಕೆಯ ಪತಿ ಕೂಡ ಸಂವೇದನಾಶೀಲ ಮತ್ತು ದಯೆಯುಳ್ಳ ವ್ಯಕ್ತಿಯಾಗಿದ್ದರು. ಆದರೆ ಅವರು ಕೆಟ್ಟ ಸಹವಾಸದಲ್ಲಿ ಸಿಲುಕಿದರು, ಇದರಿಂದಾಗಿ ಅವರು ಮದ್ಯಪಾನದ ಜೊತೆಗೆ ಜೂಜಾಟ ಆಡಲು ಶುರುಮಾಡಿದರು. ಬಳಿಕ ಆಸ್ತಿಯನ್ನೆಲ್ಲ ಕಳೆದುಕೊಂಡು ಬೀದಿಗೆ ಬಂದರು. ಇಷ್ಟೆಲ್ಲ ಆದರೂ ಶೀಲಾ ದೇವರ ಪೂಜೆಯಲ್ಲಿ ನಿರತಳಾಗಿದ್ದಳು.

ಇದನ್ನೂ ಓದಿ: ರಾತ್ರಿ ಮಲಗುವ ಮುನ್ನ ಪಾದಗಳಿಗೆ ಎಣ್ಣೆ ಮಸಾಜ್‌ ಮಾಡುವುದರಿಂದಾಗುವ ಲಾಭಗಳ ಬಗ್ಗೆ ತಿಳಿದಿದೆಯೇ..?

ಒಂದು ದಿನ ಮಧ್ಯಾಹ್ನ ಯಾರೋ ಮನೆಯ ಬಾಗಿಲನ್ನು ತಟ್ಟಿದರು. ಬಾಗಿಲು ತೆರೆದಾಗ ಆಕೆ ತುಂಬಾ ಪ್ರಕಾಶಮಾನವಾದ ಮಹಿಳೆ ಅಲ್ಲಿ ನಿಂತಿರುವುದನ್ನು ಕಂಡನು. ಹೆಣ್ಣನ್ನು ಗೌರವದಿಂದ ಒಳಗೆ ಕರೆದು ಹಾಸಿಗೆ ಹಾಸಿ ಕೂರಿಸಿದರು. ಕುಳಿತ ಕೂಡಲೇ ಆ ಮಹಿಳೆ ಹೇಳಿದಳು, ‘ಶೀಲಾ ನೀನು ನನ್ನನ್ನು ಗುರುತಿಸಲಿಲ್ಲ’ ಎಂದು. ಆಗ ಶೀಲಾ, ‘ತಾಯಿ ನಿನ್ನನ್ನು ನೋಡಿದ ನಂತರ ನನಗೆ ಸಂತೋಷವಾಗಿದೆ. ಹೀಗಾಗಿ ನಾವು ಹುಡುಕುತ್ತಿರುವವರು ನೀವು ಎಂದು ತೋರುತ್ತದೆ, ಆದರೂ ನನಗೆ ಗುರುತಿಸಲಾಗಲಿಲ್ಲ’ವೆಂದು ಹೇಳಿದರು.

ಪ್ರತಿ ಶುಕ್ರವಾರ ನಾನು ಲಕ್ಷ್ಮಿದೇವಿ ದೇವಸ್ಥಾನಕ್ಕೆ ಕೀರ್ತನೆಗಾಗಿ ಬರುತ್ತೇನೆ ಎಂದು ಶೀಲಾ ಹೇಳಿದಳು. ಆದರೆ ಕೆಲ ದಿನಗಳಿಂದ ಪತಿಯ ವರ್ತನೆಯಿಂದ ಮನಸು ಕಲಕಿ ದೇವಸ್ಥಾನಕ್ಕೆ ಹೋಗಲೂ ಆಗಿರಲಿಲ್ಲ. ಆಗ ಆ ತಾಯಿ, ‘ನೀನು ಸುಂದರವಾಗಿ ಭಜನೆಗಳನ್ನು ಮಾಡುತ್ತೀಯ, ಆದರೆ ನೀನು ಬಹಳ ದಿನಗಳಿಂದ ಬಂದಿಲ್ಲ, ನಿನ್ನ ಯೋಗಕ್ಷೇಮ ವಿಚಾರಿಸಲು ಬಂದೆ” ಎಂದರು. ತಾಯಿಯ ಪ್ರೀತಿಯ ಮಾತುಗಳನ್ನು ಕೇಳಿದ ಶೀಲಾ ಅಳಲು ಶುರುಮಾಡಿ ತನ್ನ ಗಂಡನ ಕಥೆಯನ್ನೆಲ್ಲಾ ಹೇಳಿದಳು. ಈ ವೇಳೆ ತಾಯಿ ಶೀಲಾಗೆ ವೈಭವ ಲಕ್ಷ್ಮಿದೇವಿ ವ್ರತ ಆಚರಿಸಲು ಸೂಚಿಸಿ ವಿಧಾನವನ್ನು ತಿಳಿಸಿದರು.

ಇದನ್ನೂ ಓದಿ: ಮನೆಯ ಹಿತ್ತಲಲ್ಲಿ ಈ ಗಿಡಗಳು ಇದ್ದರೆ ಒಂದೇ ಒಂದು ಹಾವು ಕೂಡ ಆ ಕಡೆ ತಲೆ ಹಾಕಲ್ಲ!

ಶುಕ್ರವಾರ ಉಪವಾಸ ಮಾಡುವಾಗ, ಮುಂಭಾಗದ ವೇದಿಕೆಯ ಮೇಲೆ ಶುಭ್ರವಾದ ಬಟ್ಟೆಯನ್ನು ಹಾಸಬೇಕು. ನೀರು ತುಂಬಿದ ಕಲಶವನ್ನು ಬಟ್ಟಲಿನಿಂದ ಮುಚ್ಚಬೇಕು ಮತ್ತು ಬಟ್ಟಲಿನಲ್ಲಿ ಚಿನ್ನ, ಬೆಳ್ಳಿ ಅಥವಾ ಹಣವನ್ನು ಇಡಬೇಕು. ತುಪ್ಪದ ದೀಪವನ್ನು ಬೆಳಗಿಸಿ ಮತ್ತು ಲಕ್ಷ್ಮೀದೇವಿ ಮಂತ್ರವನ್ನು ಪಠಿಸಬೇಕು. ಒಂದು ಬಟ್ಟಲಿನಲ್ಲಿ ನಾಣ್ಯಗಳು, ಅರಿಶಿನ, ಕುಂಕುಮ, ಅಕ್ಷತೆ ಮತ್ತು ಕೆಂಪು ಹೂವುಗಳನ್ನು ಅರ್ಪಿಸಬೇಕು. 11 ಅಥವಾ 21 ಶುಕ್ರವಾರದಂದು ಉಪವಾಸ ಮಾಡುವುದರಿಂದ ಎಲ್ಲಾ ಇಷ್ಟಾರ್ಥಗಳು ಈಡೇರುತ್ತವೆಂದು ತಿಳಿಸಿದರು.

ಶೀಲಾ ಅಂದಿನಿಂದಲೇ ಭಕ್ತಿಯಿಂದ ಉಪವಾಸ ಮಾಡಲು ನಿರ್ಧರಿಸಿದಳು. ಮುಂದಿನ ಶುಕ್ರವಾರದಂದು ಲಕ್ಷ್ಮಿದೇವಿಯನ್ನು ಜಪಿಸುತ್ತಾ, ಅವಳು ವಿಧಿವಿಧಾನಗಳ ಪ್ರಕಾರ ಉಪವಾಸ ಮಾಡಿದಳು ಮತ್ತು ಪ್ರಸಾದವನ್ನು ತಿಂದು ತನ್ನ ಪತಿಗೆ ತಿನ್ನಿಸಿದಳು. ಮೊದಲ ದಿನ ಉಪವಾಸದ ಪ್ರಭಾವದಿಂದ ಪತಿಯ ಸ್ವಭಾವದಲ್ಲಿ ಬದಲಾವಣೆ ಕಂಡುಬಂದಿತು. 21 ಶುಕ್ರವಾರಗಳ ಉಪವಾಸದ ನಂತರ ಶೀಲಾಳ ಪತಿ ಸಂಪೂರ್ಣವಾಗಿ ಬದಲಾಯಿ ಒಳ್ಳೆಯ ಮನುಷ್ಯನಾದ. ಇದರಿಂದ ಖುಷಿಯಾದ ಶೀಲಾ ತಾಯಿ ಲಕ್ಷ್ಮಿದೇವಿಗೆ ಭಕ್ತಿಪೂರ್ವಕ ನಮನ ಸಲ್ಲಿಸಿದಳು.