ಒಂದೇ ಒಂದು ರನ್ ನೀಡದೆ 7 ವಿಕೆಟ್ ಉಡೀಸ್: ಟಿ20 ಕ್ರಿಕೆಟ್’ನಲ್ಲಿ ವಿಶ್ವದಾಖಲೆ ಬರೆದ 17ರ ಹರೆಯದ ಬೌಲರ್

Indonesian bowler Rohmalia Rohmalia: ಇಂಡೋನೇಷ್ಯಾದ ಬೌಲರ್ ರೊಹ್ಮಾಲಿಯಾ ರೊಹ್ಮಾಲಿಯಾ ಟಿ20 ಕ್ರಿಕೆಟ್‌’ನಲ್ಲಿ ಅಸಾಧಾರಣ ಬೌಲಿಂಗ್ ಮಾಡುವ ಮೂಲಕ ಹೊಸ ಇತಿಹಾಸ ನಿರ್ಮಿಸಿದ್ದಾರೆ. 17 ವರ್ಷದ ರೊಹ್ಮಾಲಿಯಾ 3.2 ಓವರ್‌’ಗಳಲ್ಲಿ ಯಾವುದೇ ರನ್ ನೀಡದೆ 7 ವಿಕೆಟ್ ಪಡೆದು ವಿಶ್ವದಾಖಲೆ ಮಾಡಿದ್ದಾರೆ.

ಇದನ್ನೂ ಓದಿ: ಒಂದು ಕಾಲದಲ್ಲಿ ಕುಟುಂಬ ನಿರ್ವಹಣೆಗೆ ಮೀಸಲಾಗಿದ್ದ ಮಹಿಳೆ ಇಂದು 800 ಕೋಟಿ ವ್ಯವಹಾರದ ಒಡತಿ ! ಇವರೇ ಎಂ ಎಸ್ ಧೋನಿ ಅತ್ತೆ ಶೀಲಾ ಸಿಂಗ್!

2021 ರಲ್ಲಿ ಐಸಿಸಿ ಮಹಿಳಾ ಟಿ20 ವಿಶ್ವಕಪ್ ಅರ್ಹತಾ ಪಂದ್ಯದಲ್ಲಿ ಫ್ರಾನ್ಸ್ ವಿರುದ್ಧ 4-2-3-7 ರಿಂದ ಅದ್ಭುಯ ಬೌಲಿಂಗ್ ಮಾಡಿದ ನೆದರ್ಲೆಂಡ್ಸ್‌’ನ ಫ್ರೆಡೆರಿಕ್ ಓವರ್‌ಡಿಕ್ ಹೆಸರಿನಲ್ಲಿ ಈ ದಾಖಲೆ ಇತ್ತು.

ಉದಯನ್ ಕ್ರಿಕೆಟ್ ಗ್ರೌಂಡ್‌’ನಲ್ಲಿ ನಡೆದ ಐದು ಪಂದ್ಯಗಳ ಸರಣಿಯ ಕೊನೆಯ T20I ನಲ್ಲಿ ರೊಹ್ಮಾಲಿಯಾ ರೊಹ್ಮಾಲಿಯಾ ಮಂಗೋಲಿಯಾ ವಿರುದ್ಧ ಬೌಲಿಂಗ್ ಮಾಡಿದರು. ರೊಹ್ಮಾಲಿಯಾ 3.2 ಓವರ್’ನಲ್ಲಿ 3 ಮೇಡನ್ ಸಹಿತ ಶೂನ್ಯ ರನ್ ಕೊಡುಗೆ ನೀಡಿ 7 ವಿಕೆಟ್ ಕಬಳಿಸಿದ್ದಾರೆ. ಅವರ ಅಸಾಮಾನ್ಯ ಪ್ರದರ್ಶನದೊಂದಿಗೆ ಇತಿಹಾಸವನ್ನು ಸೃಷ್ಟಿಸಿದರು.

ಇದನ್ನೂ ಓದಿ: Loksabha Election 2024 : ಬೆಂಗಳೂರಿನಲ್ಲಿ 20ನೇ ಬಾರಿ ಮತ ಚಲಾಯಿಸಿದ 86 ವೃದ್ಧ

ರೊಹ್ಮಾಲಿಯಾ ರೊಹ್ಮಾಲಿಯಾ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌’ನಲ್ಲಿ 7 ವಿಕೆಟ್ ಪಡೆದ ನಾಲ್ಕನೇ ಬೌಲರ್ ಎನಿಸಿಕೊಂಡಿದ್ದಾರೆ. 2019 ರಲ್ಲಿ ಮಾಲ್ಡೀವ್ಸ್ ವಿರುದ್ಧ ನೇಪಾಳದ ಅಂಜಲಿ ಚಂದ್  2.1 ಓವರ್’ನಲ್ಲಿ ಶೂನ್ಯ ರನ್ ನೀಡಿ 6 ವಿಕೆಟ್ ಕಿತ್ತಿದ್ದರು.

T20I ನಲ್ಲಿ ಅತ್ಯುತ್ತಮ ಬೌಲಿಂಗ್ ಅಂಕಿಅಂಶ (ಪುರುಷರು ಮತ್ತು ಮಹಿಳೆಯರು)

ರೊಹ್ಮಾಲಿಯಾ ರೊಹ್ಮಾಲಿಯಾ (ಇಂಡೋನೇಷ್ಯಾ ಮಹಿಳೆಯರು): 3.2 ಓವರ್, 3 ಮೇಡನ್, ಶೂನ್ಯ ರನ್, 7 ವಿಕೆಟ್ vs  ಮಂಗೋಲಿಯಾ, 2024

ಫ್ರೆಡ್ರಿಕ್ ಓವರ್ಡಿಜ್ಕ್ (ನೆದರ್ಲ್ಯಾಂಡ್ಸ್ ಮಹಿಳೆಯರು): ಫ್ರಾನ್ಸ್ ವಿರುದ್ಧ 4 ಓವರ್ -2 ಮೇಡನ್ -3 ರನ್ -7 ವಿಕೆಟ್, 2021

ಅಲಿಸನ್ ಸ್ಟಾಕ್ಸ್ (ಅರ್ಜೆಂಟೀನಾ ಮಹಿಳೆಯರು): 3.4 ಓವರ್ -0 ಮೇಡನ್ -3 ರನ್ -7 ವಿಕೆಟ್ ಪೆರು ವಿರುದ್ಧ, 2022

ಸೈಜ್ರುಲ್ ಎಜತ್ ಇದ್ರಾಸ್ (ಮಲೇಷ್ಯಾ ಪುರುಷರು): 4 ಓವರ್ -1 ಮೇಡನ್ -8 ರನ್ -7 ವಿಕೆಟ್ ಚೀನಾ ವಿರುದ್ಧ, 2023