ಪೋಸ್ಟ್ ಶೇರ್ ಮಾಡಿ “ಗುಡ್ ನ್ಯೂಸ್…” ಎಂದ ಅನುಷ್ಕಾ ಶರ್ಮಾ: 2ನೇ ಮಗುವಿಗೆ ತಾಯಿಯಾಗ್ತಿರೋದು ಕನ್ಫರ್ಮ್!

Anushka Sharma Post: ನವೆಂಬರ್ 19, 2023... ಇಂದಿಗೆ ಸರಿಯಾಗಿ ಒಂದು ತಿಂಗಳ ಹಿಂದೆ, ಭಾರತವು ಅಹಮದಾಬಾದ್‌’ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಏಕದಿನ ಕ್ರಿಕೆಟ್ ವಿಶ್ವಕಪ್‌’ನ ಅಂತಿಮ ಪಂದ್ಯದಲ್ಲಿ ಸೋಲನ್ನು ಅನುಭವಿಸಿತ್ತು, ಈ ಮೂಲಕ 12 ವರ್ಷಗಳ ಬಳಿಕ ಟ್ರೋಫಿ ಎತ್ತಿಹಿಡಿಯಬೇಕೆನ್ನುವ ಕನಸು ಭಗ್ನಗೊಂಡಿತ್ತು.

ಇದನ್ನೂ ಓದಿ:  IPL ಇತಿಹಾಸದಲ್ಲೇ ಅತ್ಯಂತ ದುಬಾರಿ ಬೆಲೆಗೆ ಈ ಆಟಗಾರ ಬಿಕರಿ: SRHಗೆ ಎಂಟ್ರಿಕೊಟ್ಟ ವಿಶ್ವಕಪ್ ಹೀರೋ

ರೋಹಿತ್ ಶರ್ಮಾ ನಾಯಕತ್ವದ 'ಬ್ಲೂ ಬ್ರಿಗೇಡ್' ವಿಶ್ವಕಪ್ ಗೆಲ್ಲುತ್ತದೆ ಎಂದು ಭಾರತೀಯ ಅಭಿಮಾನಿಗಳು ನಿರೀಕ್ಷಿಸಿದ್ದರು. ಆದರೆ ನಿರಾಸೆಯಾಯಿತು. ವಿಶ್ವ ಪ್ರಶಸ್ತಿಯ ಸಮೀಪ ಬಂದರೂ ಆಸೀಸ್ ಮುಂದೆ ಮಂಡಿಯೂರಿದ ಭಾರತ, ಕಪ್ ಕಳೆದುಕೊಂಡಿತು. ಮೈದಾನದಲ್ಲಿ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಸೇರಿದಂತೆ ಟೀಂ ಇಂಡಿಯಾದ ಆಟಗಾರರು ಕಣ್ಣೀರು ಸುರಿಸಿದ್ದರು.

ವಿಶ್ವಕಪ್ ನೋವಿನ ಬಳಿಕ ವಿರುಷ್ಕಾ ಸಾಮಾಜಿಕ ಜಾಲತಾಣಗಳಿಂದ ಅಂತರ ಕಾಯ್ದುಕೊಂಡಿದ್ದರು. ಕೆಲವು ವೃತ್ತಿಪರ ಜವಾಬ್ದಾರಿಗಳ ಹೊರತಾಗಿ, ಬೇರಾವುದೇ ಪೋಸ್ಟ್ ಹಂಚಿಕೊಂಡಿರಲಿಲ್ಲ. ಆದರೆ ಇದೀಗ ಅನುಷ್ಕಾ ಶರ್ಮಾ ಶೇರ್ ಮಾಡಿರುವ ಒಂದು ಪೋಸ್ಟ್ ಭಾರೀ ಸುದ್ದಿಯಾಗುತ್ತಿದೆ.

ಕಳೆದ ಕೆಲವು ತಿಂಗಳಿಂದ ಅನುಷ್ಕಾ ಎರಡನೇ ಬಾರಿಗ ಗರ್ಭಿಣಿಯಾಗಿದ್ದಾರೆ ಎಂಬೆಲ್ಲಾ ಊಹಾಪೋಹಗಳು ಹರಿದಾಡುತ್ತಿವೆ. ಇದೀಗ ಅನುಷ್ಕಾ ಸಾಮಾಜಿಕ ಜಾಲತಾಣದಲ್ಲಿ ಹೊಸ ಪೋಸ್ಟ್ ಅಪ್ಲೋಡ್ ಮಾಡಿದ್ದಾರೆ. ಆ ವೀಡಿಯೋ ನೋಡಿದ ಅಭಿಮಾನಿಗಳು ‘ಅನುಷ್ಕಾ ಎರಡನೇ ಬಾರಿಗೆ ತಾಯಿಯಾಗುವ ಊಹಾಪೋಹಕ್ಕೆ ತೆರೆ ಎಳೆದಿದ್ದಾರೆ. ವಿರುಷ್ಕಾ ಜೋಡಿ 2ನೇ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ” ಎಂದು ಹೇಳುತ್ತಿದ್ದಾರೆ.

View this post on Instagram

A post shared by AnushkaSharma1588 (@anushkasharma)

ಇದನ್ನೂ ಓದಿ: ಐಪಿಎಲ್ ಇತಿಹಾಸದ ಮೊದಲ ಮಹಿಳಾ ಹರಾಜುಗಾರ್ತಿ ಯಾರು ಗೊತ್ತಾ?

ಕೆಲವು ತಿಂಗಳ ಹಿಂದೆ ಮುಂಬೈನ ಹೆರಿಗೆ ಚಿಕಿತ್ಸಾಲಯದ ಹೊರಗೆ ಅನುಷ್ಕಾ ಕಾಣಿಸಿಕೊಂಡಿದ್ದರು. ಆದರೆ, ಅನುಷ್ಕಾ ಅವರ ಕೋರಿಕೆಯ ಮೇರೆಗೆ ಆ ಸಮಯದಲ್ಲಿ ಅವರ ಫೋಟೋ ಸೆರೆಹಿಡಿದಿರಲಿಲ್ಲ. ಅದಾದ ಬಳಿಕ ಅನೇಕ ಸಡಿಲವಾದ ಬಟ್ಟೆಗಳನ್ನು ಧರಿಸಿರುವುದನ್ನು ಗಮನಿಸಲಾಗಿತ್ತು. ಇದೀಗ ಈ ಪೋಸ್ಟ್ ಮೂಲಕ ಅಧಿಕೃತ ಘೋಷಣೆ ಮಾಡಿದ್ದಾರಾ? ಅಥವಾ ಕೇವಲ ಜಾಹೀರಾತು ಉದ್ದೇಶವೋ ಎಂಬುದು ಸ್ಪಷ್ಟವಾಗಿಲ್ಲ. ಆದ್ರೆ ಫ್ಯಾನ್ಸ್ ಮಾತ್ರ ಸಂತೋಷದಿಂದ ನಾನಾ ರೀತಿಯ ಪ್ರತಿಕ್ರಿಯೆಗಳನ್ನು ನೀಡುತ್ತಿದ್ದಾರೆ.