1 ಓವರ್’ನಲ್ಲಿ 52 ರನ್… 20 ಓವರ್’ಗೆ 427 ಸ್ಕೋರ್..! ಕ್ರಿಕೆಟ್ ಇತಿಹಾಸದಲ್ಲಿ ಹೊಸ ದಾಖಲೆ ಬರೆದೇಬಿಡ್ತು ಈ ತಂಡ

T20 Cricket Record: ಅರ್ಜೆಂಟೀನಾ ಮತ್ತು ಚಿಲಿ ನಡುವೆ ಮಹಿಳಾ ಟಿ20 ಕ್ರಿಕೆಟ್ ಲೀಗ್‌’ನ ಪಂದ್ಯ ನಡೆದಿದ್ದು, ಈ ಸಂದರ್ಭದಲ್ಲಿ ಹೊಸ ದಾಖಲೆ ನಿರ್ಮಾಣವಾಗಿದೆ. ಅರ್ಜೆಂಟೀನಾ ಮಹಿಳಾ ಕ್ರಿಕೆಟ್ ತಂಡ 20 ಓವರ್‌’ಗಳಲ್ಲಿ ಬರೋಬ್ಬರಿ 427 ರನ್ ಕಲೆ ಹಾಕಿ ಇತಿಹಾಸ ಸೃಷ್ಟಿಸಿದೆ.

ಇದನ್ನೂ ಓದಿ: Navratri 2023: ನವರಾತ್ರಿಯ ಶುಭ ದಿನಗಳಲ್ಲಿ ಈ ಕೆಲಸಗಳನ್ನು ಅಪ್ಪಿತಪ್ಪಿಯೂ ಮಾಡಬೇಡಿ

 ಅರ್ಜೆಂಟೀನಾ ವನಿತೆಯರ ಕ್ರಿಕೆಟ್ ತಂಡ ಒಂದೇ ಓವರ್‌’ನಲ್ಲಿ 52 ರನ್ ಬಾರಿಸಿದೆ. ಇನ್ನು ಒಟ್ಟಾರೆ 20 ಓವರ್‌’ಗಳಿಗೆ ಬರೋಬ್ಬರಿ 427 ರನ್ ಕಲೆಹಾಕಿ ಟಿ20 ಕ್ರಿಕೆಟ್‌ ಇತಿಹಾಸದಲ್ಲಿ ಅಚ್ಚರಿಯ ಹಲವು ದಾಖಲೆಗಳನ್ನು ಬರೆದಿದೆ.

ಅರ್ಜೆಂಟೀನಾದ ನ್ಯೂಲಸ್ ಐರಿಸ್‌’ನಲ್ಲಿ ಅಕ್ಟೋಬರ್ 13ರಂದು ಅರ್ಜೆಂಟೀನಾ ಮತ್ತು ಚಿಲಿ ವನಿತೆಯರ ತಂಡಗಳ ಪಂದ್ಯ ನಡೆದಿತ್ತು.  

ಇದನ್ನೂ ಓದಿ: ಸನಾ ಗಂಗೂಲಿ-ಸಾರಾ ತೆಂಡೂಲ್ಕರ್ ಓದುತ್ತಿರುವ ಕಾಲೇಜಿನ ಫೀಜ್ ಎಷ್ಟು ಗೊತ್ತಾ?

64 ನೋ ಬಾಲ್‌ ಎಸೆದ ಚಿಲಿ ವನಿತೆಯರ ತಂಡ!

ಅರ್ಜೆಂಟೀನಾ ವಿರುದ್ಧ ಚಿಲಿ ವನಿತೆಯರ ತಂಡ ಬರೋಬ್ಬರಿ 73 ಹೆಚ್ಚುವರಿ ಎಸೆತಗಳನ್ನು ಎಸೆದಿದೆ. 10.4 ಓವರ್‌’ಗಳಷ್ಟು ಅಂದರೆ ಸುಮಾರು 64 ಎಸೆತಗಳು ಕೇವಲ ನೋಬಾಲ್‌’ಗಳನ್ನೇ ಎಸೆದಿದೆ. ಇನ್ನು 1 ಲೆಗ್ ಬೈಸ್ ಹಾಗೂ 8 ವೈಡ್‌’ಗಳು ಇದರಲ್ಲಿ ಸೇರಿದ್ದು, ಈ ಮೂಲಕ ಅತಿ ಹೆಚ್ಚು ನೋಬಾಲ್‌’ಗಳು ಹಾಕಿದ ತಂಡ ಎಂಬ ಅಪಖ್ಯಾತಿಗೆ ಪಾತ್ರವಾಗಿದೆ.