“ಆತ ಮೂರ್ಖ. ಅನರ್ಹ ಮತ್ತು ಅಯೋಗ್ಯ”: 20 ತಿಂಗಳ ಬಳಿಕ ತಂಡಕ್ಕೆ ಮರಳಿದ ಸ್ಟಾರ್ ಸ್ಪಿನ್ನರ್ ಬಗ್ಗೆ ಮಾಜಿ ಕ್ರಿಕೆಟರ್ ಕಮೆಂಟ್!

Laxman Sivaramakrishnan on R Ashwin: ಇನ್ನೇನು ಮೂರು ದಿನಗಳಲ್ಲಿ ವಿಶ್ವಕಪ್ 2023ರ ಮಹಾಟೂರ್ನಿ ಪ್ರಾರಂಭವಾಗಲಿದೆ, ಆತಿಥ್ಯ ವಹಿಸಿರುವ ಭಾರತ 12 ವರ್ಷಗಳ ಬಳಿಕ ಟ್ರೋಫಿ ಗೆಲ್ಲಲು ಭರ್ಜರಿ ತಯಾರಿ ನಡೆಸಿದೆ. ಇನ್ನು ವಿಶ್ವಕಪ್’ಗಾಗಿ ಟೀಂ ಇಂಡಿಯಾ ಮೊದಲ ಬಾರಿ ತಂಡ ಪ್ರಕಟ ಮಾಡಿತ್ತು. ಆದರೆ ಆ ಬಳಿಕ ಪರಿಷ್ಕೃತ ತಂಡವನ್ನು ಮರುಪ್ರಕಟ ಮಾಡಿ, ಅಕ್ಸರ್ ಪಟೇಲ್ ಬದಲಿಗೆ, ಆರ್ ಅಶ್ವಿನ್ ಅವರಿಗೆ ಸ್ಥಾನ ನೀಡಲಾಗಿದೆ ಎಂದು ಘೋಷಿಸಲಾಯಿತು.

ಇದನ್ನೂ ಓದಿ: Virat Kohli: ವಿಶ್ವಕಪ್ ಆರಂಭಕ್ಕೂ ಮುನ್ನ ಭಾರತ ತಂಡ ಬಿಟ್ಟು ಹೊರನಡೆದ ವಿರಾಟ್ ಕೊಹ್ಲಿ!

ಇನ್ನು ಟೀಂ ಇಂಡಿಯಾ ಮಂಡಳಿಯ ಈ ನಿರ್ಧಾರದ ವಿರುದ್ಧ ಅನೇಕ ಕ್ರಿಕೆಟ್ ದಿಗ್ಗಜರು ಅಸಮಾಧಾನ ವ್ಯಕ್ತಪಡಿಸಿದ್ದರು, ಈ ಹಿಂದೆ, ಅಶ್ವಿನ್ ಆಯ್ಕೆ ಸಮಂಜಸವಲ್ಲ, ಸುಂದರ್’ಗೆ ಆ ಅವಕಾಶ ನೀಡಬೇಕಿತ್ತು ಎಂದು ಭಾರತದ ಮಾಜಿ ಕ್ರಿಕೆಟಿಗ ಯುವರಾಜ್ ಸಿಂಗ್ ಕೂಡ ಪ್ರತಿಕ್ರಿಯಿಸಿದ್ದರು. ಈ ಬೆನ್ನಲ್ಲೇ ಮಾಜಿ ಕ್ರಿಕೆಟಿಗ ಲಕ್ಷ್ಮಣ್ ಶಿವರಾಮಕೃಷ್ಣನ್ ಕಟುವಾಗಿ ಪ್ರತಿಕ್ರಿಯೆ ನೀಡಿದ್ದಾರೆ

2017ರ ಬಳಿಕ 2022ರಲ್ಲಿ, ಆ ನಂತರ 2023ರ ಆಸ್ಟ್ರೇಲಿಯಾ ಎದುರು ಏಕದಿನ ಕ್ರಿಕೆಟ್​’ಗೆ ಮರಳಿರುವ ಅಶ್ವಿನ್ ಬಗ್ಗೆ, ಮೂರ್ಖ ಮತ್ತು ಅಯೋಗ್ಯ ಎಂದು ಹೇಳಿಕೆ ನೀಡುವ ಮೂಲಕ ಕಿಡಿಕಾರಿದ್ದಾರೆ. ಇದೀಗ ಲಕ್ಷ್ಮಣ್ ಶಿವರಾಮಕೃಷ್ಣನ್ ಹೇಳಿಕೆ ಭಾರಿ ವಿವಾದ ಸೃಷ್ಟಿಸಿದೆ.

ಮೊದಲ ಬಾರಿ ಪ್ರಕಟಗೊಂಡ ತಂಡದಲ್ಲಿ ಅಶ್ವಿನ್ ಸ್ಥಾನ ಪಡೆದಿರಲಿಲ್ಲ. ಆದರೆ ಆ ಬಳಿಕ ಪ್ರಕಟಿಸಿದ ಪಟ್ಟಿಯಲ್ಲಿ ಅವರಿಗೆ ಅವಕಾಶ ನೀಡಲಾಗಿತ್ತು. ಈ ಮೂಲಕ 20 ತಿಂಗಳ ನಂತರ ಏಕದಿನ ತಂಡದಲ್ಲಿ ಅಶ್ವಿನ್ ಸ್ಥಾನ ಪಡೆದಿದ್ದಾರೆ.

“ವಿದೇಶಿ ಪಿಚ್​​’ಗಳಲ್ಲಿ ಅವರ ದಾಖಲೆಗಳು ಹೇಗಿವೆ ನೋಡಿ..”

“ಭಾರತದ ಆಟಗಾರರು ನಮ್ಮ ಪಿಚ್’​​ಗಳಲ್ಲಿ ಆಡಲು ಪರದಾಡುತ್ತಿದ್ದಾರೆ. ಏಕೆಂದರೆ ಈ ಪಿಚ್’​ಗಳನ್ನು ಅಶ್ವಿನ್ ಟೆಸ್ಟ್’​​ನಲ್ಲಿ ವಿಕೆಟ್ ಪಡೆಯಲು ವಿನ್ಯಾಸಗೊಳಿಸಲಾಗಿದೆ” ಎಂದು ಶಿವರಾಮಕೃಷ್ಣನ್ ವ್ಯಂಗ್ಯವಾಡಿದ್ದಾರೆ. “ಅವರು ಭಾರತದ ಯಾವುದೇ ಮೈದಾನದ ಪಿಚ್’​​​ನಲ್ಲಿ ವಿಕೆಟ್​ ಪಡೆಯಬಹುರು. ಆದರೆ ವಿದೇಶಿ ಪಿಚ್​​’ಗಳಲ್ಲಿ ಅವರ ದಾಖಲೆಗಳು ಹೇಗಿವೆ ಎಂದು ನೋಡಿ. ನೇರವಾಗಿ ವಿಮಾನ ನಿಲ್ದಾಣದಿಂದ ಗ್ರೌಂಡ್​ ಸ್ಟಾಫ್ ಬಳಿ ಹೋಗಿ ಎಲ್ಲೆಲ್ಲಿ  ಟ್ಯಾಂಪರ್ ಮಾಡಬೇಕೆಂದು ಹೇಳುತ್ತಾನೆ. ಅದಕ್ಕೆ ತಕ್ಕಂತೆ ಪಿಚ್ ಸಿದ್ಧಪಡಿಸಿಕೊಳ್ಳಲಿದ್ದಾರೆ. ನಾನು ಇದನ್ನು ನಾನು ಹಲವು ಬಾರಿ ಕಣ್ಣಾರೆ ಕಂಡಿದ್ದೇನೆ” ಎಂದು ವಿವಾದದ ಹೇಳಿಕೆ ನೀಡಿದ್ದಾರೆ.

ಇದಷ್ಟೇ ಅಲ್ಲದೆ, ಮಾತು ಮುಂದುವರೆಸಿದ ಶಿವರಾಮಕೃಷ್ಣನ್, “ಭಾರತದ ಪಿಚ್​​’ನಲ್ಲಿ ಯಾವ ಮೂರ್ಖ ಬೇಕಾದರೂ ವಿಕೆಟ್ ಪಡೆಯುತ್ತಾನೆ. ಆತ ಮೂರ್ಖ. ಅನರ್ಹ ಮತ್ತು ಅಯೋಗ್ಯ. ಯಾರೂ ಇಲ್ಲದಕ್ಕೆ ಅಶ್ವಿನ್​’ಗೆ ಅವಕಾಶ ಸಿಕ್ಕಿದೆ. ಫೀಲ್ಡಿಂಗ್ ಸರಿಯಾಗಿಲ್ಲ. ಫಿಟ್​’ನೆಸ್ ಇಲ್ಲ. ಮೋಸ್ಟ್​ ಅನ್​ಫಿಟ್ ಕ್ರಿಕೆಟರ್”​ ಎಂದು ಟ್ವೀಟ್ ಮಾಡಿದ್ದಾರೆ.