2021-22 ನೇ ಸಾಲಿನ ದೇಶೀಯ ಕ್ರಿಕೆಟ್ ವೇಳಾಪಟ್ಟಿಯನ್ನು ಪ್ರಕಟಿಸಿದ ಬಿಸಿಸಿಐ

ನವದೆಹಲಿ: ಮುಂಬರುವ 2021-22 ದೇಶೀಯ ಕ್ರಿಕೆಟ್ ಋತುವಿನ ವೇಳಾಪಟ್ಟಿಯನ್ನು ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಶನಿವಾರ ಪ್ರಕಟಿಸಿದೆ.

ಈ ವರ್ಷದ ಸೆಪ್ಟೆಂಬರ್ 21 ರಿಂದ ಮಹಿಳಾ ಏಕದಿನ ಲೀಗ್‌ನೊಂದಿಗೆ ದೇಶೀಯ ಕ್ರಿಕೆಟ್ ಋತು ಪ್ರಾರಂಭವಾಗಲಿದೆ. ಭಾರತದ ದೇಶೀಯ ಟ್ವೆಂಟಿ -20 ಲೀಗ್ - ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ-ಅಕ್ಟೋಬರ್ 20 ರಂದು ಆರಂಭವಾಗಿ ಫೈನಲ್ ಪಂದ್ಯ ನವೆಂಬರ್ 12 ರಂದು ಮುಗಿಯಲಿದೆ. ಬಿಸಿಸಿಐ (BCCI) ತನ್ನ ಮಾಧ್ಯಮ ಹೇಳಿಕೆಯಲ್ಲಿ ರಣಜಿ ಟ್ರೋಫಿಯನ್ನು ನವೆಂಬರ್ 2021 ರಿಂದ ಫೆಬ್ರವರಿ 2022 ವರೆಗೆ ಮೂರು ತಿಂಗಳ ಅವಧಿಯಲ್ಲಿ ಆಡಲಾಗುವುದು ಎಂದು ಹೇಳಿದೆ.