Vijay Hazare Trophy: ವಿಶ್ವದ ಶ್ರೀಮಂತ T20 ಲೀಗ್ IPL ನ ಮುಂದಿನ ಋತುವಿನ (IPL-2023) ಮೊದಲು ಅನೇಕ ತಂಡಗಳು ಬದಲಾವಣೆಗಳನ್ನು ಮಾಡಿವೆ. ಮಿನಿ ಹರಾಜಿನ ಮೊದಲು ಕೆಲವು ಆಟಗಾರರನ್ನು ಬಿಡುಗಡೆ ಮಾಡಿದ ಚೆನ್ನೈ ಸೂಪರ್ ಕಿಂಗ್ಸ್ ಕೂಡ ಈ ಪಟ್ಟಿಯಲ್ಲಿ ಸೇರಿದೆ. ಅನುಭವಿ ಮಹೇಂದ್ರ ಸಿಂಗ್ ಧೋನಿ ನಾಯಕತ್ವದ ತಂಡವು ವಿಜಯ್ ಹಜಾರೆ ಟ್ರೋಫಿ-2022 ರಲ್ಲಿ ಬ್ಯಾಟ್‌ನಿಂದ ಅದ್ಭುತಗಳನ್ನು ಮಾಡುತ್ತಿರುವ ಆಟಗಾರನನ್ನು ಬಿಡುಗಡೆ ಮಾಡಿದೆ. ಅವರ ಹೆಸರು ನಾರಾಯಣ ಜಗದೀಶ್.


COMMERCIAL BREAK
SCROLL TO CONTINUE READING

ಇದನ್ನೂ ಓದಿ: Arecanut Today Price: ರಾಜ್ಯದ ಅಡಿಕೆ ಮಾರುಕಟ್ಟೆಯ ಇಂದಿನ ಧಾರಣೆ ಹೇಗಿದೆ ತಿಳಿಯಿರಿ


ನಾಲ್ಕು ಬಾರಿ ಐಪಿಎಲ್ ಪ್ರಶಸ್ತಿ ವಿಜೇತ ತಂಡವಾದ ಚೆನ್ನೈ ಸೂಪರ್ ಕಿಂಗ್ಸ್ ಮಿನಿ ಹರಾಜಿಗೂ ಮುನ್ನ ಎನ್ ಜಗದೀಶನ್ ಅವರನ್ನು ಬಿಡುಗಡೆ ಮಾಡಲು ನಿರ್ಧರಿಸಿದೆ. ವಿಜಯ್ ಹಜಾರೆ ಟ್ರೋಫಿಯಲ್ಲಿ ರನ್ ಗಳಿಸುವ ವೇಳೆ ಜಗದೀಶ್ 5 ಪಂದ್ಯಗಳಲ್ಲಿ ನಾಲ್ಕನೇ ಶತಕ ದಾಖಲಿಸಿದ್ದಾರೆ. ಈ ಮೂಲಕ ಜಗದೀಶ್ ಟೀಂ ಇಂಡಿಯಾ ಮಾಜಿ ನಾಯಕ ವಿರಾಟ್ ಕೊಹ್ಲಿ ದಾಖಲೆಯನ್ನು ಮುರಿಯುವ ಸನಿಹಕ್ಕೆ ಬಂದಿದ್ದರು. ತಮಿಳುನಾಡು ಪರ ಆಡುತ್ತಿರುವ 26 ವರ್ಷದ ಜಗದೀಶನ್ ಸತತ ನಾಲ್ಕನೇ ಶತಕ ಬಾರಿಸಿದ್ದಾರೆ. ಶನಿವಾರ ಹರಿಯಾಣ ವಿರುದ್ಧ ನಡೆದ ಪಂದ್ಯದಲ್ಲಿ 128 ರನ್‌ಗಳ ಅದ್ಭುತ ಇನ್ನಿಂಗ್ಸ್ ಆಡಿದ್ದರು.


ತಮಿಳುನಾಡು 151 ರನ್‌ಗಳ ಜಯ ಸಾಧಿಸಿತು:


ಆಲೂರಿನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಹರಿಯಾಣ ನಾಯಕ ಹಿಮಾಂಶು ರಾಣಾ ತಮಿಳುನಾಡು ತಂಡವನ್ನು ಬ್ಯಾಟಿಂಗ್ ಮಾಡಲು ಆಹ್ವಾನಿಸಿದರು. ವಿಕೆಟ್ ಕೀಪರ್ ಬ್ಯಾಟ್ಸ್‌ಮನ್ ಎನ್ ಜಗದೀಶನ್ ಆರಂಭಿಕ ಜವಾಬ್ದಾರಿಯನ್ನು ವಹಿಸಿಕೊಂಡರು ಮತ್ತು ಸಾಯಿ ಸುದರ್ಶನ್ ಅವರೊಂದಿಗೆ ಮೊದಲ ವಿಕೆಟ್‌ಗೆ 151 ರನ್ ಜೊತೆಯಾಟವಾಡಿದರು. ಜಗದೀಶನ್ 123 ಎಸೆತಗಳಲ್ಲಿ 6 ಬೌಂಡರಿ ಹಾಗೂ ಸಿಕ್ಸರ್‌ಗಳನ್ನು ಸಿಡಿಸಿದ್ದರು. ಅದೇ ಸಮಯದಲ್ಲಿ, ಸುದರ್ಶನ್ 74 ಎಸೆತಗಳಲ್ಲಿ 5 ಬೌಂಡರಿ ಮತ್ತು ಒಂದು ಸಿಕ್ಸರ್ ಸಹಾಯದಿಂದ 67 ರನ್ ಕೊಡುಗೆ ನೀಡಿದರು. ತಮಿಳುನಾಡು 7 ವಿಕೆಟ್‌ಗೆ 284 ರನ್ ಗಳಿಸಿತು. ನಂತರ ಹರಿಯಾಣ ತಂಡ ಕೇವಲ 133 ರನ್ ಗಳಿಸಿ ಆಲೌಟ್ ಆಯಿತು. ಬಾಬಾ ಅಪರಾಜಿತ್ 3 ವಿಕೆಟ್ ಪಡೆದರು.


ಜಗದೀಶ್ ಅವರ ಶತಕಗಳ ಅಬ್ಬರ:


ವಿಜಯ್ ಹಜಾರೆ ಟ್ರೋಫಿಯ ಈ ಋತುವಿನಲ್ಲಿ ಎನ್ ಜಗದೀಶನ್ ಅವರ ಬ್ಯಾಟ್ ರನ್‌ಗಳನ್ನು ಸುರಿಸುತ್ತಿದೆ. ಜಗದೀಶ್ ಈ ಟೂರ್ನಿಯ 5 ಪಂದ್ಯಗಳಲ್ಲಿ ನಾಲ್ಕನೇ ಶತಕ ಸಿಡಿಸಿದ್ದಾರೆ. ಇದು ಅವರ ಸತತ ನಾಲ್ಕನೇ ಶತಕ. ಇಲ್ಲಿಯವರೆಗೆ ಅವರು 5 ಪಂದ್ಯಗಳಲ್ಲಿ 130 ಕ್ಕಿಂತ ಹೆಚ್ಚು ಸರಾಸರಿಯಲ್ಲಿ ಒಟ್ಟು 522 ರನ್ ಗಳಿಸಿದ್ದಾರೆ. ಅವರು ಆಂಧ್ರ ವಿರುದ್ಧ ಔಟಾಗದೆ 114, ಛತ್ತೀಸ್‌ಗಢ ವಿರುದ್ಧ 107, ಗೋವಾ ವಿರುದ್ಧ 168 ಮತ್ತು ಈಗ ಹರಿಯಾಣ ವಿರುದ್ಧ 128 ರನ್ ಗಳಿಸಿದ್ದಾರೆ.


ಇದನ್ನೂ ಓದಿ: ಚಿನ್ನ ಪ್ರಿಯರಿಗೆ ಸಿಹಿ ಸುದ್ದಿ: ಬಂಗಾರದ ಬೆಲೆಯಲ್ಲಿ ಮತ್ತೆ ಇಳಿಕೆ


ಕೊಹ್ಲಿ ದಾಖಲೆ ಮುರಿಯುವ ಸಾಧ್ಯತೆ:


ಇದರೊಂದಿಗೆ ವಿಜಯ್ ಹಜಾರೆ ಟ್ರೋಫಿಯ ಒಂದು ಸೀಸನ್‌ನಲ್ಲಿ ಅತಿ ಹೆಚ್ಚು ಶತಕಗಳನ್ನು ಗಳಿಸಿದ ದಾಖಲೆಯನ್ನು ಜಗದೀಶ್‌ ಮಾಡಬಹುದು. ಅವರು ವಿರಾಟ್ ಕೊಹ್ಲಿ ದಾಖಲೆಯ ಸಮೀಪ ತಲುಪಿದ್ದಾರೆ. ಈ ಟೂರ್ನಿಯ ಒಂದೇ ಋತುವಿನಲ್ಲಿ ನಾಲ್ಕು ಶತಕಗಳನ್ನು ಬಾರಿಸಿದ ದಾಖಲೆಯನ್ನು ವಿರಾಟ್ ಹೊಂದಿದ್ದಾರೆ. ವಿರಾಟ್ ಕೊಹ್ಲಿ ಹೊರತುಪಡಿಸಿ, ಪೃಥ್ವಿ ಶಾ, ರಿತುರಾಜ್ ಗಾಯಕ್ವಾಡ್ ಮತ್ತು ದೇವದತ್ ಪಡಿಕ್ಕಲ್ ಈ ಹಿಂದೆ ಈ ಸಾಧನೆ ಮಾಡಿದ್ದರು. ಈಗ ಇವರೆಲ್ಲರಿಗಿಂತ ಮುಂದೆ ಬರಲು ಜಗದೀಶ್ ಗೆ ಅವಕಾಶ ಸಿಕ್ಕಿದೆ.


https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.