ಆಸ್ತಿ ವಿಚಾರಲ್ಲಿ ಬಾಲಿವುಡ್ ಕಿಂಗ್‌ನ್ನೆ ಮೀರಿಸ್ತಾಳೆ ಹೈದರಾಬಾದ್ ಕ್ವೀನ್! ಕಾವ್ಯಾ ಮಾರನ್ ಎಷ್ಟು ಕೋಟಿಯ ಒಡತಿ ಗೊತ್ತಾ?

SRH Owner Kavya maran: ಐಪಿಎಲ್ 2024 ರ ಫೈನಲ್‌ನಲ್ಲಿ ಸನ್‌ರೈಸರ್ಸ್ ಹೈದರಾಬಾದ್ ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್ ಮುಖಾಮುಖಿಯಾಗಿದ್ದವು... ಈ ಪಂದ್ಯಕ್ಕೆ ಸಂಬಂಧಿಸಿದಂತೆ ಕೋಲ್ಕತ್ತಾ ತಂಡದ ಮಾಲೀಕ ಶಾರುಖ್ ಖಾನ್ ಹಾಗೂ ಹೈದರಾಬಾದ್ ತಂಡದ ಒಡತಿ ಕಾವ್ಯಾ ಮಾರನ್ ಅವರ ನಿವ್ವಳ ಮೌಲ್ಯದ ಮಾಹಿತಿ ವೈರಲ್ ಆಗಿದೆ.

ಕಾವ್ಯ ಮಾರನ್ ಯಾರು?
ಕಾವ್ಯಾ ಮಾರನ್ ಆಗಸ್ಟ್ 1992 ರಲ್ಲಿ ಚೆನ್ನೈನಲ್ಲಿ ಜನಿಸಿದರು. ಅವರು ತಮ್ಮ ಶಾಲಾ ಶಿಕ್ಷಣವನ್ನು ಚೆನ್ನೈನಲ್ಲಿ ಪೂರ್ಣಗೊಳಿಸಿದರು. ನಂತರ ಚೆನ್ನೈನ ಸ್ಟೆಲ್ಲಾ ಮೇರಿಸ್ ಕಾಲೇಜಿನಲ್ಲಿ ವಾಣಿಜ್ಯ ಪದವಿ ಪಡೆದದು, ಲಂಡನ್‌ಗೆ ಹೋಗಿ ಎಂಬಿಎ ಮುಗಿಸಿದರು. ಕಾವ್ಯಾ ಕುಟುಂಬ ರಾಜಕೀಯ ಮತ್ತು ವ್ಯಾಪಾರದಲ್ಲಿ ತೊಡಗಿಸಿಕೊಂಡಿದೆ.

ಕಾವ್ಯಾ ಅವರ ತಂದೆ ಕಲಾನಿಧಿ ಮಾರನ್ ಸನ್ ಗ್ರೂಪ್ ಸಂಸ್ಥಾಪಕರು. ರಾಜಕೀಯವಾಗಿ ಪ್ರಭಾವಿಯಾಗಿರುವ ಕಾವ್ಯಾ ಕುಟುಂಬದಲ್ಲಿ ಖ್ಯಾತ ರಾಜಕಾರಣಿಗಳೂ ಇದ್ದಾರೆ. ಕಾವ್ಯಾ ಅವರ ಅಜ್ಜ ಮುರಸೋಳಿ ಮಾರನ್ ಮತ್ತು ಚಿಕ್ಕಪ್ಪ ದಯಾನಿಧಿ ಮಾರನ್ ಇಬ್ಬರೂ ಮಾಜಿ ಕೇಂದ್ರ ಸಚಿವರು.

ಇದನ್ನೂ ಓದಿ-Allu Arjun: ಅಲ್ಲು ಅರ್ಜುನ್ ಧರಿಸಿದ ಈ ವಾಚ್ ಬೆಲೆ ಗೊತ್ತಾದ್ರೆ ಶಾಕ್‌ ಆಗ್ತೀರಾ!!

ಕಾವ್ಯ ಕಲಾನಿಧಿ ಮಾರನ್ ಅವರ ಒಬ್ಬಳೇ ಮಗಳು. ವರದಿಯ ಪ್ರಕಾರ, ಭಾರತೀಯ ಬಿಲಿಯನೇರ್‌ಗಳ ಪಟ್ಟಿಯಲ್ಲಿ ಕಲಾನಿಧಿ ಮಾರನ್ 82 ನೇ ಸ್ಥಾನದಲ್ಲಿದ್ದಾರೆ. ಅವರು ಸುಮಾರು 24,000 ಕೋಟಿ ರೂಪಾಯಿ ಆಸ್ತಿ ಹೊಂದಿದ್ದಾರೆ. ದೂರದರ್ಶನ ಚಾನೆಲ್‌ಗಳು, ಪತ್ರಿಕೆಗಳು, ವಾರಪತ್ರಿಕೆಗಳು, ಉಪಗ್ರಹ ಸೇವೆಗಳು, ಉತ್ಪಾದನಾ ಸೌಲಭ್ಯಗಳು ಮುಂತಾದ ವಿವಿಧ ಕ್ಷೇತ್ರಗಳಲ್ಲಿ ಅವರು ಯಶಸ್ವಿ ಬ್ರ್ಯಾಂಡ್‌ಗಳನ್ನು ನಿರ್ಮಿಸಿದ್ದಾರೆ. ಕಲಾನಿಧಿ ಮಾರನ್ ಅವರು 2010 ರಿಂದ 2015 ರವರೆಗೆ ಸ್ಪೈಸ್‌ಜೆಟ್ ಏರ್‌ಲೈನ್ಸ್‌ನಲ್ಲಿ ಗಣನೀಯ ಪಾಲನ್ನು ಹೊಂದಿದ್ದರು.

ಕಾವ್ಯಾ ಮಾರನ್ ನಿವ್ವಳ ಮೌಲ್ಯ:
ಒಬ್ಬಳೇ ಮಗಳಾಗಿರುವ ಕಾರಣ ತಂದೆ ಕಲಾನಿಧಿಗೆ ಸೇರಿದ ಆಸ್ತಿಗಳೆಲ್ಲ ಕಾವ್ಯಾ ಅವರದ್ದೇ. ಹಾಗಾಗಿ ಕಾವ್ಯ ಮಾರನ್ ಸುಮಾರು 24,000 ಕೋಟಿ ಆಸ್ತಿ ಹೊಂದಿದ್ದಾರೆ ಎಂದು ಹೇಳಬಹುದು. 

ಶಾರುಖ್ ಖಾನ್ ಆಸ್ತಿ:
ಬಾಲಿವುಡ್ ಕಿಂಗ್ ಶಾರುಖ್ ಖಾನ್ ಕೂಡ ಕಮ್ಮಿ ಇಲ್ಲ. ಶಾರುಖ್ ಅವರನ್ನು ವಿಶ್ವದ ಶ್ರೇಷ್ಠ ನಟರಲ್ಲಿ ಒಬ್ಬರು ಎಂದು ಪರಿಗಣಿಸಲಾಗಿದೆ. ಶಾರುಖ್ ಖಾನ್ ಅವರ ನಿವ್ವಳ ಮೌಲ್ಯ ಸುಮಾರು 6000 ಕೋಟಿ ರೂಪಾಯಿ ಎಂದು ಹೇಳಲಾಗಿದೆ.