IPL 2021: ಐಪಿಎಲ್ ಗೆ ನಿವೃತ್ತಿ ಘೋಷಿಸಲಿದ್ದಾರೆಯೇ ಧೋನಿ?

ನವದೆಹಲಿ: ಚೆನ್ನೈ ಸೂಪರ್ ಕಿಂಗ್ಸ್ ಆಡಳಿತವು ಎಂಎಸ್ ಧೋನಿಯ ನಿವೃತ್ತಿ ವಿಚಾರವಾಗಿ ಅಭಿಮಾನಿಗಳಿಗೆ ಸ್ಪಷ್ಟ ಚಿತ್ರವನ್ನು ನೀಡಿದೆ.ಧೋನಿ ಫ್ರಾಂಚೈಸ್‌ನೊಂದಿಗೆ ತಮ್ಮ ಭವಿಷ್ಯದ ಬಗ್ಗೆ ನಿರ್ಧಾರ ತೆಗೆದುಕೊಳ್ಳುವ ಮುನ್ನ ಇನ್ನೊಂದು ಸೀಸನ್‌ನಲ್ಲಿ ಪಾಲ್ಗೊಳ್ಳುತ್ತಾರೆ ಎಂಬ ವಿಶ್ವಾಸದಲ್ಲಿ ಆಡಳಿತವಿದೆ ಎನ್ನಲಾಗಿದೆ.

ಇದನ್ನೂ ಓದಿ: IPL 2021, DC vs CSK: ಇಂದು ಅಗ್ರಸ್ಥಾನಕ್ಕಾಗಿ ಮದಗಜಗಳ ಕಾದಾಟ..!

ಧೋನಿಯ (MS Dhoni) ವಿದಾಯ ಪಂದ್ಯವು ಚೆಪಾಕ್‌ನಲ್ಲಿ ಸಿಎಸ್‌ಕೆ ಅಭಿಮಾನಿಗಳ ಮುಂದೆ ನಡೆಯಲಿದೆ ಎಂದು ಮ್ಯಾನೇಜ್‌ಮೆಂಟ್ ಹೇಳಿದೆ.'ಅವರು ತಮ್ಮ ಕೊನೆಯ ಆಟವನ್ನು ಚೆಪಾಕ್‌ನಲ್ಲಿ ಆಡಲು ಬಯಸುತ್ತಾರೆ.ಆ ಸಾಧ್ಯತೆ ಹೆಚ್ಚು ಇದೆ 'ಚೆನ್ನೈ ಸೂಪರ್ ಕಿಂಗ್ಸ್ ನ ಮೂಲಗಳು ತಿಳಿಸಿವೆ.

ಇದನ್ನೂ ಓದಿ: ಧೋನಿಯ ಈ ನಿರ್ಧಾರದಿಂದಲೇ ಬಚಾವಾಗಿದ್ದರು ವಿರಾಟ್ ಕೊಹ್ಲಿ, ಇಲ್ಲವಾದರೆ ಮುಗಿದೇ ಹೋಗುತ್ತಿತ್ತು ಕೊಹ್ಲಿ career

ಯುಎಇಯಲ್ಲಿ ನಡೆಯುತ್ತಿರುವ ಆವೃತ್ತಿಯಲ್ಲಿ ಸ್ವತಃ ಧೋನಿ ಸುಳಿವು ನೀಡುವುದರೊಂದಿಗೆ ಈಗ ಅವರ ನಿವೃತ್ತಿಯ ಮಾತುಕತೆಗಳು ಹೆಚ್ಚಾಗುತ್ತಿದ್ದಂತೆ ಈ ಬೆಳವಣಿಗೆ ಬಂದಿದೆ.

ಪಂಜಾಬ್ ಕಿಂಗ್ಸ್ ವಿರುದ್ಧದ ಸಿಎಸ್‌ಕೆ ಪಂದ್ಯದ ಮೊದಲು, ಧೋನಿಗೆ ಅವರ ಮುಂದಿನ ಭವಿಷ್ಯದ ಬಗ್ಗೆ ಕೇಳಿದಾಗ,"ಮುಂದಿನ ಋತುವಿನಲ್ಲಿ ನೀವು ನನ್ನನ್ನು ಹಳದಿ ಬಣ್ಣದಲ್ಲಿ ನೋಡುತ್ತೀರಿ, ಆದರೆ ನಾನು ಸಿಎಸ್‌ಕೆಗಾಗಿ ಆಡುತ್ತೇನೆಯೇ ಎಂಬುದು ನಿಮಗೆ ಗೊತ್ತಿಲ್ಲ.ಬಹಳಷ್ಟು ಅನಿಶ್ಚಿತತೆಗಳು ಬರುತ್ತಿವೆ; ಎರಡು ಹೊಸ ತಂಡಗಳು ಬರುತ್ತಿವೆ..ಉಳಿಸಿಕೊಳ್ಳುವ ನಿಯಮಗಳು ಏನೆಂದು ನಮಗೆ ಗೊತ್ತಿಲ್ಲ' ಎಂದು ಅವರು ಹೇಳಿದರು.

ಕಳೆದ ವರ್ಷ ಆಗಸ್ಟ್ 15 ರಂದು ಧೋನಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ವಿಧಾಯ ಹೇಳಿದ್ದರು.