IPL 2025: ಶಾಸ್ತ್ರಕ್ಕೆ ಒಂದು ಇರ್ಲಿ ಎನ್ನುವಂತೆ ಓರ್ವ ಕನ್ನಡಿಗನನ್ನ ಖರೀದಿಸಿದ RCB: ಆತ ಯಾರು? ಆತನ ಖರೀದಿಗೆ ಫ್ರಾಂಚೈಸಿ ಕೊಟ್ಟ ದುಡ್ಡೆಷ್ಟು?

Manoj Bhandage IPL Auction 2025: ಕಳೆದ ದಿನ ಶುರುವಾದ ಐಪಿಎಲ್ ಮೆಗಾ ಹರಾಜು ಪ್ರಕ್ರಿಯೆ ಇನ್ನೇನು ಮುಗಿಯುವ ಹಂತಕ್ಕೆ ಬಂದಿದೆ. ಎಲ್ಲಾ ಫ್ರಾಂಚೈಸಿಗಳು ತಮಗೆ ಬೇಕಾಗಿರುವ ಆಟಗಾರರ ಖರೀದಿಯ ಜೊತೆಗೆ ಸ್ಥಳೀಯ ಆಟಗಾರರು ಅಂದರೆ ಆ ತಂಡ ಪ್ರತಿನಿಧಿಸುವ ರಾಜ್ಯದ ಆಟಗಾರರನ್ನು ಖರೀದಿಸಿವೆ. ಆದರೆ ಆರ್‌​ಸಿಬಿ ಮಾತ್ರ ಆ ಮನಸ್ಸು ಮಾಡಿರಲಿಲ್ಲ. ಆದರೆ ಇದೀಗ ಅಂದರೆ ಹರಾಜಿನ ಕೊನೆದಿನ, ರಾಯಚೂರಿನ ಹುಡುಗ ಮನೋಜ್ ಭಾಂಡಗೆ ಅವರನ್ನು ಖರೀದಿ ಮಾಡಿದೆ.

ಇದನ್ನೂ ಓದಿ: ಈ ಸರ್ಕಾರಿ ಯೋಜನೆಯಲ್ಲಿ ಕೇವಲ 7 ರೂ. ಉಳಿಸಿ, ತಿಂಗಳಿಗೆ 5000 ರೂ. ಪಡೆಯಿರಿ...!

ಮನೋಜ್ ಭಾಂಡಗೆ ಆರ್‌​ಸಿಬಿ ಸೇರುತ್ತಿರುವುದು ಇದೇ ಮೊದಲಲ್ಲ. 2023 ರ ಹರಾಜಿನಲ್ಲಿಯೂ ಆರ್​ಸಿಬಿ ತಂಡವನ್ನು ಸೇರಿಕೊಂಡಿದ್ದ ಮನೋಜ್‌ಗೆ ಬೆಂಚು ಕಾಯುವ ಕೆಲಸ ಕೊಟ್ಟಿದ್ದರು. ಬದಲಾಗಿ ಒಂದೇ ಒಂದು ಅವಕಾಶವೂ ಅವರ ಪಾಲಿಗೆ ಬಂದಿರಲಿಲ್ಲ.

ಆದರೆ ಈಗ ಮನೋಜ್ ಮೇಲೆ ಮತ್ತೆ ಬಿಡ್ ಮಾಡಿರುವ ಆರ್‌​ಸಿಬಿ ಅವರ ಮೂಲ ಬೆಲೆ 30 ಲಕ್ಷಕ್ಕೆ ಮತ್ತೆ ತಂಡಕ್ಕೆ ಸೇರಿಸಿಕೊಂಡಿದೆ. ಕನ್ನಡಿಗರೇ ಇಲ್ಲ ಎಂಬ ಕೊರತೆಯನ್ನು ಫ್ರಾಂಚೈಸಿ ಈ ಮೂಲಕ ನೀಗಿಸಿದೆ. ಆದರೆ ಕಳೆದ ಋತುವಿನಂತೆ ಬೆಂಚು ಕಾಯಿಸದೆ ಅವಕಾಶ ನೀಡಿದರೆ ಸಾಕಪ್ಪಾ ಅನ್ನೋದು ಅಭಿಮಾನಿಗಳ ಇಂಗಿತ.

ಇದನ್ನೂ ಓದಿ: ಜಿಮ್ ಬೇಡ, ಡಯಟ್ ಬೇಡ... ಈ 5 ಸರಳ ಮನೆ ವ್ಯಾಯಾಮಗಳೊಂದಿಗೆ ನಿಮ್ಮ ಹೊಟ್ಟೆಯ ಕೊಬ್ಬನ್ನು ಕರಗಿಸಿ!

ಮಹಾರಾಜ ಟ್ರೋಫಿಯಲ್ಲಿ ಅಬ್ಬರ

ಇನ್ನೊಂದೆಡೆ ಈ ಬಾರಿ ಆರ್‌ಸಿಬಿ ಮನೋಜ್‌ ಅವರನ್ನು ಖರೀದಿ ಮಾಡಲು ಬಲವಾದ ಕಾರಣವೊಂದಿದೆ. ಕಳೆದ ಕೆಲವು ತಿಂಗಳ ಹಿಂದೆ ನಡೆದಿದ್ದ ಮಹಾರಾಜ ಟ್ರೋಫಿ ಟಿ20 ಟೂರ್ನಿಯಲ್ಲಿ ಮೈಸೂರು ವಾರಿಯರ್ಸ್ ತಂಡವನ್ನು ಚಾಂಪಿಯನ್ ಮಾಡುವಲ್ಲಿ ಮನೋಜ್ ಭಾಂಡಗೆ ಕೊಡುಗೆ ಮಹತ್ವದ್ದಾಗಿತ್ತು. ಈ ಟೂರ್ನಿಯಲ್ಲಿ 12 ಪಂದ್ಯಗಳನ್ನಾಡಿದ್ದ ಮನೋಜ್, 25 ಸಿಕ್ಸರ್‌​ಗಳ ಸಹಿತ 292 ರನ್ ಕಲೆಹಾಕಿದ್ದರು.