IPL : ಭಗ್ನವಾಯಿತು ವಿರಾಟ್ ಕನಸು, ಭಾವುಕರಾದ RCB ಪಡೆ, ಕಣ್ಣೀರಿಟ್ಟ ಕೊಹ್ಲಿ ಇಲ್ಲಿದೆ ವೀಡಿಯೊ

ನವದೆಹಲಿ : ನಾಯಕನಾಗಿ ವಿರಾಟ್ ಕೊಹ್ಲಿ (Virat Kohli) ಆಡಿದ ಕೊನೆಯ ಐಪಿಎಲ್ (IPL) ಇದಾಗಿತ್ತು. ಈಗಾಗಲೇ ತಮ್ಮ ನಾಯಕತ್ವವನ್ನು ತೊರೆಯುವ ನಿರ್ಧಾರವನ್ನು ಕೊಹ್ಲಿ ಪ್ರಕಟಿಸಿದ್ದಾಗಿದೆ. ನಿನ್ನೆ ನಡೆದ ಪಂದ್ಯದಲ್ಲಿ ಕೋಲ್ಕತ್ತಾ ಮುಂದೆ ಆರ್ ಸಿಬಿ ಸೋಲನುಭವಿಸುವುದರೊಂದಿಗೆ   ಟ್ರೋಫಿ ಗೆಲ್ಲುವ ಕನಸು ನುಚ್ಚು ನೂರಾಗಿದೆ. 

ನಿನ್ನೆಯ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು, (RCB)  7 ವಿಕೆಟ್  ನಷ್ಟಕ್ಕೆ 138 ರನ್ ಗಳಿಸಿಟ್ಟು. ಈ ಮೂಲಕ ಕೋಲ್ಕತ್ತಾಗೆ 139 ರನ್ ಗಳ ಗುರಿಯನ್ನು ನೀಡಿತು. ಇದಕ್ಕೆ ಉತ್ತರವಾಗಿ ಆಟ ಆರಂಭಿಸಿದ ಕೋಲ್ಕತ್ತಾ ಇನ್ನೂ 2 ಎಸೆತಗಳು ಬಾಕಿ ಇರುವಂತೆ ಗೆಲುವಿನ ನಗೆ ಬೀರಿತು. ವಿರಾಟ್ ಕೊಹ್ಲಿ (Virat Kohli)  ಈ ಐಪಿಎಲ್‌ನಲ್ಲಿ (IPL) ಕೊನೆಯ ಬಾರಿಗೆ ಆರ್‌ಸಿಬಿಯ ನಾಯಕರಾಗಿ ಕಾಣಿಸಿಕೊಂಡಿದ್ದರು. ಮೊದಲೇ ಹೇಳಿದ ಹಾಗೆ, ಕೊಹ್ಲಿ  ಈಗಾಗಲೇ ತಮ್ಮ ನಾಯಕತ್ವವನ್ನು ತೊರೆಯುವ ನಿರ್ಧಾರವನ್ನು ತೆಗೆದುಕೊಂಡಿದ್ದಾರೆ. ಪಂದ್ಯದ ಸೋಲಿನ ನಂತರ ವಿರಾಟ್ ಕೊಹ್ಲಿ ಬಹಳ ಭಾವನಾತ್ಮಕವಾಗಿ ಕಂಡು ಬಂದರು.  

ಇದನ್ನೂ ಓದಿ : Bangalore vs Kolkata: ಪ್ರಶಸ್ತಿ ಗೆಲ್ಲುವ ಆರ್‌ಸಿಬಿ ಕನಸು ಭಗ್ನ,ಗೆಲುವಿನ ನಗೆ ಬೀರಿದ ಕೆಕೆಆರ್

ಕೊಹ್ಲಿ ವಿಡಿಯೋ ವೈರಲ್ :
ಕೋಲ್ಕತ್ತಾ ವಿರುದ್ಧದ ಸೋಲಿನ ನಂತರ ವಿರಾಟ್ ಕೊಹ್ಲಿ ಅತ್ಯಂತ ಭಾವುಕರಾಗಿದ್ದರು. ವಿರಾಟ್ ಕೊಹ್ಲಿ ಜೊತೆಗೆ, ತಂಡದ ಉಳಿದ ಆಟಗಾರರ ಕಣ್ಣಲ್ಲೂ ನೀರು ಜಿನುಗುತ್ತಿತ್ತು. ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ (Social media) ಬಹಳ ವೈರಲ್ ಆಗುತ್ತಿದೆ. ಇದರಲ್ಲಿ ವಿರಾಟ್ ಕೊಹ್ಲಿ ಮತ್ತು ಎಬಿ ಡಿವಿಲಿಯರ್ಸ್ ಮುಖದಲ್ಲಿ ನಿರಾಸೆ ಭಾವ ಎದ್ದು ಕಾಣುತ್ತಿದೆ. 

ನಾಯಕತ್ವ ತೊರೆದ ವಿರಾಟ್ ಕೊಹ್ಲಿ :  
ಇದರೊಂದಿಗೆ ವಿರಾಟ್ ಕೊಹ್ಲಿ ಐಪಿಎಲ್‌ನಲ್ಲಿ ಆರ್‌ಸಿಬಿ ನಾಯಕತ್ವವನ್ನೂ ತೊರೆದಿದ್ದಾರೆ. ಆರ್‌ಸಿಬಿಗೆ ನಾಯಕನಾಗಿದ್ದ ವಿರಾಟ್‌ಗೆ ಇದು ಕೊನೆಯ ಪಂದ್ಯವಾಗಿತ್ತು. ವಿರಾಟ್ ಕೊಹ್ಲಿ  ಟ್ರೋಫಿಯೊಂದಿಗೆ ಐಪಿಎಲ್ ನಾಯಕತ್ವ ತೊರೆಯಬೇಕೆಂದು ಬಯಸಿದ್ದರು. ಆದರೆ ಅವರ ಆಸೆ ಈಡೇರಲಿಲ್ಲ.