ವ್ಯರ್ಥವಾದ ಋತುರಾಜ್ ಹೋರಾಟ, ಗುಜರಾತ್ ಗೆ ಐದು ವಿಕೆಟ್ ಗಳ ಗೆಲುವು

ಅಹ್ಮದಾಬಾದ್: ಇಲ್ಲಿನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆದ ಐಪಿಎಲ್ ಟೂರ್ನಿ ೨೦೨೩ ರ ಆವೃತ್ತಿ ಮೊದಲ ಮೊದಲ ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್ ತಂಡವು ಚೆನ್ನೈ ವಿರುದ್ಧ ಐದು ವಿಕೆಟ್ ಗಳ ಭರ್ಜರಿ ಗೆಲುವು ಸಾಧಿಸಿದೆ.

ಟಾಸ್ ಗೆದ್ದು ಮೊದಲು ಫೀಲ್ಡಿಂಗ್ ಆಯ್ದುಕೊಂಡ ಗುಜರಾತ್ ತಂಡವು ಚೆನ್ನೈ ತಂಡವನ್ನು ಏಳು ವಿಕೆಟ್ ನಷ್ಟಕ್ಕೆ ೨೦ ಓವರ್ಗಳಲ್ಲಿ ೧೭೮ ರನ್ ಗಳಿಗೆ ಕಟ್ಟಿ ಹಾಕಿತು. ಚೆನ್ನೈ ತಂಡದ ಪರವಾಗಿ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಋತುರಾಜ್ ಗಾಯಕ್ವಾಡ್ ಒಂಬತ್ತು ಸಿಕ್ಸರ್ ಗಳು ಹಾಗೂ ನಾಲ್ಕು ಬೌಂಡರಿಗಳ ನೆರವಿನೊಂದಿಗೆ ಐವತ್ತು ಎಸೆತಗಳಲ್ಲಿ ೯೨ ರನ್ಗಳನ್ನು ಗಳಿಸಿದರು.ಇನ್ನೊಂದೆಡೆಗೆ ಉಳಿದ ಯಾವ ಆಟಗಾರನು ಕೂಡ ಇವರಿಗೆ ಅಷ್ಟಾಗಿ ಸಾಥ್ ನೀಡಲಿಲ್ಲ.