simi singh: ಸಾವು ಬದುಕಿನ ಮಧ್ಯೆ ಹೋರಾಡುತ್ತಿದ್ದ ಸ್ಟಾರ್ ಕ್ರಿಕೆಟರ್‌ಗೆ ಅಂಗಾಂಗ ದಾನ ಮಾಡಿದ ಪತ್ನಿ! ಅಷ್ಟಕ್ಕೂ ಯಾರು ಆ ದೇವತೆ?!

simi singh: ಇತ್ತೀಚೆಗೆ, ಐರ್ಲೆಂಡ್ ಕ್ರಿಕೆಟ್ ತಂಡದ ಸ್ಟಾರ್ ಆಲ್ ರೌಂಡರ್ ಸಿಮ್ರಂಜೀತ್ ಸಿಂಗ್ ಅಲಿಯಾಸ್ ಸಿಮಿ ಸಿಂಗ್ ಬಗ್ಗೆ ಒಂದು ದೊಡ್ಡ ಸುದ್ದಿ ಹೊರಬಿದ್ದಿದೆ. ಅದೇನೆಂದರೆ.. ಭಾರತೀಯ ಮೂಲದ ಈ ಸ್ಟಾರ್ ಕ್ರಿಕೆಟಿಗ ತೀವ್ರ ಅನಾರೋಗ್ಯದಿಂದ ಆಸ್ಪತ್ರೆಗೆ ದಾಖಲಾಗಿದ್ದರು. ಲಿವರ್ ವೈಫಲ್ಯದಿಂದ ಬಳಲುತ್ತಿದ್ದ ಅವರನ್ನು ಗುರುಗ್ರಾಮ್‌ನ ಮೇದಾಂತದಲ್ಲಿರುವ ಐಸಿಯುಗೆ ದಾಖಲಿಸಲಾಗಿತ್ತು. ಆದರೆ ಲಿವರ್ ಕಸಿ ಮಾಡಿದರೂ ಸಿಮಿ ಸಿಂಗ್ ಬದುಕುಳಿಯುವುದಿಲ್ಲ ಎಂದು ವೈದ್ಯರು ಹೇಳಿದ್ದರು.. 

ಆದರೆ ಇತ್ತೀಚೆಗಷ್ಟೇ ಸಿಮಿ ಸಿಂಗ್ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಒಂದನ್ನು ಹಂಚಿಕೊಂಡಿದ್ದಾರೆ. ಅವರ ಪತ್ನಿ ಲಿವರ್ ದಾನ ಮಾಡುವ ಮೂಲಕ ಅವರ ಪ್ರಾಣ ಉಳಿಸಿದ್ದಾರೆ ಎಂದು ಬರೆದುಕೊಂಡಿದ್ದಾರೆ.."ನಮಸ್ಕಾರ ಸ್ನೇಹಿತರೇ, ನನ್ನ Liver transplant ಶಸ್ತ್ರಚಿಕಿತ್ಸೆ ಯಶಸ್ವಿಯಾಗಿದೆ. ಇದು 12 ಗಂಟೆಗಳ ಸುದೀರ್ಘ ಶಸ್ತ್ರಚಿಕಿತ್ಸೆಯಾಗಿತ್ತು. ಈಗ ನಾನು ಚೇತರಿಕೆಯ ಪ್ರಕ್ರಿಯೆಯಲ್ಲಿದ್ದೇನೆ. ತಪ್ಪಾದ ಆ್ಯಂಟಿಬಯೋಟಿಕ್‌ಗಳು ಮತ್ತು ಸ್ಟೆರಾಯ್ಡ್‌ಗಳನ್ನು ತೆಗೆದುಕೊಳ್ಳುವುದರಿಂದ ಲಿವರ್ ಹಾಳಾಗಿದೆ. ಆದರೆ ಕೊನೆಯ ಹಂತದಲ್ಲಿ ನನ್ನ ಹೆಂಡತಿ ತನ್ನ ಲಿವರ್ ಅನ್ನು ನನಗೆ ದಾನ ಮಾಡಿ ನನ್ನ ಜೀವ ಉಳಿಸಿದ್ದಾಳೆ... ನಾನು ತುಂಬಾ ಅದೃಷ್ಟವಂತ. ನನಗಾಗಿ ಪ್ರಾರ್ಥಿಸಿದ ಎಲ್ಲರಿಗೂ ಧನ್ಯವಾದಗಳು' ಎಂದು ಸಿಮಿ ಸಿಂಗ್ ಬರೆದಿದ್ದಾರೆ.. 

ಇದನ್ನೂ ಓದಿ-ಜೀವನೋಪಾಯಕ್ಕೆ ದುಡ್ಡಿಲ್ಲದೆ ಟ್ಯಾಕ್ಸಿ ಓಡಿಸ್ತಿದ್ದಾನೆ ಈ ಸ್ಟಾರ್‌ ಸ್ಪಿನ್‌ ಬೌಲರ್!‌ ಸಚಿನ್‌, ಸೆಹ್ವಾಗ್‌ʼರಂತ ದಿಗ್ಗಜರಿಗೇ ಭಯಹುಟ್ಟಿಸಿದ್ದ ಕ್ರಿಕೆಟಿಗನೀತ

37 ವರ್ಷದ ಸಿಮಿ ಸಿಂಗ್ ಐರ್ಲೆಂಡ್ ಪರ ಇದುವರೆಗೆ 35 ODI ಮತ್ತು 53 T20 ಪಂದ್ಯಗಳನ್ನು ಆಡಿದ್ದಾರೆ. ಏಕದಿನದಲ್ಲಿ 39 ಹಾಗೂ ಟಿ20ಯಲ್ಲಿ 44 ವಿಕೆಟ್‌ಗಳನ್ನು ಕಬಳಿಸಿದ್ದಾರೆ. ಜೊತೆಗೆ ಏಕದಿನದಲ್ಲಿ 1 ಶತಕ ಹಾಗೂ ಟಿ20ಯಲ್ಲಿ 296 ರನ್‌ಗಳ ನೆರವಿನಿಂದ 593 ರನ್ ಗಳಿಸಿದ್ದಾರೆ. 

ಅವರು ಕೊನೆಯ ಬಾರಿಗೆ 2022 ರ ಟಿ 20 ವಿಶ್ವಕಪ್‌ನಲ್ಲಿ ಅಂತರರಾಷ್ಟ್ರೀಯ ಸರ್ಕ್ಯೂಟ್‌ನಲ್ಲಿ ಆಡಿದ್ದರು. ಸಿಮಿ ಸಿಂಗ್ ಭಾರತೀಯ ಮೂಲದ ಆಟಗಾರ. ಪಂಜಾಬ್‌ನಲ್ಲಿ ಜನಿಸಿದ ಸಿಮಿ ಸಿಂಗ್ ತಮ್ಮ ಶಾಲಾ ಶಿಕ್ಷಣವನ್ನು ಭಾರತದಲ್ಲಿ ಮಾಡಿದರು. ಅಷ್ಟೇ ಅಲ್ಲ ಪಂಜಾಬ್ ಪರ ಅಂಡರ್-15 ಮತ್ತು ಅಂಡರ್-17 ತಂಡಗಳಲ್ಲಿ ಆಡಿದ್ದರು. ಅವರು ವಿರಾಟ್ ಕೊಹ್ಲಿ, ಯುಜ್ವೇಂದ್ರ ಚಹಾಲ್, ಸಿದ್ಧಾರ್ಥ್ ಕೌಲ್ ಅವರಂತಹ ಆಟಗಾರರೊಂದಿಗೆ ಆಡಿದರು. ಸಿಮಿ ಸಿಂಗ್ ಐರ್ಲೆಂಡ್‌ನ ಅತ್ಯುತ್ತಮ ಆಲ್‌ರೌಂಡರ್‌ಗಳಲ್ಲಿ ಒಬ್ಬರಾಗಿ ಗುರುತಿಸಿಕೊಂಡಿದ್ದಾರೆ.