ತನ್ನ 18 ವರ್ಷಗಳ ಸುದೀರ್ಘ ವೃತ್ತಿಜೀವನಕ್ಕೆ ವಿದಾಯ ಹೇಳಿದ ಅನುಭವಿ: 3 ಬಾರಿ ವಿಶೇಷ ಪ್ರಶಸ್ತಿ ಪಡೆದ ದಿಗ್ಗಜನೀತ!

Marais Erasmus retirement: ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್ ನಡುವೆ ಎರಡು ಪಂದ್ಯಗಳ ಟೆಸ್ಟ್ ಸರಣಿ ನಡೆಯುತ್ತಿದ್ದು, ಈ ಸರಣಿ ಆರಂಭಕ್ಕೂ ಮುನ್ನ ನ್ಯೂಜಿಲೆಂಡ್‌’ನ ಸ್ಟಾರ್ ಆಟಗಾರ ನೀಲ್ ವ್ಯಾಗ್ನರ್ ನಿವೃತ್ತಿ ಘೋಷಿಸಿದ್ದರು. ಈ ಮಧ್ಯೆ ಮತ್ತೊಬ್ಬ ಸ್ಟಾರ್ ನಿವೃತ್ತಿಯಾಗಲಿದ್ದಾರೆ. ಅವರು ಬೇರೆ ಯಾರೂ ಅಲ್ಲ, ದಕ್ಷಿಣ ಆಫ್ರಿಕಾದ ಅನುಭವಿ ಅಂಪೈರ್ ಮರೈಸ್ ಎರಾಸ್ಮಸ್.

ಇದನ್ನೂ ಓದಿ: IPLಗೂ ಆರಂಭಕ್ಕೂ ಮುನ್ನ RCBಗೆ ಗುಡ್ ನ್ಯೂಸ್: ಬಲಿಷ್ಠ ಆಲ್’ರೌಂಡರ್ ಅಬ್ಬರಕ್ಕೆ ಮಿಂಚಿನ ಶತಕದಾಟ

ಮರೈಸ್ ಎರಾಸ್ಮಸ್ ಅವರು ತಮ್ಮ ಕೊನೆಯ ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ಅಂಪೈರಿಂಗ್ ಮಾಡುತ್ತಿದ್ದಾರೆ. ನ್ಯೂಜಿಲೆಂಡ್‌ನ ವೆಲ್ಲಿಂಗ್ಟನ್‌’ನಲ್ಲಿರುವ ಬೇಸಿನ್ ರಿಸರ್ವ್‌’ನಲ್ಲಿ ಈ ಪಂದ್ಯ ನಡೆಯುತ್ತಿದ್ದು, ನ್ಯೂಜಿಲೆಂಡ್ ತಂಡ ಟಾಸ್ ಗೆದ್ದು ಬೌಲಿಂಗ್ ಮಾಡಲು ನಿರ್ಧರಿಸಿದೆ.

ಎರಾಸ್ಮಸ್ ಅವರು ಐಸಿಸಿಯ ಎಲೈಟ್ ಪ್ಯಾನೆಲ್‌’ನ ಭಾಗವಾಗಿರುವ ಅತ್ಯುತ್ತಮ ಅಂಪೈರ್‌ಗಳಲ್ಲಿ ಒಬ್ಬರು. ನಿವೃತ್ತಿಯ ನಂತರ ಐಸಿಸಿಯ ಎಲೈಟ್ ಪ್ಯಾನೆಲ್‌’ನಲ್ಲಿ ಆಡ್ರಿಯನ್ ಹೋಲ್ಡ್‌ಸ್ಟಾಕ್ ಏಕೈಕ ದಕ್ಷಿಣ ಆಫ್ರಿಕಾದ ಅಂಪೈರ್ ಆಗಿರುತ್ತಾರೆ.

“ಅಂಪೈರಿಂಗ್ ಒಂದು ಸವಾಲಿನ ಕೆಲಸ. ಜೊತೆಗೆ ಯಾವಾಗಲೂ ವಿಶೇಷ ಸಂಗತಿಯಾಗಿದೆ” ಎಂದು ಎರಾಸ್ಮಸ್ ಹೇಳಿದ್ದಾರೆ.

ಇದನ್ನೂ ಓದಿ:  4 ಪ್ರಮುಖರಿಗೆ ಟೀಂ ಇಂಡಿಯಾದ ಬಾಗಿಲು ಬಂದ್! ಯುವ ಆಟಗಾರರ ಎಂಟ್ರಿಯಿಂದ ಅಂತ್ಯವಾಯ್ತು ವೃತ್ತಿಬದುಕು!

ಎರಾಸ್ಮಸ್ ಮೂರು ಬಾರಿ (2016, 2017 ಮತ್ತು 2021) ICC ವರ್ಷದ ಅಂಪೈರ್ ಗೌರವವನ್ನು ಪಡೆದಿದ್ದಾರೆ. ಅಷ್ಟೇ ಅಲ್ಲದೆ, ಎರಾಸ್ಮಸ್ 80 ರೆಡ್-ಬಾಲ್ ಆಟಗಳಲ್ಲಿ, 124 ODIಗಳಲ್ಲಿ ಮತ್ತು 43 T20I ಗಳಲ್ಲಿ ಆನ್-ಫೀಲ್ಡ್ ಅಂಪೈರ್ ಆಗಿ ಕಾರ್ಯನಿರ್ವಹಿಸಿದ್ದಾರೆ.