ಕ್ರೀಡಾ ನಿರೂಪಕಿಯರ ಅಂದಕ್ಕೆ ಫಿದಾ ಆಗಿ ಅವರನ್ನೇ ವಿವಾಹವಾದ ಕ್ರಿಕೆಟಿಗರು ಇವರು! ಈ ಪಟ್ಟಿಯಲ್ಲಿದ್ದಾರೆ ಭಾರತ ಇಬ್ಬರು…

Cricketers Who Married Sports Anchors: ಕ್ರಿಕೆಟಿಗರು ಸಾಮಾನ್ಯವಾಗಿ ತುಂಬಾ ಕಠಿಣ ಮತ್ತು ಒತ್ತಡದ ಜೀವನವನ್ನು ಮುನ್ನಡೆಸುತ್ತಾರೆ. ಅವರ ಜೀವನಶೈಲಿ ಇತರರಿಗಿಂತ ಕೊಂಚ ವಿಭಿನ್ನವಾಗೇ ಇರುತ್ತದೆ, ಇನ್ನು ಅವರ ಲವ್ ಲೈಫ್ ಬಗ್ಗೆ ನೋಡೋದಾದ್ರೆ ಹೆಚ್ಚು ಕಮ್ಮಿ ಕ್ರಿಕೆಟಿಗರು, ಬಾಲಿವುಡ್ ನಟಿಯರನ್ನೇ ಮದುವೆಯಾಗಿರುವುದನ್ನು ಕಾಣಬಹುದು. ಉದಾಹರಣೆಗೆ, ವಿರಾಟ್ ಕೊಹ್ಲಿ, ಯುವರಾಜ್ ಸಿಂಗ್, ಕೆಎಲ್ ರಾಹುಲ್, ಹೀಗೆ ಅನೇಕರು.

ಇದನ್ನೂ ಓದಿ: ಗಂಡು ಮಗುವಿಗೆ ತಂದೆಯಾದ ಖುಷಿಯಲ್ಲಿ ಟೀಂ ಇಂಡಿಯಾ ಯಾರ್ಕರ್ ಸ್ಪೆಷಲಿಸ್ಟ್..!

ಆದರೆ ನಾವಿಂದು ಈ ಲೇಖನದಲ್ಲಿ ಹೇಳಹೊರಟಿರುವುದು, ಕ್ರೀಡಾ ನಿರೂಪಕಿಯರ ಅಂದಕ್ಕೆ ಫಿದಾ ಆಗಿ ಅವರನ್ನೇ ವಿವಾಹವಾದ ಕ್ರಿಕೆಟಿಗರ ಬಗ್ಗೆ. ಈ ಪಟ್ಟಿಯಲ್ಲಿ ಇಬ್ಬರು ಭಾರತದ ಕ್ರಿಕೆಟ್ ಆಟಗಾರರು.

ಆಸ್ಟ್ರೇಲಿಯಾದ ಆಲ್ ರೌಂಡರ್ ಶೇನ್ ವ್ಯಾಟ್ಸನ್ ಅವರು ಟಿವಿ ನಿರೂಪಕಿ ಲೀ ಫರ್ಲಾಂಗ್ ಅವರನ್ನು ವಿವಾಹವಾಗಿದ್ದಾರೆ. 2004 ರಲ್ಲಿ ಈ ಜೋಡಿ ಮೊದಲು ಭೇಟಿಯಾಗಿದ್ದರೂ ಸಹ ತಮ್ಮ ಪ್ರೇಮಸಂಬಂಧದ ಪಯಣ ಶುರು ಮಾಡಿದ್ದು 2006. ಆ ಬಳಿಕ ಮೇ 29, 2010ರಂದು ಶೇನ್ ಮತ್ತು ಲೀ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು.

ಇನ್ನು ಭಾರತದ ಆಲ್ ರೌಂಡರ್ ಸ್ಟುವರ್ಟ್ ಬಿನ್ನಿ ಕೂಡ ಭಾರತದ ಪ್ರಮುಖ ಕ್ರೀಡಾ ನಿರೂಪಕಿಯರಲ್ಲಿ ಒಬ್ಬರಾದ ಮಯಾಂತಿ ಲ್ಯಾಂಗರ್ ಅವರನ್ನು ವಿವಾಹವಾಗಿದ್ದಾರೆ. ಸ್ಟುವರ್ಟ್ ಮತ್ತು ಮಾಯಾಂತಿ ಸೆಪ್ಟೆಂಬರ್ 2012 ರಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಆಸ್ಟ್ರೇಲಿಯನ್ ಆಟಗಾರ ಬೆನ್ ಕಟಿಂಗ್ ಟಿವಿ ನಿರೂಪಕಿ ಎರಿನ್ ಹಾಲೆಂಡ್ ಅವರನ್ನು ವಿವಾಹವಾಗಿದ್ದಾರೆ. ಸೆಪ್ಟೆಂಬರ್ 2019 ರಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡ ಈ ಜೋಡಿ, ಫೆಬ್ರವರಿ 13, 2021 ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ನ್ಯೂಜಿಲೆಂಡ್ ಬ್ಯಾಟರ್ ಮಾರ್ಟಿನ್ ಗುಪ್ಟಿಲ್ ಕೂಡ ಟಿವಿ ಆಂಕತ್ ಲಾರಾ ಮೆಕ್‌ ಗೋಲ್ಡ್ರಿಕ್ ಅವರನ್ನು ವಿವಾಹವಾಗಿದ್ದಾರೆ. ಲಾರಾ ಮೆಕ್‌ ಗೋಲ್ಡ್ರಿಕ್ ಪತ್ರಕರ್ತೆ ಮತ್ತು ಟಿವಿ ನಿರೂಪಕಿ.

ಇದನ್ನೂ ಓದಿ: ಬಿಡದೇ ಕಾಡುತ್ತಿರುವ ಮಳೆರಾಯ: ಏಷ್ಯಾಕಪ್ ಸೂಪರ್ 4 ಪಂದ್ಯ ಕೊಲಂಬೋದಿಂದ ಈ ಮೈದಾನಕ್ಕೆ ಶಿಫ್ಟ್!

ಇನ್ನು ಟೀಂ ಇಂಡಿಯಾದ ಮತ್ತೊಂದು ಜೋಡಿ ಎಂದರೆ ಜಸ್ಪ್ರೀತ್ ಬುಮ್ರಾ ಮತ್ತು ಸಂಜನಾ ಗಣೇಶನ್. ಇಂದು ಈ ಜೋಡಿ ಗಂಡು ಮಗುವಿಗೆ ಪೋಷಕರಾಗಿದ್ದು ಸಂತಸದ ಕ್ಷಣವನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಪೇಸ್ ಬೌಲರ್ ಜಸ್ಪ್ರೀತ್ ಬುಮ್ರಾ ಭಾರತೀಯ ಕ್ರೀಡಾ ನಿರೂಪಕಿ ಸಂಜನಾ ಗಣೇಶನ್ ಅವರನ್ನು ಮಾರ್ಚ್ 2021 ರಲ್ಲಿ ವಿವಾಹವಾಗಿದ್ದಾರೆ.