ಬಿಡದೇ ಕಾಡುತ್ತಿರುವ ಮಳೆರಾಯ: ಏಷ್ಯಾಕಪ್ ಸೂಪರ್ 4 ಪಂದ್ಯ ಕೊಲಂಬೋದಿಂದ ಈ ಮೈದಾನಕ್ಕೆ ಶಿಫ್ಟ್!

Asia Cup Super 4 Match: ಪ್ರಸಾರಕರು ಮತ್ತು ತಂಡಗಳು ದಂಬುಲ್ಲಾಗೆ ಪ್ರಯಾಣಿಸಲು ಇಚ್ಛಿಸದ ಕಾರಣ, ಪಲ್ಲೆಕೆಲೆ ಮತ್ತು ಕೊಲಂಬೊವನ್ನು ಪಂದ್ಯಕ್ಕೆ ಆದ್ಯತೆಯ ಸ್ಥಳಗಳಾಗಿ ಆಯ್ಕೆ ಮಾಡಲಾಗಿತ್ತು

Asia Cup Super 4 Match

Super Four Asia Cup 2023: ಕೊಲಂಬೊದಲ್ಲಿ ಕಳೆದ ಕೆಲವು ದಿನಗಳಿಂದ ಭಾರೀ ಮಳೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಪ್ರಸ್ತುತ ನಡೆಯುತ್ತಿರುವ ಏಷ್ಯಾ ಕಪ್ 2023ರ ಸೂಪರ್ ಫೋರ್ ಪಂದ್ಯಗಳನ್ನು ಸ್ಥಳಾಂತರಿಸುವ ಸಾಧ್ಯತೆ ಇದೆ. ಶ್ರೀಲಂಕಾ ರಾಜಧಾನಿಯಲ್ಲಿ ಫೈನಲ್ ಸೇರಿದಂತೆ ಎಲ್ಲಾ ಸೂಪರ್ ಫೋರ್ ಪಂದ್ಯಗಳನ್ನು ಆಯೋಜಿಸಲು ನಿರ್ಧರಿಸಲಾಗಿತ್ತು. ಆದರೆ ಇದೀಗ ಪಲ್ಲೆಕೆಲೆಯ ಹವಾಮಾನ ಮುನ್ಸೂಚನೆ ವರದಿ ನೋಡಿದರೆ ಪಂದ್ಯಕ್ಕೆ ಯೋಗ್ಯವಿಲ್ಲದಂತೆ ಕಾಣುತ್ತಿದೆ.

ಇದನ್ನೂ ಓದಿ: ಪ್ರವಾಸಿಗರು ಅತಿ ಹೆಚ್ಚು ಭೇಟಿ ನೀಡುವ ಭಾರತದ ರಾಷ್ಟ್ರೀಯ ಉದ್ಯಾನವನಗಳಿವು..!  

ಪ್ರಸಾರಕರು ಮತ್ತು ತಂಡಗಳು ದಂಬುಲ್ಲಾಗೆ ಪ್ರಯಾಣಿಸಲು ಇಚ್ಛಿಸದ ಕಾರಣ, ಪಲ್ಲೆಕೆಲೆ ಮತ್ತು ಕೊಲಂಬೊವನ್ನು ಪಂದ್ಯಕ್ಕೆ ಆದ್ಯತೆಯ ಸ್ಥಳಗಳಾಗಿ ಆಯ್ಕೆ ಮಾಡಲಾಗಿತ್ತು.

ಪಲ್ಲೆಕೆಲೆ ಅಂತರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂ ಇಲ್ಲಿಯವರೆಗೆ ಎರಡು ಪಂದ್ಯಗಳನ್ನು ಆಯೋಜಿಸಲಾಗಿದೆ. ಅದರಲ್ಲಿ ಶ್ರೀಲಂಕಾ ಮತ್ತು ಬಾಂಗ್ಲಾದೇಶದ ನಡುವಿನ ಪಂದ್ಯವು ಯಾವುದೇ ಅಡೆತಡೆಗಳಿಲ್ಲದೆ ಮುಗಿದಿತ್ತು. ಆದರೆ ಭಾರತ ಮತ್ತು ಪಾಕಿಸ್ತಾನದ ಪಂದ್ಯಕ್ಕೆ ಮಳೆ ಅಡ್ಡಿಪಡಿಸಿದ್ದು, ಕೊನೆಗೆ ಪಂದ್ಯವನ್ನೇ ರದ್ದುಪಡಿಸಲಾಗಿತ್ತು.

ಇದನ್ನೂ ಓದಿ: 19 ವರ್ಷಕ್ಕೆ ಕ್ರಿಕೆಟ್’ಗೆ ಪಾದಾರ್ಪಣೆ ಮಾಡಿದ ಬ್ರಾಡ್ಮನ್ ಫೇವರೇಟ್ ಆಟಗಾರ 23ರ ಹರೆಯದಲ್ಲಿ ನಿಧನ!

ಈ ಹಿನ್ನೆಲೆಯಲ್ಲಿ ಏಷ್ಯನ್ ಕ್ರಿಕೆಟ್ ಕೌನ್ಸಿಲ್ (ಎಸಿಸಿ) ಮರುಚಿಂತನೆ ಮಾಡಲು ಚಿಂತನೆ ನಡೆಸಿದೆ. ಕೊಲಂಬೊದಲ್ಲಿ ಮೊದಲ ಸೂಪರ್ ಫೋರ್ ಪಂದ್ಯವು ಸೆಪ್ಟೆಂಬರ್ 9 ರಂದು ನಡೆಯಲಿದೆ. ಆದರೆ ಹವಾಮಾನ ಮುನ್ಸೂಚನೆಯು ಯೋಗ್ಯವಾಗಿ ಕಾಣುತ್ತಿಲ್ಲ. ಹೀಗಾಗಿ ಮುಂದಿನ ಸೂಪರ್ 4 ಪಂದ್ಯಗಳನ್ನು ಯಾವ ಮೈದಾನಕ್ಕೆ ಶಿಫ್ಟ್ ಮಾಡಲಾಗುವುದು ಎಂಬುದರ ಬಗ್ಗೆ  ಮುಂದಿನ 24-48 ಗಂಟೆಗಳಲ್ಲಿ ACC ಯಿಂದ ಅಧಿಕೃತ ಘೋಷಣೆಯಾಗುವ ಸಾಧ್ಯತೆಯಿದೆ.