IND vs PAK: 2 ಬಾರಿ ರೋಹಿತ್ ಶರ್ಮಾ ಔಟ್ ಆಗಲು ಕಾರಣನಾದ ಈ ಆಟಗಾರನಿಗೆ ತಂಡದಲ್ಲಿ ಸ್ಥಾನ ನೀಡಿದ ಸಮಿತಿ!

Asia Cup 2023, IND vs PAK: ಸೆಪ್ಟೆಂಬರ್ 2 ರಂದು ಅಂದರೆ ಇಂದು ನಡೆಯಲಿರುವ ಭಾರತ ಮತ್ತು ಪಾಕಿಸ್ತಾನ ವಿರುದ್ಧದ ಏಷ್ಯಾ ಕಪ್ 2023 ರ ಬಿಗ್ ಮ್ಯಾಚ್ ಮೊದಲು, ಪಾಕಿಸ್ತಾನ ಕ್ರಿಕೆಟ್ ತಂಡದ ಬೌಲರ್‌’ಗಳ ಬಗ್ಗೆ ತೀವ್ರ ಚರ್ಚೆ ನಡೆಯುತ್ತಿದೆ. ಶಾಹೀನ್ ಶಾ ಅಫ್ರಿದಿ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಹೈಪ್ ಕ್ರಿಯೇಟ್ ಆಗುತ್ತಿದೆ. ಆದರೆ ಶಾಹೀನ್ ಶಾ ಆಫ್ರಿದಿಗಿಂತ ಹೆಚ್ಚು ಅಪಾಯಕಾರಿ ಬೌಲರ್ ಪಾಕಿಸ್ತಾನ ತಂಡದಲ್ಲಿದ್ದಾನೆ.

ಇದನ್ನೂ ಓದಿ: ಶನಿದೇವನ ಈ ಸ್ತೋತ್ರ ಪಠಿಸಿದರೆ ಸಕಲ ಸಂಪತ್ತಿನ ಜೊತೆ ಅಖಂಡ ವರ ಪ್ರಾಪ್ತಿ

ಸುಮಾರು 10 ತಿಂಗಳ ನಂತರ ಭಾರತ ಮತ್ತು ಪಾಕಿಸ್ತಾನ ತಂಡಗಳು ಕ್ರಿಕೆಟ್ ಮೈದಾನದಲ್ಲಿ ಮುಖಾಮುಖಿಯಾಗಲಿವೆ. ಇದಕ್ಕೂ ಮೊದಲು 23 ಅಕ್ಟೋಬರ್ 2022 ರಂದು ಭಾರತ ಮತ್ತು ಪಾಕಿಸ್ತಾನ ತಂಡಗಳು T20 ವಿಶ್ವಕಪ್ 2022 ಪಂದ್ಯದಲ್ಲಿ ಪರಸ್ಪರ ಮುಖಾಮುಖಿಯಾಗಿದ್ದವು. ಆ ಪಂದ್ಯದಲ್ಲಿ ಟೀಂ ಇಂಡಿಯಾ ಪಾಕಿಸ್ತಾನವನ್ನು 4 ವಿಕೆಟ್‌’ಗಳಿಂದ ಸೋಲಿಸಿತ್ತು.

ಈ ಬಾರಿ ಟೀಂ ಇಂಡಿಯಾದ ವಿರುದ್ಧ ಸೇಡು ತೀರಿಸಿಕೊಳ್ಳುವ ಉತ್ಸಾಹದಲ್ಲಿ ಪಾಕಿಸ್ತಾನ ತಂಡವಿದೆ. ಹೀಗಿರುವಾಗ ಇಂದು ಭಾರತದ ವಿರುದ್ಧ ನಡೆಯಲಿರುವ ಏಷ್ಯಾ ಕಪ್ 2023 ಪಂದ್ಯದಲ್ಲಿ ಪಾಕಿಸ್ತಾನದ ಓರ್ವ ಬೌಲರ್ ಅಬ್ಬರಿಸೋದು ಪಕ್ಕಾ ಆಗಿದೆ. ಈ ವೇಗದ ಬೌಲರ್ ಬೇರೆ ಯಾರೂ ಅಲ್ಲ, ಹ್ಯಾರಿಸ್ ರೌಫ್. ಶಾಹೀನ್ ಅಫ್ರಿದಿಗಿಂತ ಹ್ಯಾರಿಸ್ ರೌಫ್ ಅತ್ಯಂತ ಅಪಾಯಕಾರಿ ವೇಗದ ಬೌಲರ್.

ಈ ಪಾಕಿಸ್ತಾನಿ ವೇಗದ ಬೌಲರ್ ಟೀಂ ಇಂಡಿಯಾ ನಾಯಕ ರೋಹಿತ್ ಶರ್ಮಾ ಅವರನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್‌’ನಲ್ಲಿ ಎರಡು ಬಾರಿ ಔಟ್ ಮಾಡಿದ್ದಾರೆ. ಹ್ಯಾರಿಸ್ ರೌಫ್ ಟೀಂ ಇಂಡಿಯಾ ಆಲ್ ರೌಂಡರ್ ಹಾರ್ದಿಕ್ ಪಾಂಡ್ಯ ಮತ್ತು ಸ್ಫೋಟಕ ಬ್ಯಾಟ್ಸ್ ಮನ್ ಸೂರ್ಯಕುಮಾರ್ ಯಾದವ್ ಅವರನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ ನಲ್ಲಿ ತಲಾ ಒಂದೊಂದು ಬಾರಿ ಔಟ್ ಮಾಡಿದ್ದಾರೆ. ಆದರೆ ವಿರಾಟ್ ಕೊಹ್ಲಿಯನ್ನು ಒಮ್ಮೆಯೂ ಔಟ್ ಮಾಡಲು ಹ್ಯಾರಿಸ್ ರೌಫ್ ಅವರಿಗೆ ಸಾಧ್ಯವಾಗಿಲ್ಲ.

ಇದನ್ನೂ ಓದಿ: ಈ ರಾಶಿಯ ಮೇಲಿರಲಿದೆ ಶನಿಯ ಶ್ರೀರಕ್ಷೆ: ಬೇಡಿದ್ದೆಲ್ಲಾ ಕರುಣಿಸಿ ಧನವೃಷ್ಟಿಯನ್ನೇ ಸುರಿಸಲಿದ್ದಾನೆ!

23 ಅಕ್ಟೋಬರ್ 2022 ರಂದು ನಡೆದ T20 ವಿಶ್ವಕಪ್ 2022 ಪಂದ್ಯದಲ್ಲಿ, ವಿರಾಟ್ ಕೊಹ್ಲಿ ಹ್ಯಾರಿಸ್ ರೌಫ್ ಅವರ 2 ಬಾಲ್’ಗೆ ಸಿಕ್ಸರ್ ಬಾರಿದ್ದರು. ಈ ಸಿಕ್ಸರ್ ಕ್ರಿಕೆಟ್ ಇತಿಹಾಸದಲ್ಲಿಯೇ ಬಹಳ ಪ್ರಸಿದ್ಧವಾಗಿದೆ. ಆ ಪಂದ್ಯದಲ್ಲಿ ಟೀಂ ಇಂಡಿಯಾದ ಬ್ಯಾಟ್ಸ್‌ಮನ್ ವಿರಾಟ್ ಕೊಹ್ಲಿ 53 ಎಸೆತಗಳಲ್ಲಿ 82 ರನ್ ಗಳಿಸಿ ಅಜೇಯ ಇನ್ನಿಂಗ್ಸ್ ಆಡಿದ್ದರು. ವಿರಾಟ್ ಕೊಹ್ಲಿ ಅವರ ಅದ್ಭುತ ಇನ್ನಿಂಗ್ಸ್‌’ಗಾಗಿ 'ಪಂದ್ಯ ಶ್ರೇಷ್ಠ' ಪ್ರಶಸ್ತಿ ಕೂಡ ಬರೆದಿದ್ದರು.