“ಭಾರತ ಇಲ್ಲದಿದ್ದರೆ ಪಾಕ್ ಇಲ್ಲ… ಮತ್ತೆ ಒಂದಾಗೋಣ” ಎಂದು ಕಣ್ಣೀರಾದ ಪಾಕ್ ಕ್ರಿಕೆಟಿಗ!

Pakistan Cricketer Shadab Khan: ಪಾಕಿಸ್ತಾನದ ಪ್ರತಿಭಾನ್ವಿತ ಆಲ್‌ ರೌಂಡರ್ ಶಾದಾಬ್ ಖಾನ್, ಯುನೈಟೆಡ್ ಸ್ಟೇಟ್ಸ್‌’ನಲ್ಲಿ ನಡೆಯುತ್ತಿರುವ ಮೇಜರ್ ಲೀಗ್ ಕ್ರಿಕೆಟ್‌ ನಲ್ಲಿ (ಎಂಎಲ್‌ಸಿ) ಆಡುವ ಬಗ್ಗೆ ಉತ್ಸುಕತೆಯನ್ನು ವ್ಯಕ್ತಪಡಿಸಿದ್ದಾರೆ. ಪಂದ್ಯಾವಳಿಯ ಇತಿಹಾಸದಲ್ಲಿ ಮಹತ್ವದ ಕ್ಷಣವನ್ನು ಗುರುತಿಸುವ ಮೂಲಕ ಭಾರತೀಯ ಆಟಗಾರರೊಂದಿಗೆ ತರಬೇತಿ ಪಡೆಯುವ ಅವಕಾಶದ ಬಗ್ಗೆ ಅವರು ಮಾತನಾಡಿದ್ದಾರೆ.

ಇದನ್ನೂ ಓದಿ: “ಒಂದು ವರ್ಷದಿಂದ ಭಾರತ ತಂಡ ಈ ಆಟಗಾರನನ್ನು ಮಿಸ್ ಮಾಡಿಕೊಳ್ಳುತ್ತಿದೆ”: Team India ಕೋಚ್ ಹೇಳಿಕೆ

ಶಾದಾಬ್ ಸ್ಯಾನ್ ಫ್ರಾನ್ಸಿಸ್ಕೊ ​​ಯುನಿಕಾರ್ನ್ಸ್ ತಂಡವನ್ನು ಪ್ರತಿನಿಧಿಸುತ್ತಿದ್ದಾರೆ. ಪಾಕಿಸ್ತಾನದ ಮತ್ತೊಬ್ಬ ಆಟಗಾರ ಹ್ಯಾರಿಸ್ ರೌಫ್ ಕೂಡ ಇದೇ ತಂಡದಲ್ಲಿದ್ದಾರೆ. ಭಾರತದ ದೇಶೀಯ ಕ್ರಿಕೆಟ್‌ ನಲ್ಲಿ ತಮ್ಮ ಛಾಪು ಮೂಡಿಸಿದ ಆಟಗಾರರಾದ ತಜೀಂದರ್ ಸಿಂಗ್ ಮತ್ತು ಚೈತನ್ಯ ಬಿಷ್ಣೋಯ್ ಸಹ ಸ್ಯಾನ್ ಫ್ರಾನ್ಸಿಸ್ಕೊ ​​ಯುನಿಕಾರ್ನ್ಸ್ ನ್ನು ಪ್ರತಿನಿಧಿಸಲಿದ್ದಾರೆ.

ಈ ಸಂದರ್ಭದಲ್ಲಿ ಭಾರತ ಪಾಕ್ ಬಗ್ಗೆ ಮಾತನಾಡಿದ ಶಾದಾಬ್ ಖಾನ್ “ವಿಭಜನೆಯ ಮೊದಲು ಪಾಕಿಸ್ತಾನ ಮತ್ತು ಭಾರತದ ಆಟಗಾರರು ಮೈದಾನವನ್ನು ಒಟ್ಟಾಗಿ ಹಂಚಿಕೊಂಡಿದ್ದರು. MLC ಮೂಲಕ ಭಾರತೀಯ ಆಟಗಾರರ ಜೊತೆ ಆಡುವುದು ನನಗೆ ಖುಷಿಯ ಸಂಗತಿಯಾಗಿದೆ” ಎಂದು ಹೇಳಿದ್ದಾರೆ.

“ಭಾರತ ಮತ್ತು ಪಾಕಿಸ್ತಾನ ಎರಡೂ ಪ್ರತ್ಯೇಕಗೊಳ್ಳುವ ಮೊದಲು, ಎಲ್ಲಾ ಆಟಗಾರರು ಒಟ್ಟಿಗೆ ಆಡುತ್ತಿದ್ದರು. ಈ ಪಂದ್ಯಾವಳಿಯಲ್ಲಿ ನಮ್ಮ ಭಾರತೀಯ ಸಹೋದರರೊಂದಿಗೆ ಮತ್ತೆ ಒಂದಾಗುತ್ತಿರುವುದು ಅದ್ಭುತ ಎನಿಸುತ್ತಿದೆ. ಭಿನ್ನಾಭಿಪ್ರಾಯಗಳನ್ನು ನಿವಾರಿಸಲು ಇದೊಂದು ಉತ್ತಮ ಅವಕಾಶವಾಗಿದೆ, ಮತ್ತೆ ಒಂದಾಗೋಣ” ಎಂದು ಶಾದಾಬ್ ಹೇಳಿದ್ದಾರೆ.

“ನಾವು ಭೇಟಿಯಾದಾಗ ನಮ್ಮ ಭಾವನೆ ಸಮಾನವಾಗಿವೆ ಎಂದನಿಸುತ್ತದೆ. ನಮ್ಮ ಸಂಸ್ಕೃತಿ, ಭಾಷೆಗಳು ಒಂದಕ್ಕೊಂದು ತೀರಾ ಹೋಲಿಕೆಯಾಗುತ್ತವೆ” ಎಂದು ಹೇಳಿದ್ದಾರೆ. ಈ ಸಂದರ್ಭದಲ್ಲಿ ಮಾತನಾಡುತ್ತಾ ಕೊಂಚ ಭಾವುಕರಾದದ್ದು ಕಂಡುಬಂತು.