ಏಷ್ಯಾಕಪ್’ಗೂ ಮುನ್ನ ಅಂತರಾಷ್ಟ್ರೀಯ ಕ್ರಿಕೆಟ್’ಗೆ ದಿಢೀರ್ ನಿವೃತ್ತಿ ಘೋಷಿಸಿದ ಇಬ್ಬರು ಸ್ಟಾರ್ ಕ್ರಿಕೆಟಿಗರು!

Cricket News: ಏಷ್ಯಾಕಪ್ 2023 ಪಾಕಿಸ್ತಾನದ ಆತಿಥ್ಯದಲ್ಲಿ ಆಗಸ್ಟ್ 31 ರಿಂದ ಪ್ರಾರಂಭವಾಗಲಿದೆ ಮತ್ತು ಫೈನಲ್ ಪಂದ್ಯವು ಸೆಪ್ಟೆಂಬರ್ 17 ರಂದು ನಡೆಯಲಿದೆ. ಏಷ್ಯನ್ ಕ್ರಿಕೆಟ್ ಕೌನ್ಸಿಲ್ ಶೀಘ್ರದಲ್ಲೇ ಪಂದ್ಯಾವಳಿಯ ವೇಳಾಪಟ್ಟಿಯನ್ನು ಪ್ರಕಟಿಸಬಹುದು. ಈ ನಡುವೆ ಕ್ರಿಕೆಟ್ ಅಭಿಮಾನಿಗಳಿಗೆ ದೊಡ್ಡ ಶಾಕ್ ಸುದ್ದಿ ಹೊರಬಿದ್ದಿದ್ದು, ಏಷ್ಯಾಕಪ್‌ ಗೂ ಮುನ್ನ ವೇಗದ ಬೌಲರ್‌ ಹಾಗೂ ಆಲ್‌ರೌಂಡರ್‌ ದಿಢೀರ್‌ ನಿವೃತ್ತಿ ಘೋಷಿಸಿದ್ದಾರೆ.

ಇದನ್ನೂ ಓದಿ: ವಿಂಡೀಸ್ ವಿರುದ್ಧದ ಟೆಸ್ಟ್’ಗೆ ಆಯ್ಕೆಯಾದ್ರೂ Team Indiaದ ಈ 3 ಆಟಗಾರರಿಗೆ ಆಡುವ ಚ್ಯಾನ್ಸ್ ಸಿಗೋದು ಡೌಟ್!

ಏಷ್ಯಾ ಕಪ್ ಮೊದಲು ದಿಢೀರ್ ನಿವೃತ್ತಿ ಘೋಷಣೆ:

ಏಷ್ಯಾಕಪ್ 2023ರ ಮೊದಲು ಪಾಕಿಸ್ತಾನದ ವೇಗದ ಬೌಲರ್ ಎಹ್ಸಾನ್ ಆದಿಲ್ ಮತ್ತು ಆಲ್ ರೌಂಡರ್ ಹಮ್ಮದ್ ಅಜಮ್ ನಿವೃತ್ತಿ ಘೋಷಿಸಿದ್ದಾರೆ. ವೇಗದ ಬೌಲರ್ ಎಹ್ಸಾನ್ ಆದಿಲ್ ಪಾಕಿಸ್ತಾನದ ಪರ 3 ಟೆಸ್ಟ್ ಮತ್ತು 6 ODI ಪಂದ್ಯಗಳನ್ನು ಆಡಿದ್ದಾರೆ. ಆಲ್‌ ರೌಂಡರ್ ಹಮ್ಮದ್ ಅಜಮ್ ಪಾಕಿಸ್ತಾನಕ್ಕಾಗಿ 11 ODI ಮತ್ತು 5 T20 ಅಂತರರಾಷ್ಟ್ರೀಯ ಪಂದ್ಯಗಳನ್ನು ಆಡಿದ್ದಾರೆ. ಈ ಇಬ್ಬರೂ ಆಟಗಾರರು ಪ್ರಸ್ತುತ ಪಾಕಿಸ್ತಾನಿ ತಂಡದ ಭಾಗವಾಗಿಲ್ಲ.

ಎಹ್ಸಾನ್ ಆದಿಲ್ ಫೆಬ್ರವರಿ 2013 ರಲ್ಲಿ ಸೆಂಚುರಿಯನ್‌ ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಟೆಸ್ಟ್‌ಗೆ ಪಾದಾರ್ಪಣೆ ಮಾಡಿದರು. ಟೆಸ್ಟ್ ನಲ್ಲಿ 5 ವಿಕೆಟ್ ಹಾಗೂ ಏಕದಿನದಲ್ಲಿ 4 ವಿಕೆಟ್ ಕಬಳಿಸಿದ್ದಾರೆ. ಅವರು ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್‌ನಲ್ಲಿ 2015 ರ ವಿಶ್ವಕಪ್ ತಂಡದ ಭಾಗವಾಗಿದ್ದರು. ಅಡಿಲೇಡ್‌ ನಲ್ಲಿ ಕ್ವಾರ್ಟರ್-ಫೈನಲ್‌ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ ತಂಡಕ್ಕಾಗಿ ಅವರು ತಮ್ಮ ಕೊನೆಯ ಪಂದ್ಯವನ್ನು ಆಡಿದರು, ಇದನ್ನು ಆಸ್ಟ್ರೇಲಿಯಾ ಆರು ವಿಕೆಟ್‌ಗಳಿಂದ ಗೆದ್ದಿತು. ಹಿರಿಯ ಪಾಕಿಸ್ತಾನ ತಂಡಕ್ಕೆ ಪ್ರವೇಶಿಸುವ ಮೊದಲು, ಎಹ್ಸಾನ್ ಆಸ್ಟ್ರೇಲಿಯಾದಲ್ಲಿ ನಡೆದ 2012 ICC ಪುರುಷರ U19 ಕ್ರಿಕೆಟ್ ವಿಶ್ವಕಪ್‌ಗಾಗಿ ಪಾಕಿಸ್ತಾನದ ತಂಡದ ಸದಸ್ಯರಾಗಿದ್ದರು.

ಈಗ ಈ ಇಬ್ಬರೂ ಆಟಗಾರರು ಈ ತಿಂಗಳು ಮೇಜರ್ ಲೀಗ್ ಕ್ರಿಕೆಟ್‌ ನಲ್ಲಿ (MLC) MI ನ್ಯೂಯಾರ್ಕ್‌ಗಾಗಿ ಆಡುವುದನ್ನು ಕಾಣಬಹುದು.